我女普通私幼K1 升K2, 下年要考小啦, 想問下而家咩水平先要可以考到神小/ 好的直私?
而家啲人通常幾多興趣班呢？
面試係咪唔使識多好字， 著重對答多啲呢？
叩門位又少咗， 即刻好驚想谷下佢入到好的直私唔使大抽獎。。。抽唔到又叩唔到就玩完 
如果是普通私幼，最好降低期望，單是果幾間名幼加埋已過2000人。但要考到直私（二線）不難
都要識字架，好似SFA個啲咁，做卷
咩水平好難講，學校都鍾意小朋友識對答
所以性格開朗，多野講都好
其實都係睇彩數，盡量做架咋
要識字，中英文生字會考，有d學校考得淺，有d考得深，另外有學校考重組句子，不過我覺得唔深嘅。對答當然重要，記住要完整句子。數學基本加減，日子（有間問過今日係星期五，3日後係星期幾）。有間考過聽錄音後答問題。
1個讚
唔洗太緊張嘅，越緊張越易失場。面試唔多唔少都靠d運氣。另外，真係唔好彩，咪小一繼續努力，升小二再考插班。呢幾年都多人走，多左插班位。就好似我仔讀緊果間為例，小一上學期已有1個移民，下學期有2個移民，另外有2個將會讀埋小二上學期就走。所以唔洗太緊張，不過我明白有幾咁緊張，因為當日我都係咁
相信自己小朋友，一定會有合適嘅學校收架。
當日我自己最心儀果間唔收，first in止步，反而我諗住冇可能嘅神校收左。但又真嘅，in心儀果間我好緊張，面試前都不停同小朋友溫習，提醒呢樣，提醒果樣。而in神校預左唔得，反而我地係好輕鬆，冇溫習咁去in，反而收左。
5個讚
咁有唔會玩完咁嚴重。有裝備小朋友，我相信入唔到最心儀嘅小學，都會叩到一線尾二線頭小學。
最多努力多一年插小二。
但剛才睇群組有人分享有啲私小一線地區小學開學無耐都會招小一插班生。
看你目標是怎樣的學校。如果強調學術如SFA,以下小一測驗可以參考下。因為間間學校著重嘅嘢係唔同。不過，近年移民人多及出生人數小，都常有插班位。以前覺得入唔到什麼學校好可惜，而家睇番真係老土講句係條條大路通羅馬。
5個讚
要操數 20 內加減
要識睇英文圖書
中文就係比100個中文生字
面試嗰陣就睇小朋友讀到幾多
不過以過來人身份講番
其實都唔洗過份緊張
呢幾年叩門唔難
之前分享過
3個讚
Phonics老師今日分案個案:
考到starters+mover 15 盾 、GESE grade 3 (申請學校時未考mover 及GESE G3但學緊）:掃哂3 私(KTS, APS, SFA) + 一條龍直資如培僑offers
考到starters15 盾 ：掃哂3 私(KTS, APS, SFA) offers , CKY+ TSL 2nd in 後waiting, 還有其他二線如九龍真光,德雅,音小及禮賢等offers
我識果d考到神校既係乜盾都無
2個讚
中文識多d字，越多越好，神校會比本中文書你自己睇然後講summary, 只睇圖絕對唔夠。
英文，如果真係要量化，最好去到ort level 6, 有無盾都無所謂，可以唔識串字，但英文speaking and listening 最好有starter level.
之後就係presentation, 識晒但講唔到出黎係無用的，呢句唔係我講，係熱門直資小學校長今年係info talk度講，非常直白，自己執生。
仲有，疫情後好幾間都考合作，group in, 唔可以顧自己，要同人有interaction, 亦要有禮貌有品德。
如果你target 一線或神小，以上就係今年既trends
3個讚
而家啲人通常幾多興趣班呢？
好多…除非小朋友無人理，或者屋企已經好似間補習社咁屋企人咩都識，我見好多小朋友一連7日都有堂上。面試班上2-3個。
面試係咪唔使識多好字， 著重對答多啲呢？
如果target 神小一定要識字，唔止重對答。
熱門既直資小學，interview 答錯一題都會被out。呢d熱門學校絕對無因為移民而減少競爭，反而疫情後谷得更勁。
叩門位已cut3份1
至於插班，疫情後專才計劃令越來越多海歸大6人帶仔女黎香港讀書，佢地一d都唔市井唔大媽，係有晒策略爭入香港家長都想入既學校，而佢地谷小朋友既程度絕對唔係我地香港家長做得黎。所以，越遲轉校，競爭會越大。
呢家越來越多香港家長調返轉上小紅書向佢地取經，而如果想要名校past paper, 以前係secret, 呢家小紅書亦好易搵到。不過可幸係佢地未摸熟香港學校，小紅書暫時仲有好多fake news.
總之，疫情後，升小已經同以前好唔一樣。
1個讚
咁考盾只是prepare 好小孩學英文、尤其Cambridge 學既內容都幾好、不是寫包單入什麼學校既。佢哋冇盾係考姐、考的話都應付到、尤其starters 其實好淺
呢班家長自己都由細俾人谷，佢地有錢有時間有策略，出過去讀書又有見識，各方面條件其實好勁，所以香港直私競爭愈來愈大，岩岩新聞石門間直資二千人爭廿個插班位
1個讚
對，仲要2k 人只係爭2個年級，非爭6個年級
所以可以既話唔好拖長戰線，唔好靠叩門或插班，雖然讀落唔適合都係要轉…
原來係咁 
唔止香港, 英國同加拿大私校一樣情況.
好多大陸人送仔女出國係target Westminster, St Paul’s and Eton這些最頂尖私校.
今年幾間學校的King’s Scholarship, 有過半人個名係普通話拼音.
