午餐盒，星期二晚整好3盒，最遲係星期五LUNCH食，會唔會變壞?
情況係，星期二晚煮好，吹凍放入盒，星期三四五每朝拎一盒返公司叮。
無飯，只有洽蛋，菜類，蛋白質。
菜隔咁耐亞硝酸鹽好似會有好多，唔健康。我自己本身唔係好鐘意食隔夜餸。
同香港咁熱，你放完雪櫃到lunch time又熱又凍。
1個讚
不過講開隔夜餸，我奶奶會洗同劏好兩三條魚包保鮮紙放雪櫃再拎出嚟蒸，想問孕婦係咪應該食新鮮魚？會唔會有李斯特菌？
順手呻下
因為同老公一齊都係低碳飲食，所以我地兩個既午餐都係我準備。
一開始時晚晚買晚晚煮。但咁樣真係太忙，放工無晒時間，所以轉左
星期五/六買，日煮 ->星期一二LUNCH
星期一買，二煮->星期三四LUNCH
星期一買，四煮->星期五LUNCH
岩岩開始要返學，之後做ASSIGNMENT會比之前忙，所以再想轉；
星期五/六買，日煮 ->星期一二LUNCH
星期一買，二煮->星期三四五LUNCH
之前日二四煮，同住99已經話係隔夜又話唔健康。不過都係佢有佢講我有我做。
尋晚試新PLAN，二煮三四五。99又再話隔夜會壞BLABLABLA。當時我老公在家，老公話無問題，放O係雪櫃分開盒無郁，同埋之前都無事只係多一晚。
老公係撐我既，同埋上網見有D人整定成個星期都係咁，日本D常備菜都係整定成個星期。
想睇下依度有無姊妹有D保存既好方法。
1個讚
亞硝酸鹽依個問題我都有考慮，所以會放入飯盒既都係D淺色既菜類/瓜類，聲稱翻叮都唔會有咁多亞硝酸鹽。
咁個個帶飯盒都一定會經過一段車程先再入雪櫃，所以都用保溫袋裝返工。
咁晚晚煮又真係好攰，我不嬲都食外賣唔係養生掛。一定係新鮮餸健康啲嫁啦，但你哋兩公婆煮兩公婆食，接受到就得。成年人應該無問題。
蛋唔好擺咁耐。
其他可以，隔夜餸最多2，3日就好。
不過食之前一定要確定翻熱晒先好食。
我問過魚檔，買完攞番屋企，唔好洗，放雪櫃可以第2日先煮。
如果多過一日，就放freezer
1個讚
鬼唔知日日煮最新鮮健康，咁忙都冇法
定啊99唔鍾意你哋唔食佢煮既嘢咋型
健康就一定唔係，但兩個大人食你哋唔介意就冇咩問題啦
不過我認為蛋每日/隔日洽都方便唔好放咁耐
我見佢係洗哂劏好放左薑再包保鮮紙。同有成兩三條，有啲一定放多過一日，我知佢想慳時間但我驚有李斯特菌，雖然話煮熟就得。佢無放freezer啊。
其實進食前煮熟左既食物應該係殺左李斯特菌
魚生呀軟雪糕果d
因為你進食前長時間係雪凍
凍既環境有利李斯特菌生長
而你食之前唔會再加熱
所以會比較有機會中
1個讚
99佢join左福利機構d送飯服務，星期一至六午餐晚餐都唔洗煮。
就算未join送飯服務之前佢地早食飯，7點前已經食完，我盡力早都係7點先返到去，老公仲晏d添。
衰d講，佢可以煮到一份夠食既菜都難。
佢有煮飯既時侯，最少試過3條娃娃菜5個成年人食。
好好，姐係其實啲魚放咁耐我感覺唔良好但其實食左都無事。
因為啲魚未蒸，會當日食先蒸熟。
依個就要諗諗，如果之後先放入飯盒即係要o係飯盒預位，唔係唔可行既。
係呀~
如果係食之前先蒸熟/ 徹底翻熱既話係會殺死李斯特菌
1個讚
唔駛預位啦，就咁成隻蛋拎返去慢慢mok 咪得囉
（from 成日帶蛋lunch 既人）
我自己就係連殼帶返工，老公懶，要mok埋放入飯盒
必須要有一定條件，雪櫃要夠凍，飯餸煮好之後不能再接觸到 生水 及 口水，
綠色蔬菜不適宜帶飯。
烚雞蛋⋯⋯我唔係好清楚，隔咁耐先食，有冇問題。
1個讚
多謝你既意見，
雪櫃普通格係3度
會放入去櫃統入面盡量開門唔影響溫度
煮左淨係為左帶飯，所以無口水問題。
所有飯盒都會用開水朗過先裝盒。
帶既菜以椰菜/紹菜/大白菜/翠玉瓜為主，配菜baby corn, green bean, carrot。
有諗過，三四五，三四果兩盒放普通格，五果盒放freezer，星期四晚放上普通格解凍。唔知會唔會好d
1個讚
菜最好唔好隔夜。
有毒既。