好記得以前讀大學，黎香港讀嗰啲真係科科滿分，拎晒獎學金，佢地生活可以淨係讀書，超勤力
真係好恐怖
但無錢既大6人已經係上一代既事，呢家係有錢又勤力，而且普通話native, 英語接近native
香港人越來越被邊緣化係好無奈既事實，人地人多。
3個讚
父母係這裏 職員 或者 校董。
宜家都係，外國見到有兩種。
一種真係可以日日圖書館不斷刨書，真係抵佢有好成績攞獎學金
一種係符碌讀書，英文可能得 DSE level 2/3。
我覺得呢個最考小朋友，可以睇到小朋友理解同組織能力。
我發覺我小朋友都係弱係呢方面，書係識睇睇得明又可以跟住啲字嚟講。但叫佢放低本書大概簡單講番本書，就甩甩咳咳腦便秘咁講唔番出嚟。
無錯無錯，仲要有條有理講返出黎，考緊書面語同口語轉換，組織及理解能力。even show and tell, 你都唔可以講短句，要講多d講耐d, 先表現到能力。
其實大人都未必做到啦，真係好顛呀。
呢d出去嘆世界既，可能洗x錢，走g, 唔使靠讀書上位，未起跑已贏。
死讀爛讀個d, 就係未上岸，或者屋企有盤生意靠晒佢，呢d人都無得唔做。
4-5 歲小朋友要識睇中文書, 又要ort level 6 姐係又要識串, 理解同組織能力呢啲再高階啲…
仲要有溝通, social skill…
應該要K開始日日谷先得, 真係入咗神小又要更谷, 中學又再谷
佩服家長同小朋友
香港教育就係將育兒本末倒置, 浪費親子玩樂時光. 呢啲skills到初小慢慢教非常輕易.
入左神小先至唔駛谷。所有神小都係一條龍，功課係少到你唔信。輕輕鬆鬆上神中，可以真係有好多時間閱讀，上興趣班，唔需要為儲證書獎項而去谷。
幼稚園底打得好的話，唔外補都可以中上游
1個讚
以上都未數課外活動考級考cert個d. 唔會k先谷，已經遲。
所以係香港做細路真係唔易。不過，香港又遍地神童，資優，總有媽媽表示其實唔難，一早已識，大家合力將戰線越推越早。
咁唔係個個小朋友谷得起，谷唔起就睇開d lor.
true. 輕鬆唔代表鬆懈。就算唔谷學術，課外生活都多姿多彩，exposure 好多，屋企好願栽培。
又唔好一口否認。我見成功既家長，小朋友係開心地接受晒以上講既野。佢地唔係當操練，係當日常咁玩住學，落好多心機，而且小朋友有天份受得起。
當然都有一大堆目標為主咁操練啦，日日去上堂我都覺得好佩服，至少佩服毅力。
每日返兩間幼稚園, 放學一個興趣班/補習班的時間, 週末早上到下午兩個班的時間, 話冇影響生活係冇可能. 只係合埋眼話好享受上嗰啲班, 接送唔費時, 仲要完全冇減少親子時間je.
1個讚
愛閱讀，最好能夠自己睇到故事書
有禮，淡定，對答得體
有個人專長會比較好
多d去博物館/郊外，要有一定常識基礎
其實間間學校喜好唔同，但如果講神校，一般都係家長花好多時間伴讀，陪玩，四圍去，加上得體嘅孩子
另外，孩子好奇亦好重要，呢個就真係睇自細家長點回應孩子問題
我所知入到神校嘅cases都係好奇嘅孩子
但群組本身係有bias，因為係資優學家長group，都無"谷"孩子，係孩子自己"餓"知識
有部份人的確係咁
但我成日覺得咁細已chur成咁，好難大…
唔止好奇，仲會識搵答案，或chur家長一齊搵答案，內在推動力好高，呢樣野靠谷係谷唔到。
得體呢個point都重要
1個讚
識幾個St Cat, Victoria家庭都係咁.
我都唔認同幼兒階段就chur學術同體藝考cert.
讀呢d學校，唔咁做反而係異類…
係, 大部份家庭都係咁.
人人都覺得自己小朋友出類拔萃, 細個谷到入名校將來就平步青雲.
但我睇法係幼稚園同小學階段的叻多數係家長谷同操出黎. 到青春期唔聽你支笛唔跟你安排仲會唔會自願勤力學習?
與其過早費力催谷, 不如好好珍惜小朋友步入青春期前的親子時光, 享受當下階段應有的幸福, 製造多些快樂的共同回憶.
學習方面培養良好學習態度就足夠. 例如每日定時看書, 做適量適齡的功課, 由家長身體力行示範愛探索不怕挑戰盡力解難的精神.
這是我深信正確的育兒方針. 可惜喺香港/華人教育環境下好難做到, 或好難不被影響去堅持.
4個讚