我都試過秋天淡季陪呀媽跟團去旅行，特登問清楚哂，揀咗一個五天團去京都，話係好少路行，但去到始終有D景點要上落石級，或者落車後行一段路先去到門口，所以我呀媽有一半景點都唔肯落車。同埋跟團的話，好多時食飯地方都避免唔到要上樓梯，就算你話唔食想留響車都唔得，因為司機要要食！
然後又試過陪佢去星加坡，因為當時諗住唔會去好遠地方，所以揀咗住Bugis，嗰度係我哋想去嘅地方嘅中間，特別搵間酒店附近有好多巴士線，我哋全程都係的士或巴士，冇搭過地鐵。
如果同老人家去旅行都係秋天舒服D，夏天去東南亞國家你都預咗又哂又熱啦，但我哋上次去星加坡係11月，都開始雨季，落起雨上嚟會好突然同好大，但亦停得快，咁你都預計到一陣會停雨，同埋夜晚落完雨會有D涼，可能要著件薄外套，咁我媽都ok。但夏天去日本，由其喺七月，一係哂死熱死，一係落足成日大雨，韓國七月份仲經常連續落幾日大雨，所以如果唔係為咗就暑假，建議都係唔好夏天去旅行。
介唔介意我問吓，咁媽媽仲健在嗎？若果媽媽仲健在，一於都珍惜媽媽或者其他屋企人去旅行
其實有時我都諗番，好感恩同爸爸去過2次旅行，因為去完第2次返嚟香港個幾月後佢就大中風了。同年年底開始疫情。
起碼佢中風成日喺床嘅時間，好多時我都俾番旅行嘅相爸爸睇。一齊又再講番去旅行嘅事。
不過爸爸前年過咗身了。起碼大家算無遺憾
感同身受, 疫情之前兩年帶媽媽去旅行, 本想再帶佢
去點知就遇上疫情… 諗住解除防疫後再帶佢去旅行
和回鄉探親, 點知就… 
攬攬
我明㗎
我明。
雖然父母親在，但冇諗過去旅行會變得咁艱難。十年前都冇諗過，由只係手唔舉得高，變到上落樓梯都痛。由本身佢想去旅行但我唔肯 (青春期就係唔想出門)，到宜家可以出行但覆診日期多到數不盡。
所以就算貴啲，俾錢旅行社賺，有得去就去。touch wood 遲下兩老都一齊唔行得又要戒口唔食得，一拖二，去旅行就更加唔可能。
嗯，可以去短程既地方，
日數短啲對老人家黎講無咁辛苦。
就算唔離開香港，可以去下啲平
時小去既地方行下食下嘢都得。
其實老人家都係想有人陪下傾下計。
該主題在最後一個回覆創建後180天后自動關閉。不再允許新的回覆。