小朋友香港分別 k2 和 1歲。 k2 讀私幼， 計劃都讀私小。 但諗緊可能考慮海外升學， 想問下uk 的 local 小學和 hk 的私小 比較 教師質素、學習環境、學校資源方法有咩分別。
聽人講uk 是旦一間都係國際學校，亦聽聞去uk 要好都要入私校， 但學費不比香港平
請問有無已經有小朋友讀的，可以比較下兩地 local 和私校？
我諗英國state school應該同香港政府學校比較，如果讀開私校就應該搵返independent school比，我只可以講英國state school資源上一定冇香港私校咁好，除左語境
如果你本身重學術就應該去independent school，佢地會谷學生考11+，成績亦普遍比state school學生好，當然都要睇咩級數嘅independent school
好簡單. 經濟上預到讀至畢業的私校學費(每年加7-10%), 又考入AL/GCSE results好的私校, 一定讀.
優良私校除左學術比大部份state schools強, 亦唔會只偏重學術. 課堂有各種運動同樂器體驗機會, 同埋有多類ECA, field trips. 目標係培育all-round學生.
千祈唔好信.
香港IS教外國課程同多白人老師, 但唔可以用這個標準去斷定英國隨便一間學校都等於香港IS. 大部份state schools水平距離香港IS仍相差好遠.
4個讚
輪功課量、課時、人種，可能係，但師生比例同埋質素肯定唔係。
香港本地小學同幼稚園都有分，質素好嘅，師生比例低，“外籍” 真係英美加澳。質素低啲嘅，“外籍” 真係聯合國，好少少就請英文好 talk 得嘅白鬼，一般家長見到係白鬼又講得流利就以為係，聽真啲可能係德法北歐等等，再低啲就請印巴菲馬拉等等，母語唔係英文或者唔係家長鍾意嘅口音。
咁公平講句，咩人種口音都得，識教書識同小朋友相處，勝過一切。
聽返英國大嘅朋友講嘅：
參差嘅學校有 2 種，一種係大部份人係印巴黑人，老師都係，人多所以分到嘅照顧好少。英國學校只係限 5-7 歲班最多 30 人，但之後就冇封頂，咁可能 Year 3 之後一班 40 人都可能有。
另一種就係好少人，全部都係白鬼但家庭背景好複雜，有人會逃學曠課，有人可能偷偷帶違禁品，老師長期流失又請唔到人，渾渾噩噩咁樣就放學。我朋友以前讀呢種學校，佢話咁多年都冇點正式上過 Science 堂，因為都冇老師，結果佢地就偷走去公園玩。
冇得比較，所以唔好比。私小同國際學校都已經比較唔到，英國嘅就更加比唔到。
1個讚
Uk 私校學費大約幾錢？ 聽開話d 學位好full 係指全部學校都係咁，定指state school ？
一年~£20K. 最低聽過£12K(小學).
大家講學位full係指state schools. 私校要考試同面試入, 唔關學位事, 不過名校一樣爭崩頭.
你所講嘅印巴人多嘅學校，成績卻往往係超勁，gcse全國top 10%
睇你想入咩私校，普普通通都會有位，俾錢就得，名校當然要考，個waiting list可以好長
草根階層之中最多上唔到大學的係白英國人.
印巴人谷仔女讀書谷得好勁，可以話係不惜一切，有錢冇錢都一樣
1個讚
印度家長一定係, 巴基斯坦就…
如果你指小朋友自己海外升學，唔係全家移民，咁你去英國都會讀independent school.
Independent school當然有些出名要考試入，有些non selective.
Local讀得屋企一定家境唔太差，唔會一般草根家庭。 你可去下海外升學展，好多升學顧問你比較下
我識有個巴基斯坦媽媽好谷，反而英國人好多都唔谷
Yes, 我果區最top 學校，大部分都係印裔
1個讚
呢個只係朋友讀咁多年書嘅觀察。我覺得印巴成績通常都極端，反而華人就真係好少見到好差好差，就算家庭環境麻麻都好少成績包底。
可能同另一個 po 咁，家長緊張讀書多過仔女，資質幾差都谷到唔會做到最差。
如果outstanding / good 的 local school 會唔會d ？ 感覺hk local school 差極都會有個譜， 但聽返黎uk d state school 可以差到無譜。
香港政府學校都可以好差，特別係中學，嚇得死人架，當然英國都一樣，呢方面我反而覺得冇分別
唔係架…有好多間出名長缺請唔到人又行政混亂（呢幾日上新聞話轉型嘅某小學就係表表者），有啲係為左唔殺校，要老師企街兜學生，北上搵學生，同埋收智力偏低嘅學生。
我目前諗到嘅係香港好少聽到小朋友冇飯食，唔計供應商出問題。英國明顯多啲學生係交唔到飯錢或者屋企冇錢開飯所以要挨餓。香港政策要求飯盒要均衡飲食，有啲學校帶飯唔畀帶麥當勞等等快餐，但外國似乎係 “食得飽” 已經足夠。