前兩日poki 為濟哥爭取人工，聽到好好笑，成日玩 x 佢。
估唔到香港人依家無乜幽默感，仲有廢老mode 走出嚟話做好d 先講加人工、又有人話以前點窮都唔會阻止佢俾心機做嘢，知道舊屎勁喇，唔使下下衝出嚟認屎認屁。
認真d 諗，香港人工作態度真係好「博」（難聽講奴性真係好重），我朋友投訴d 新入職唔肯OT, 其實我想反問「點解一定要OT? 理所當然咁」更痴線係明明後生觀點、方向正確，老細錯，佢都要死跟老細，老細呀嘛，仲問我點解d 後生敢出聲，佢諗住錯咗到時再改咪得囉。
9個讚
我無睇, 所以唔太明你講咩 (第1,2段, 係咩情況下講)
但老一派既係係認為, 勤力係有用, 勤力會比人睇到
勤力先有bargaining power, 咩都唔做/做好少個D係走精面
但而家唔係勤力就得, 要勤力 + 聰明 +識得用最少資源達到最大回報
當然, 聽話係咩時候都要, 就算老細唔買你怕, manager都怕比人replace,
(我會諗起 fb ikea , 佢個小編真係好正, 有好多nose, 又貼近行程)
舊一派應該就算老細錯, 你都要比面佢, 因為佢係出糧個位,
你令佢無面, 老細會唔開心
所以, 就算錯都死跟,
到時先算啦, 因為佢係比錢個位
我舊時有個客, 我做生產既,
佢地成日都改野, 一改, 我又要再做過
浪費時間, 金錢, 好唔環保
但佢就話, 邊走邊改
咁佢係客, 比得起錢, 咁就緊係可以咁講
但我做野, wfc, 收錢就做囉
比人叫左老細咁多年, 咁有經驗, 唔係話我會錯呀?
(當然唔係位位老細都係咁, 有D都好願意聽意見既)
佢講完，我笑都收唔到聲
1個讚
我又覺得搏≠奴性重。
兩樣嘢。
我覺得搏，包含埋工作態度，盡力+盡責。唔係OT就係搏，磨爛蓆嘅人，唔該唔好OT.
9個讚
奴性重⋯⋯係蝗語
2個讚
404報到
1個讚
其實唔係話一定要ot，而係升職係睇能力/工作完成度。如果做嘢不嬲快靚正唔ot甚至早走我都覺得冇所謂。但同team有人好博好勤力(資質差唔多)，我又真係冇可能升你唔升佢。
1個讚
朋友公司個老細好喜歡同事OT，但OT無得CLAIM的。
所以D同事都唔笨，OFFICE HOUR做自己野，OT時間做公司野，日日磨爛蓆。
我公司仲正，有個廢部門生產D鑊出黎之後成TEAM人要OT幾個星期六日補鑊，影相擺上有老細既GROUP，無被照肺整個大鑊出黎不突止，仲開大會時讚廢部門有承擔 
1個讚
我記得以前有個下屬質問我點解幾年都唔升佢，我地個行出名workload 大壓力大但同時賺得多，老老實實大部分人都係普通人黎靠多勞多得，我反而又唔明d人既然唔想辛苦捱點解又要幻想要賺得多升得快？我自己去到後期生左bb想兼顧家庭冇再咁博，升慢左好多，但我覺得好合理。
3個讚
簡單啲講，睇跟乜老世
2個讚
上進期同學習期又好難唔博嘅
我之前做過間公司又係咁，老細睇OT好重，junior grade可以 claim OT, senior 冇，所以成日“鼓勵” D senior grade OT.
係咪亞洲人老細？
我後生時都試過做呢 d 公司
做晒野 6pm走比人話早走，但 4,5pm先開工做到8, 9pm 個 d比人話勤力
個陣後生時間多，見間公司多嘢學有機會，同事又 friend, 所以一齊磨爛蓆。講真，個陣係公司幾開心
1個讚
我直頭辭埋工。因為份工又好demanding，我覺得自己能力兼顧唔到。
2個讚
都唔一定，有d人可能想要work life balance，或者冇乜經濟壓力，其實呢d自己選擇我覺得都冇問題。但唔博又想升職待遇同博既人睇齊我覺得好傻。
1個讚
我發現唔少後生係咁，重要冇專業，冇一技之長，純粹坐係 office 一個小文職。但會覺得過 probation, 過左一年就一定要加幾多 %人工
我諗我真係老
2個讚
可以揀另一 d唔使博嘅行業，例如 Receptionist, 放工就收工
我同意係個人選擇
1個讚
廢老本身對後生就係咁
自己當年食開屎又要迫人食屎
博同無償加班係兩回事
2個讚
應該要點形容？