你可以試吓一次，比較過可行程度 及 味道口感。
條魚洗完水再雪會霉㗎
我奶奶不嬲煮野都麻麻地，但我哋都唔好意思教人煮，唔好食就食小啲算。其實我屋企人煮野食幾好食，但有時都懶成日返去食。
煮完吹凍左分好份量入冰櫃打硬佢，前一晚落0-4度解一半凍，叮時留意睇吓要唔要解凍及叮熱
打硬左可以放耐點，隔夜係唔太健康如果太忙都冇辦法，一係間唔中外賣
或每次醃定4-5日份量嘅肉，菜洗切好分分量打硬，要用再拎出黎解凍前一晚先煮，不過都係會忙一忙
雞蛋一定唔好隔夜，寧願早啲起身烚
條魚本來都唔係新鮮嘅，這樣做法，當然－定會霉。
你返到公司用保溫杯/壼焗蛋，食到新鮮蛋
OK, 只要殼唔爛和入面係全熟。
1個讚
港式帶飯唔健康，因為香港人根本無時間一早煮飯，隔夜餸真係無益架。
日劇嗰啲係人妻即日煮，晨咁早煮先好食。
外國人都係 食 packed lunch , 不過係簡單嘅三文治，三文治可以帶材料返公司即做即食。
我試過雪炆蘿蔔牛腩7日先食屙左三日
應該要放冰格冰左佢但忙唔記得左
菜煮完隔夜會釋放毒素對身體唔好，肉肉完隔一日ok ge，蛋有啲人食隔夜蛋會小腸氣，我自己就冇乜事，如果醃左佢醬油蛋1-2日內ok ge
你可以參考下
西蘭花我試過加一匙水放入微波爐叮三分鐘,發現翠綠過白烚,所以西蘭花可以唔洗隔夜,果日食先叮 
(如果唔介意用微波爐)
帶飯點都會隔夜架啦,總好過食外賣既,隔兩三日我覺得唔係好大問題
烚蛋我都試過琴晚烚,聽朝食,因為想整蛋沙津,無理由烚完熱辣辣就整
買完魚返黎，唔好洗，直接放落冰格可保新鮮，要食就放上層解凍，再蒸番黎食一樣新鮮
我上網睇都係咁講，但我又廢事話我奶奶，佢應該係貪快想一次過整哂。
就算係新鮮魚咁樣做都會霉
睇youtube見外國嗰d大家庭(e.g.一家6口)或者日本媽媽準備飯盒, 都會一日整四五日ge食物. 通常聽日食ge就放雪櫃, 之後食ge就放冰箱. 唔洗提前解凍, 食嗰陣翻熱耐d就ok. (日本人食凍飯盒, 直情唔翻熱, 就咁帶返工.)
烚蛋的話會唔會考慮整醉蛋/日本鼓油蛋/滷水蛋/茶葉蛋. 有汁浸住, 應該第二/三日食都ok.
1個讚
我做法係一煮完唔攤凍，直接放入冰格，食之前嗰晚先放下格解凍。
1個讚
佢哋d 靚靚飯盒係好靚，但好唔吸引。
我自己唔鐘意食火腿、腸仔、凍肉凍飯
去到星期四好，唔建議星期五
我以前有食低碳，我公司放蒸爐，帶生既返公司先蒸。主要係瓜同菜豆腐之類，好快熟。
呢個問題有研究過吓
放唔放得耐 主要睇飯餸有無菌 完全無菌既(或者極少既)其實放幾個月都無問題(罐頭就係咁 罐頭係入晒罐後再長浸滾水)
所以預備飯盒 最重要係睇點處理"食物入盒"呢個步驟
大概係…
- 要用滾水淥飯盒(包括蓋)
- 食物要全熟 煮熟後要即時入盒 即時釘蓋
- 如要放入多種食物 每次放入食物後都要蓋上 盡量不要俾空氣中的細菌降落到食物上
- 有條件可即時入雪櫃 最最安全做法 不過一定要遠離其他食物 (&電費會貴左D囉
) (無乜菌既放涼後才入雪櫃其實都OK 有菌既就唔係咁講 細菌繁殖得最快話係20~50度之間)
咁個飯盒就會安全好多 放4度幾日無問題 耐就冰格好D
唔好洗魚一樣都係細菌問題呀
魚本身D黏液可抑制細菌滋生 留得越多越好(比起水喉水) 食時先洗較安全
3個讚
最最安全呀 
1個讚