黎緊 7-8 月人手鬆動可以請假，想同老人家一齊去旅行，但老人家唔多行得，可以去邊點玩？
暫時只係諗到郵輪，但唔係最理想。太耐冇去旅行了！
唔知道你講唔行得到咩情況。
日本⋯⋯ 跟團一般都唔會行好遠嘅，你報嘅時候，可以向旅行社提出你嘅需要，比較佢哋行程具體說明。
1個讚
租車自駕遊, 日本如何?
食藥控制住會唔痛，但唔可以行太多路。
沖繩幾好
自駕遊唔駛行太多路
景點門口有得泊車
2個讚
如果你哋有人揸車，自駕遊，點對點最好
1個讚
就係冇，所以可能要 join 團。
如果唔自駕
可以請司機
台灣或者泰國都可以考慮
1個讚
台灣包車
1個讚
香港大把這類長者，
年初屋企人去大阪 清水寺， 佢都係你形容嘅情況，已經做咗手術，平時食藥止痛，
清水寺 有樓梯 ，有斜路 ，都可以應付得到。
你可以上 Y 2 搵 清水寺介紹影片，評估吓你老人家，能否應付。
我同老人家去過幾次日本星加坡，佢都係不良於行，酒店會有輪椅借，其實都冇乜唔方便，大家就住行得慢啲咁，跟團反而唔得，太趕。
2個讚
老老實實, 雖然我未開冷氣, 但有選擇的話, 7-8月我會留係屋企涼冷氣
1個讚
工種問題，好難請假。4 年冇去旅行，難得老人家肯走動我又行得開。衰在我好怕熱，老人家挑食，所以都睇緊日本團，去 4-5 日都好過冇。
香港老人家其實真係好幸福、跟團其實唔係太好、點都要趕頭趕命同夾人、暑假仲可能好多細路仔
台灣包車出入啦、機程短飲食又接近
我同wheelchair 家人遊輪同自駕遊都試過，遊輪係好d嘅選擇，大家舒服好多，包晒buffet，入面又有show睇，佢攰又可以隨時入房訓
1個讚
跟團的話，日本旅遊巴下面可否擺行李？否則腳無力的話上落都好辛苦同危險
可以諗下度假酒店嘆幾日？ Bali?
有冇介紹包車？未試過，都想試下睇下價錢。
老人家跟團先好，報團時已經知道大概 行程、團餐食咩。
由導遊安排每日 出發時間 及 安排交通接送，避免同行者對行程有易議，傷和氣。
食住行 全部都有人打點，口味盡量都適合一般香港人，
當地民風習俗有導遊講解，有咩唔識 想知道，就問導遊，
佢有咩特別需要，同導遊講，佢哋都清楚當地情況如何，睇吓可以做到啲乜嘢，幫吓手。
仲有 長者 喜歡早起早睡有規律生活，唔係好似我哋咁，放假就賴床唔肯起身，日上三竿先至出去玩。
行商店 、百貨公司 、Outlet 都未必係 長者興趣。 大路啲 旅遊景點 可能先至係佢 心水。
就係因為有導遊 安排，從來都唔覺得跟團去 日本 係趕頭趕命，因為導遊計算車程時間，指要團友準時，都唔會浪費很多時間。
自由行，衰啲講，係外國人生路不熟，搵路去目的地已經費神，人有三急 連廁所都要自己四圍去搵，
見過唔少老人家跟仔女自由行，返咗香港都唔知自己去咗邊度，淨係識講國家名。
唔知係啲仔女無講地方名稱，定係講咗唔記得，又咩唔清楚又唔夠膽問仔女，
4個讚
台灣不錯
自由行包車, 唔好跟團, 跟團上落旅遊巴都辛苦,
而且行程緊密又趕.
幾年前我都同我媽咪去過旅行, 去台北包車行程安
排預左一日, 可能只去 2 至 3 個地方, 早上食完早餐
去一個地方跟住食午餐, 再去第二個地方行完去食下
午茶, 再去多個地方之後晚餐, 晚餐完左返酒店. 我陪
阿媽, 我老公和個囡就出去行街順便買嘢食. 我媽返
左酒店沖完涼就大較瞓.
每個地方行完就搵地方食嘢或飲嘢 hea 等老人家可
以坐下, 坐夠先去第二個地方.
唔知樓主老人家本身係有無用輔助工具助行, 如果無
可以考慮買架老人家用既購物車既可以放買既嘢又可
以行得攰個時坐下.
3個讚