當然好多因素，而家針對返童年呢個pt
我覺得未必有直接關係。
我和老婆都係出身窮困家庭，4大長老後生時候又唔識教小朋友，但唔會因為怕無本事養大仔女而唔生，父母無能為力，唔代表我呢一代都咁差。
反而係單親家庭，或者眼見父母婚姻失敗，可能會影響對家庭嘅睇法。
女仔如果跟父母感情好，特別係跟爸爸感情好，對選男朋友多數唔會求其，唔會為拍拖而拍拖。
1個讚
係…因為當年係漁港, 唔係愚巷… 係我哋年代肯捱肯學, 想向上游唔難…
不能同意更多…
父母感情唔好，更加唔會亂揾人。除非想脫離家庭，求奇揾個
遇上對同好嘅人，就唔會比童年影響
遇唔上對同好嘅人，就會更加放大童年嘅不快。以為比童年嘅影響，其實係比現在影響緊
5個讚
我以前聰余德淳嘅 talk , 佢話女仔係想被愛嘅，如果家庭搵唔到，出面啲男仔求其關心下陪下佢就會受溝。
7個讚
受溝下冇所謂，唔好生仔
父母成日鬧交，仔女都唔會想係屋企。
好睇個人識唔識諗，唔識諗嘅，可能1x歲已經搞大肚
未爬文我就覆：
我係介乎中間，以前唔覺關童年事，而家覺得。有好多嘢係想補償童年嘅缺失例如物質
我好怕變成我阿媽咁，除咗仔女乜都冇，所有嘢都唔放手，我如果做人阿媽都有機會係咁，索性唔做
再加上唔鍾意細路
1個讚
我都偏向認同呢樣多d, 父母感情唔好，見到同類既異性接觸自己時已經好抗拒。但呢個係講緊我地已成年有成熟思考時先係咁，如果係青春期屋企成日嘈嘈幣，會好唔想留屋企，會多左機會接觸問題青少年。
2個讚
我都唔鐘意細路係真
童年經歷有時父母唔係全部，有時係因為學校都唔定
1個讚
自己唔鍾意細路同信唔信得過對方比童年更大影響
如果自己鍾意細路，對方又信得過。童年反而問題不大
1個讚
咁佢地個下都真心架wo, 唔真心叫強姦啦
1個讚
我指真心想生仔，not交配呀
我覺得有影響呀
有個朋友成日講，細個佢屋企好窮，生活環境差，佢阿媽仲要生幾件，又要返工又要湊細路又要煮飯做家務，勞勞碌碌一生咁就瓜咗
所以佢話絕對絕對唔會生，唔想好似佢阿媽咁，淨係為仔女付出一生
2個讚
我自問有條件培育個細路做一個正直有良知嘅人，都唔會好捱窮，不過責任太大，我又唔鍾意細路，所以都係算
我都識人個啊媽係咁催個女結婚，然後個女同佢講你結婚之後有好幸福咩，點解迫佢要結婚，最尾個啊媽都無再催。
我有時覺得啲傳統既人好搞鬼，佢哋個腦好似俾人set左programme, 自己結婚唔開心但都想人結婚。佢心態仲係為個女好喎。
我覺得宜家同以前真係好唔同。以前係寧教人打仔，莫教人分妻。宜家係寧教人離婚，莫教人結婚生仔。
7個讚
我明明地、唔只係經濟、而係成個教養模式唔同哂、主張尊重子女係個體、不打不駡教出好孩子、好多親子學堂、同上一代教養好唔同
2個讚
人有我有mode
1個讚
以前既女人、結婚生仔只係一件mission ,未必同愛有關、再黎就係養兒防老、佢上一代咁催佢、佢咪又催下一代囉…
3個讚
係，所以我覺得教育係幾重要，教識人思想個種教育。
2個讚
但教育好似冇教呢啲
或者講學校冇教