做左FTM十年，想揾份半日兼職。
有份工約我見工，要求帶定中英文CV。
因為我份CV一直係英文，咁佢要求到，我就打多一份中文拎去見工。
咁去到填完表，面試果陣問咗基本嘢，對方就問我點解份CV有中英文兩份？好少人會咁做喎？
我咁就Show 返個WhatsApp比佢睇，話你地同事要求我拎嚟嘅。
咁對方就問：「你唔覺得呢個要求好怪咩？點解唔問下點解要咁做，咁你做嘢係咪人地叫你做乜就做乜？」
咁我就答：「我諗每間公司都有自己嘅行政流程，所以就冇特別問，不過我都想知如果有機會加入，我主要會負責乜嘢工作……」
其實佢咁問係咩意思？試我反應會唔會黑面？
份工係半日會計文員，仲要係一星期返兩三日，正路都係人地比乜你就做，感覺好似比人試探咁。
特登睇反應啩…
我試過見到時有人問: 如果人類要移民去火星，你會有咩準備
？
呢間公司我唔會做。個 interviewer 一開口，就感覺好冇禮貌。
俾我答：
你間公司向求職者提出D咁怪嘅要求，咩冇諗過合唔合理？咁做係公司文化定職員嘅問題？
我唔會諗佢咁做有咩特別意思，對方太冇禮貌。
問埋啲無謂野，又唔係答完就請，都知做乜
我試過做心理測驗，但其實最尾係解難問題
做完對方又好驚訝問：你做過？（呢啲題目）
我答冇，佢一面驚訝
但係又冇請我喎
挑
你咁答我都定啲
我太耐冇返工，真係唔知呢傢個文化係點
本身都有幾份工會見，希望熱下身可以揾到份啱做嘅
多口問句，咁講嘢個係男人/女人？(我估係女人)，什麼職位？
祝你一切順利。
HR 女人嚟
睇落四十鬆
如果係hr, 唔駛理, 有D hr串慣人, 你咁答冇問題
如果係你將來上司, 唔好做
如果係自己無情情交兩份CV我覺得都算
又係你哋自己同事叫人拎中英CV各一份上嚟（我係要特登花時間打多份中文），上到嚟又咁問，所以先覺得怪怪地
如果想睇反應，我個位又唔係見客。
不過睇大家解答、佢呢個行為應該係冇意思，純粹佢多餘。
多謝你咁講
其實一路揾工我都好冇信心好驚
有人話我冇問題咁我都定啲去見跟住落嚟嘅工
好多呢啲人，一知你係十幾年冇做嘢嘅家庭主婦，就覺得你可以任串。
樓主加油，我同你情況有d相似，不過我係搵緊長工，呢6年只係返兼職，尋日都遇到勁冇禮貌既interviewer，呢排越見越冇信心
當初決定唔做嘢都一直有定心理準
出返嚟要面對呢啲問題
但原來真係會唔慣
話晒讀晒大學，以前都唔係最低層
呢傢要重新嚟過，仲要唔係fresh grad
你答得得體 俾我我會一句冇尾音 “我唔覺得怪所以冇需要問"
加油呀
有問題就上嚟問吓
呢度會員相對高質，會幫你分析
個hr都幾冇禮貌，請part time唔需要咁harsh
你都唔洗太上心
我覺得純粹係你比對話佢睇之後佢覺得柒左 所以要串返你平衡返
明白你嘅心情， 呢個係一個過程，慢慢適應。應該冇大問題。
我只覺得根本係間公司行政混亂
同埋有d 老細無夾好下面點做野就in 人
同意~見工遇著呢d 老細已經先扣分
有唔少人，揸住雞毛當令箭，覺得自己好勁， 鍾意串人， 唔知道咁，其實好唔專業同埋勁肉酸。