好辛苦，我唔知點做，整個帳號問下你地。
日日受老公氣（性格差，認為揾錢大晒）、 侮辱挑釁說話、 睇唔起我、佢生活壞習慣 、老公家人圈子…… 當初生因為個個一開頭都好好，點知6,7年就直程擺明對我衰。
有三位小朋友 一直唔走因為唔識點做
留係到：有充足經濟資源比到小朋友，例如學野外補、家中環境、有請鐘點
離婚冇資源比到三個小朋友 抖不過氣 預咗一切要死捱 就算法庭追討要時間（佢唔願離婚） ，我冇娘家。
我睇啱有啲便宜租盤，綜援錢係夠支援，當然三個小朋友生活費好猛猛緊，咩都冇得學，我咁做算係累咗小朋友嗎？
不如詳細啲形容下？真係差到冇得救？有冇同佢講過？
另外屋企有冇夾萬？
性格不合，真係唔知邊到講起，例如佢經常小事就燥底，好影響人心情。另外想請問夾萬有咩影響？
因為知道佢揾錢辛苦，我家用得3000，冇得管佢錢，但就全家生活雜費佢會處理
得罪講句, 你唔係累咗小朋友, 係你令自己辛苦.
事到如今, 就真係睇你擺小朋友有冇充足資源生活, 定係你認為自己開展新生活重要.
如果你冇能力, 冇勇氣, 冇屋企人幫手 (冇人幫手湊小朋友, 你唔可以搵嘢做), 咁你就要忍氣吞聲, 再計劃點樣裝備自己, 儲錢, 到搵到工作, 小朋友至少有人湊/自理, 咁你應該可以有自己嘅生活
你講得好正確，我乜都冇，又冇揾錢能力。
但又不捨得掉低佢地係一個冇規矩嘅人屋企，冇人教（老公家人）
我就一定揀尊嚴，有尊嚴嘅媽媽啲細路先會做一個正直有勇氣嘅人
相信你都係忍無可忍個老公, 先至會有呢個諗法. 如果老公果邊真係成日冷暴力你, 有心維繫一個家, 就要比佢知道你好難受.
你一個人帶住三個小朋友生活, 只係萬一嘅別無他選啫
你想小朋友大個做一個仰人鼻息嘅人嗎？
你個女婿咁對你個女，你會叫個女忍定分開？
每個女人面對婚姻問題，咁樣問佢就得
唔知你小朋友幾大，有冇可能先做兼職賺少少錢儲下先？突然間一下子搬出去都好大洗費
呢樣都係其中我積住嘅不甘，佢話我憑咩管佢錢，但我認為如果係愛我啲錢比我管下都得掛，起碼叫做我有（地位）
同意…
樓主, 你小朋友幾大呀? 其實小朋友唔太細都會明白媽媽唔開心, 你繼續忍落去就會無事呢? 忍到爆就可能觸發另一場悲劇, 為母是強, 好好諗吓要點行落去, 諗吓有咩工自己可以應付…part time 都好… 行出第一步, 同老公認真再傾, 無改善, 唯有分開, 甚至可以簡接問問小朋友有咩諗法… 無論點, 我都唔讚成一味忍… 希望你往後嘅日子會開心…
你嘅情況根本無選擇可言
我家人叫我忍，唔好因為自己同老公嘅爭吵令到小朋友咩都冇，話明明小朋友有老豆都比我搞到無老豆
因為回覆有限我係到edit :
會否我都改下性格，做個貼服嘅（老婆），事事遷就？其實我都唔想，但知佢嚟緊會買樓，我咁辛苦為咗個家庭辛苦咗6年，點可以係佢有小小成就時走？
（照你地話女人要諗下自己）
翻工問題： 佢又係唔比我翻工，明明時間可互補照顧小朋友。。。
我之前情況同你有d似,不過我仲後生得一個小朋友,我又係無娘家同得$3000家用,不過我有以前返工既積蓄,我之前狠狠地發我老公癲,而家佢好左dd,不過一樣唔肯湊女攪到我返唔到工又唔肯俾多d錢
如果大家都有做嘢，財政獨立講得通
如果要做 FTM，一定要個男人肯俾你管錢
個個月要問要乞？先得嗰 $3000？
請個外傭幾千你都要尊重佢啦，受你氣？
男人真係愛你同頭家，只會慳自己
啲錢對屋企人唔會就住嚟洗，問長問短
而家 FTM 親自教育小朋友有質素
多少又要做下家務，返嚟仲睇埋你面色
我成日都話呢啲唔係家用，唔係零用
係人工，一份困身冇自由透唔到氣嘅工
家下你老細俾呢個 $3000 offer 你
問自己，覺得自己人工值唔值只得呢個數
人係講習慣，一開始傾唔掂將來就多磨擦
老奉覺得返工大晒，睇唔起你嘅付出
好認同！
我唔係好鍾意果d有錢買靚車但冇錢俾家用既男人
買樓呢d唔係咩成就，只係基本
先提出請工人，你出去返工，重新鍛鍊返搵錢能力，有本錢之後就可以講離婚
俾得三千，生完第一個唔提出問題，陸續2，3
係呀，你講得好有道理，我應該點同佢傾，
我當初唔出嚟做嘢，就係想親自教自己啲小朋友，
諗開啲，只係為小朋友犧牲，而且我生佢哋出嚟我有意務教好佢哋，而唔係為咗我老公，咁就過得舒服啲。。
小朋友個老公都有份