依個真係要視乎個"唔行得"到咩地方，
我同99去旅行試過o係門口停車場泊車行入去景點佢都哦哦哦哦哦哦…
不過樓主似乎唔會自駕遊
食日本野的嗎?
體能上郵輪都岩佢地的，不過就睇個別老人家性格。
同過阿媽去，話成日o係個海度好無聊。
同埋依家無郵輪泊香港，結果你都係要同佢地飛去新加坡/日本/越南上船。
有見過旅行社有郵輪團的，管接送咁會o係市內行下。
去旅行係個關係大挑戰
所以有d野都係外判左佢好d，自由行留返同老公/岩channel既fd去好d
1個讚
夏天去日本好熱
平酒店仲要冷氣唔夠
報團留意下住邊間
一係去東北或北海道
我喺沖繩，京都包過車， 係台灣包過幾次車。
台灣包車勁抵。
兩地嘅都遇到好好嘅司機。
1個讚
係, 包車好處係, 隨時轉換行程都得…
我都係遇到好司機…
1個讚
自備輪椅加自駕
日本多無障礙設施
曾經同老人家去，試過郵輪／日本推輪椅／台灣包車自遊行，不過我老人家就可以落地自己行短距離
郵輪：
優：船上乜都有，隨時可以入房休息
缺：貴，要視孚老人家興趣，有啲人會覺得喺架船入面好悶／唔似去旅行
輪椅遊：
優：行程時間自己決定
缺：飲食、語言未必啱老人家，機程長少少
建議：如果多過一個家人一齊接力推輪椅會輕鬆啲，如果唔係一個人大熱天都辛苦。
包車：
優：行程時間自己決定，又或者可以叫司機介紹其他地方。食同語言較適合，機程短。
我自己就鍾意包車。
2個讚
我都覺得跟團好~
同埋搵D 主要HEA 玩既行程.
太耐無去啦、你上網再搵好啲
跟團最舒服，有人安排晒所有野。比其他團友早少少上車就唔怕阻到人
跟團啦，團嘅模式啱老人家咖，可能你地少跟團，宜家跟團係唔會趕景點咖，上晝一個景點、下晝一個景點，就腳先會攝多個景點。揀D 盡量包哂咁多餐嘅團，費時在外邊自由時間太多
我99又係唔行得，佢係印尼華僑，最鐘意東南亞嘢，所以會帶佢去馬來西亞自由行。佢話佢只需要食食食，唔使去景點！
岩岩尋日睇到
如果好似佢咁, 有好多人手幫手, 可以考慮下
但如果唔係多幫手, 我覺得旅行社應該係最好選擇
起碼目的地去目的地都係上車落車, 唔使轉車,
落去就行動, 攰就等夠鐘, 呢D可以煩少樣
老人家其實有冇話想去邊?
認同啊
疫情前我哋都有帶爸爸第1次坐飛機 (之後去多1次)，叫咗好多年先肯一齊去。原因係爸爸要成日去廁所同行動不便。
所以我哋第一次揀咗台北，我哋幾兄弟姊妹已去過好多次，純粹陪老人家去。包2架車。
而且出發前我去紅十字會租定輪椅，飛前有主動同國泰嗰邊講我哋會有一架輪椅跟上機。因為要報Size，而且當時Hotline好好，當時我哋10個人去的。幫我哋電話劃埋位。
去到旅行當日，我負責喺機場推輪椅。職員會同我爸爸行特別通道，所有嘢都優先。機上空中人員都好Helpful，成日主動問我哋有無需要，落機時又會一直有職員協助陪同安排去特別通道入境。
而且自己包車，老人家攰想返酒店休息一陣又得。好隨意，反正行程主要就老人家唔好太辛苦。特別未去過旅行嘅話，所有嘢對佢哋都新奇。旨在一家人一齊去。
去過台北後，爸爸好開心。消除咗一直嘅不安。原來去旅行唔驚。之後一家人再去過高雄。又係包車。再之後……就無之後了。
6個讚
我怕熱，但老人家超級怕凍，怕凍到依家天氣只係 “暖”。不過難得佢肯去旅行，熱啲都值得。
睇左上網咁多團同埋價錢，依家諗住 西X遊 嘅大阪團，老人家貪個團只係搬一次酒店，去 5 日，唔驚太長錯過啲複診日期。我一次日本都未去過，體驗下都好。
2個讚
你好好，我都想同爸爸去，有時午夜諗起會喊，見到人哋可以同父母去旅行都好羨慕。佢太早就走左，都等唔到我哋出身同佢去。
試過同坐輪椅老人家(可以行短距離)去新加坡(一行差唔多10人包括坐BB車的幼童)自由行, 要揀唔洗行樓梯ge景點, 出入坐uber/的士.
但係跟團始終要就一大班人、見過老人家唔去既景點只能齋等、唔去都唔一定可以上車等、想休息又冇得早啲返酒店
因為有啲酒店冷氣直頭係焗到冇開咁、我自己係怕凍唔怕熱都難頂、報團問清楚旅行社穩陣。（不過應該多數係平酒店先有咁嘅事）
有啲嘢大家心照明白
1個讚