用返老師做例子，如果係佢夢想，佢繼續做但日日小7 制度，ok 嘅，佢唔好負到影響到人就得。其實呻呀鬧下都係舒發壓力嘅一種。
我前公司，安全問題夜班要兩個人，個senior （佢返日頭）講足3 年，老細都話無錢呀唔請人，咁又點做好呢？最後終於請多個人，都係靠佢失敗再爭取。
尼方便英國真係均真好多, 當你係一個人
香港係當你一部機器
2個讚
前者你講老師既例子，其實結論就照忍唔轉工，冇實際解決到問題。
後者你前公司senior，佢確實係可以屢敗屢試，但如果老細一直都話加唔到呢？其實都係一係留一係走。
你前公司係單一公司問題，覺得值得就繼續爭取唔值就轉工都冇所謂，但例如做audit big 4 咁，呢個行業就係出高人工買你青春，睇下d secret page 就知都唔少人反抗過，咁點呢人地擺明係要願者上釣。
唔係話好悔氣咁講句咁咪轉工囉，而係實際黎講要揾一份自己接受到工時既工。
去到呢第二度都會有其他問題，dream job 呢個世界有幾多份？所以我理解人哋點解會呻極都唔走，都係嗰句，佢唔影響到我就得，同事間有時講是非都幾輕鬆
咁呢到就已經又唔係討論ot升職行業等問題，就係轉左做究竟可唔可以呻極唔走既問題。佢係可以呻，但呻得多呻足幾年我會覺得超煩，呢個係個人喜惡問題，上面我都有講我知有d 人係唔介意，好似你咁，但都有d 人係嫌煩，好似我咁。呻極唔走唔止apply落職場，朋友關係/夫妻關係，長期狂呻完又不離不棄我只能講句係真愛好感動。
係引伸出嚟嘅問題啫，你覺得唔轉工無解決到，咁佢呻完改變咗自己心情去繼續返工，都可以係另一解決方法。
因為你頭先係講緊要爭取成個行業權益，成件事係比較宏大，好似覺得我地提議轉工係唔啱既解決方法咁。之但係原來你覺得就咁呻完繼續番工你反而又覺得係解決方法？？？？？？
你覺得叫人呻下係better solution than 叫人轉工？？？？？
你呢行咁忙，如果唔想忙到咁應該要轉工轉行。
Vs
你呢行咁忙，你應該要呻下調整自己心態繼續番工。
我無反對過人轉工，有人叻仔有人好彩就好快搵到，咁有人未搵到仲不停suggest 佢轉工係咩安慰技巧？另一解決方法，即係好多事唔係得一個解決方法。
你話d 人做big 4 係願者上釣，都係嘅，咁係咪某一晚做到好辛苦真係呻下都唔得呢？我知你嫌佢煩，佢搵d 唔怕煩嘅發牢騷，瞓醒一覺隨時又一條好漢。
因為基本上我地好少機會ot
多數係同人傾電話講到over run先會用到
我哋諗嘢都幾似
我又係好怕啲人係咁呻，如果有啲嘢根本就改變唔到，你自己唔甘心，淨係識得埋怨唔公平，然後期望可以有一日改變，咁係你自己對你自己唔住。
問題發生嗰一刻要崩潰，可能限一個短時間發洩自己情緒我可以理解
但一次過發洩完之後就真係諗吓到底點樣解決，自己prioritize 所有因素再去做決定
例如你覺得呢一行帶比你 工作上嘅成功感令到你覺得想堅持，咁你就自己收起所有負面情緒同埋壓力嗰啲頂硬上，因為條路係你自己揀
但覺得錢同埋青春重要d，咪的起心肝轉行囉
如果你覺得你真係好有熱誠，要改變成個行業，
你咪諗吓點樣用最短嘅時間做到去decision maker嘅位，自己諗辦法囉。
性格決定命運，不停咁喺度呻喺度怨，唔係話唔得，不過係你自己揀咗做LOSER條命運。
3個讚
主要黑俾人篤穿左係自己約人地5點。
人地應該唔係好睇到佢個樣，zoom meeting佢次次坐好遠。
大把，
好似叫加人工，隔離部門個senior，大佬都破例加左5% (當年係加3%)，又嫌少話衰過俾乞兒。
我問佢心目中個數係加幾多，佢又話唔係錢問題。
我公司都係，11月尾去到12月中既夜晚基本上係無一晚可以10點前返屋企。
一係就開埋d會等外國客放假，一係就同香港d鬼頭xmas party/annual。
我都見過
又係senior
話說佢team 有佢同另一個同rank 既同事, 同rank 個同事辭職後, 公司無即刻請人replace, 老細話佢做野慢, 佢就埋怨咩都佢一個人做晒 (但其實佢平時都成日上網睇私人野)
跟住老細就請番replacement, 條友又怨, 噢公司寧願請番條友番黎replace 佢都唔加人工俾佢
依類人係咁spin，
第一句就呻人工，review左加左俾佢，又呻workload，加到人俾佢幫手就呻個幫手唔岩心水/交唔到功課/唔聽話/有性格，見佢都同人地夾唔到調走個幫手同調下d project佢就話燉冬菇。同佢講少左野跟人工又無減返唔好咩，佢就預左其他人跟過就會搞彎晒最後都係搵佢執屎(which真係有發生過既)。
有次我自己都有野忟緊未消化佢又走黎呻，我小佢，嫌人工少要加人工加左俾你，話無人幫你手又assign左俾你，嫌個assistant 係fg又唔夠醒目幫你train，換個senior俾你又嫌人地多意見又話教你做野，你份工無問題你上司無問題你d靚無問題，你自己反省下問題o係邊啦。
我以為佢以後都唔會再呻，結果兩三個月後又再loop 
3個讚
佢只會不停呻
但唔會轉工架
只識埋怨全世界欠佢但又唔會做d 野改變現狀
2個讚
仲有：永遠覺得自己懷才不遇；永遠覺得人哋運氣好好。
P.S. 呢啲人不分年齡層。
5個讚
唔係唔出聲，係要喺適當時候先出聲， 要畀老細落台階， 邊有人鍾意請個頂心杉返嚟
1個讚
我覺得15分鐘claim都應該
1個讚
之前有個舊同事坐我隔離成日呻，成日傾咩都拉落去公司唔好，成日同我講你有好路數的話好走喇，我都就黎走架喇。但聽其他同事講佢呢句就走都講左5,6年依然健在。其實佢唔知大家心入面都係有d 笑佢睇唔起佢，擺明就覺得都咁多年喇，佢係因為冇能力走唔到。
1個讚
係呀~
我覺得呻唔緊要
但唔好講到咩都公司欠左你咁啦
唔請人幫手又呻自己做晒d 野, 請人幫手又怪公司唔加人工俾你
其實你轉一轉工, 可能仲加得多啦
1個讚
依d 人唔止職場上，全世界都欠咗佢。
現實中有一個咁嘅人，已經疏遠咗。佢哋唔會自己離場，反而係身邊嘅朋友、家人走。
香港地，有仆街嘅老細公司，都一樣有仆街嘅員工。
1個讚