我都有咁講過，所以佢話佢搵錢好辛苦先可以應付到咁多經濟
我哋今個月開始請緊工人 ，但小朋友都算細都要我喺屋企，而且就算我出去做嘢，中間時間好多基本禮貌都冇人教，要我傍住佢哋食飯先坐定定，因為始終仲細。其實我都想返工
佢唔係比3000我，只係我係自己到抽咗4000比小學野，佢話冇人叫你俾小朋友學咁多嘢，佢本來都有交佢哋嘅學嘢費用，所以我就自己抽昨4000比佢哋
重點係佢唔愛了
唔知點相處落去，
我成日同佢講我咩都冇得管
財政晤係我手，屋企整潔乾淨叫你守規矩又唔聽
例如成日喺房食嘢嗰啲 話佢又話我煩 佢話我咩都針住佢
佢有幫我哋全部買保險 ，但佢同我講供完之後佢會攞返晒，用作投資生意用途。我亦偷偷地知道佢啊媽比錢佢叫佢唔好同我講。 佢阿媽仲成日叫我唔好亂使錢，我真係擘大個口
我感覺自己真係乜底牌都冇 我好驚
有一下，真係諗住唔要佢哋 做唔出
因為承諾過好好教佢哋
所以又再有衝動想離婚
有冇試過consult一下??
佢唔比你管錢 同你第一段既
應該有好大相關
加上你話你99都叫你唔好亂使錢, 即係你老公有係佢媽面前講過話比好多家用,
但就唔知洗左去邊, 覺得你用錢方面有D問題
工人黎到, 你睇下有冇D咩part time可以做下, 儲多個錢, 好過等你老公比錢
加上D野貴左, 4000+3000, 淨低個3000, 應該好快都無淨幾多
你可以一次過回覆多人, 新人應該唔夠用
2個讚
咁你宜家暫時無bargain 離婚就唯有當佢無到，只當佢係提款機。工人請到之後即刻搵工，set定草錢plan，小朋友教育只可以辛苦啲，放工再教，我覺得無話一定要ftm先教到小朋友教養既。
同埋我覺得你宜家呢個情況，俾4000小朋友去興趣班唔係好主意，一黎仲細，二黎你需要錢，你話你老公有資源俾佢學野外補係咩資源呢？
4個讚
經驗話我知、男人、越遷就越衰。
你要做的反而是增值自己、找合適的工作、eg 冇學歷就做一些skilful 又搵到錢的工如陪月、慢慢做上去做好自己個朵、搵到起碼3 萬一個月。
係世上、有錢不是萬能、但有了能力及錢後你便會找到自己及自己想要的生活
4個讚
佢呢個情況唔應該學咁貴啦,大果2個參加學校平平地果D興趣班就OK
3個讚
第一個就話唔知啫，點會繼續生？
局外人睇一定係離婚，既然樓主都想，咪提出睇下老公點講？
小朋友未返學？佢日日喺屋企唔比你出門口？
如果我係你工照揾、趁小朋友返學見工、如果未返學、就趁佢仲喺屋企果陣見工、佢問你去邊、直接講份家用唔夠駛要搵多份。
返正佢已經對你唔好、你逆佢意都唔會再差得去邊？
但首先、你對佢或者你哋之間仲有冇愛先
我有朋友同你好似
因為唔想男人將來有第二頭家、分薄仔女資源
唔離婚
一星期有一半日子嘈交
仔女要見社工
呢傢個男人頂唔順提出想離婚，佢話自己抑鬱咁滯
所以你更加要莊敬自強，自己諗辦法慢慢建立返自己經濟來源，再慢慢經濟獨立。
學樓上講小朋友學野有平有貴，你想佢地學好啲，就自己出去揾錢返嚟
呢傢好明顯佢唔捨得洗錢喺小朋友學野度，或者覺得咁用錢唔值得
你要佢科水，又要佢心甘情願又唔想受佢氣，有難度。
唔好話咩佢唔比你出去做野，你係結咗婚唔係賣咗身，你決心做一樣野冇人阻到
至於小朋友要親手教之類，呢度好多返工媽媽一樣教得小朋友好好，你上嚟請教一定有人指點。荷包能力有限，親手教小朋友定出去揾多個錢學野，要取捨傢啦。
3個讚
我情況同你有啲相似,我有一個讀幼稚園嘅小朋友,剛移民冇無娘家冇朋友依靠,我係家庭唯一經濟支柱，但先生成日發少爺脾氣。搵唔到工又發脾氣，講句說話都借題發揮發脾氣，發到嚇親我個細路。冇收入又買好多貴嘢。我真係就嚟頂佢唔住。
但我同自己講要涯到小朋友十六歲先離婚，因為想小朋友喺正常環境成長，有個完整嘅家。我快唔快樂唔重要。
1個讚
小朋友返學, 可以搵野做, 同個社會connect返, 培養自己成就感
要有能力, 自己夠強大先可以同你老公bargain
但你話小朋友俾爸爸嚇到驚，完整嘅家但小朋友唔開心或者好多負面情緒，你真係覺得咁樣係正常環境？
3個讚
即係其實老公比7千你，
屋企所有洗費老公都負責，
比你嘅錢係負責搭車買餸煮飯？
原本睇3千真係好少，但如果係比7千，當然都唔係多，但淨係買餸搭車應該夠，當然都真係要睇下究竟有咩係你出錢先再定奪。
佢原本都有比錢小朋友學野，你又另外拎多4千出嚟學野，究竟有d咩要學？
你3個小朋友分別幾歲？
2個讚
其實就咁睇你老公唔算好差，我諗大部分夫婦都有經歷同你哋一樣嘅嘢，佢又無賭無出軌，發脾氣同埋改唔到小習慣好多男人同女人都會，好平常，佢都有比家用又賺到錢算係咁。佢其實有冇做錯啲好過份忍無可忍嘅事？
2個讚
好多人以為屋企有爸爸有媽媽先叫好，大把人覺得父母一早離婚仲開心。
2個讚
男人鍾意迎難而上，但太多女人以為做小鳥依人做好女人，好偉大咁犧牲個老公就會向住自己
我有不少男士朋友對我講：最怕就係女人為頭家冇咗自己，一返屋企就管住煩住，連個男嘅自己都冇埋
樓主：你keep到自己尊嚴你老公先會珍惜你
$3000，我擲比佢叫佢一星期湊三個小朋友四個星期日，佢一定死狗，大男人識條鐵
你下下唔忍心唔捨得放唔低，個男人就睇死你一世
1個讚
呢個真！男人好多時都覺得太容易會冇挑戰性。但又唔係話要擺高姿態，最緊要做自己！唔需要刻意遷就
如果細路日後知道自己是令你辛苦維持婚姻的源頭，佢那份自責會跟足自己一世，是女孩的話又特別影響婚姻觀，也可能不會認同你的決定而令你失望難過，覺得自己白白浪費光陰！但既然你決定了，旁人的我衹希望你永遠別讓小孩子得悉此事，祝生活愉快，在他鄉的生活有所改善！
3個讚
其實我想講佢奶奶，會偷偷地塞錢比個仔，呢點都幾好
好多人唔駛長老幫、負擔少啲已經偷笑
1個讚