幸運的人用童年治癒一生, 不幸的人用一生治癒童年
講下生仔topic先
到底童年愉快嘅人會生仔多，定係童年比較差嘅人會生仔多呢
講自己先…
因為童年算資源缺乏, 總覺得應該要多啲資源，而自己亦無信心可以提供良好嘅大環境下一代，所以冇生
大家熱烈討論下
5個讚
我諗應該係幸福家庭既會想生仔比較多
我自己原生家庭都唔錯 以前都會想生一個既
但係近幾年環境太差 無信心比到個好既將來下一代 所以越黎越唔想生
我好奇怪，生前覺得童年Ok，但生完後好多回憶浮哂出嚟，先發覺自己童年好差，我老母直情係我反面教材。
10個讚
至少有個好嘅起跑線比仔女
我見童年無家庭溫暖的多數唔生，但會結婚
我自己童年同阿妹唔夾，所以只生一個
童年陰影一定有，我好佩服能夠克服的人
2個讚
我覺得唔關事，例如細個缺乏家長溫暖攪到奉子成婚vs 出身好好反而眼角高／怕比到起跑線而唔生。仲有一堆身體問題容易生／無得生。
所以童年過得好唔好同生唔生無咩關係。
19個讚
我有生存動力都係因為呢一句 
所以到而家就嚟40歲人都仲好貪玩
4個讚
童年活得唔唔夠滿足的話，係咪會一直尿床到 7-8 歲？
我仔 2015 BB 到現在仲有戒到夜片
去到咁盡，又當然而家整體經濟環境同以前冇得比
似心理問題多,有冇諮詢過專業人士?
首先要有基本條件，跟住要睇雙方想唔想有細路
夫婦有幾愛同信任對方。
考慮呢幾樣比較重要過諗返童年
4個讚
意外同真心自己想生係2回事
1個讚
真係零關係？
童年成長環境好（資源wise） 但成日被成績好嘅姐姐比下去。名校啲19老師亦會講難聽嘅說話如”點解你家姐咁叻你咁差”搞到個人童年十分自卑。
中學特登脫離姐姐影子，思想也有番好多自信。
我只生一個，因為驚唔夠資源讀名校，同唔想好似以前自己一樣活在他人影子下。而且也同姐姐絕交幾年
1個讚
如果只係講童年影響，我覺得一定係童年愉快嘅人會生仔多。除非個個人俾生理想繁殖既心戰勝理智，但我assume宜家教育好左咁多，多左人用腦諗呢啲生育，我媽個年代真係無咩點諗呢啲問題，覺得結婚好自然就生仔，不過好彩我都係有開心童年。
用正常logic黎講，我覺得如果你童年唔開心但都生，你最好係有好客觀條件prove到點解你可以比你父母成為更好既父母。
如果唔係只講童年，我覺得同輩風氣，經濟，教育，環境，政治都係決定人會唔會生育。
4個讚
我都係，有時會唸到喊
覺得太多以愛包裝嘅勒索
控制狂我為你好講咗成世
認真係生完先百感交集
1個讚
我覺得童年影響左我擇偶條件，例如老豆脾氣差老粗一名，揾老公會揾相反。而老公會影響我生唔生小朋友。
5個讚
係，另一半既影響都好重要。如果愛佢同覺得佢係好隊友，咁一定會對生育多啲嚮往。
3個讚
係，遇到好同啱嘅人對生唔生仔更重要
童年唔好，但遇到一個好嘅人，係可以令人忘記童年嘅不快，而且更加知乜嘢對自己家庭同細路重要
4個讚
咁又係喎
1個讚