你呢句講得太好,有好多人睇表面,覺得我對娘家太無情,佢地唔諗下我細個受過幾多苦,我D家姐無一個錫我,只係識蝦我,我養呀媽果時佢地就咩都唔理,我呀媽衰到其實可以告佢虐兒,我而家無欠佢地架 
4個讚
有啲人出世係還債
4個讚
好明白丫，唔想個女捱
所以話啲連登仔都講得啱㗎，好多好慘，出身差父母又唔生性
我都好怕我媽成日話當年應該落咗我，根本當年佢嘅情況係要落咗我啦，養咁多做乜？又追仔
自己追唔到就間唔中講一句比我聽
我四十幾年嚟冇反駁過佢，其實我係咪應該答佢：係，你係應該落咗我？
我一生人聽咗佢咁講起碼五百次了
4個讚
我都係呢個心態，錫佢又唔係好錫，唔理佢又唔會，坦白講只係暗中＆網上怨恨
人已移英，我有我自己生活，人生做到嘅係唔好生累下一代，再努力捱落去過下半世盡量唔好諗出身嘅苦
3個讚
有時諗佢哋真係衰啲都仲可以話唔理、但其實佢哋只係無能力兼無人生規劃、仲旨意下一代脫貧
我哋果代真係好興講早知唔生你、生舊叉燒
5個讚
只有豬先會生舊叉燒
4個讚
2個讚
呢句好過我嗰句：我不知幾想落咗你
3個讚
有家累真係會幾影響向上流，用個錢都諗過度過，可能因為咁放棄好多擴濶眼界嘅機會。
如果後生唔駛比家用，自己錢自己洗，自己冇乜負擔，心理上比起要比家用爭好遠，好多野都會捨得洗錢去試。
我自己老豆以前買咗樓，同時又要供個仔去外國讀書，完全冇計過數，我話想辭工搵過份唔比，逼我返工，我覺得佢都冇諗過我。
4個讚
本身窮要生，又要靠仔女養，仲要重男輕女，呢啲比個女記一世
我冇憎我父母，只係內心怨同唔親近，我同晒啲朋友視像都唔會同我媽視像，冇辦法，我唔親近
3個讚
抱抱
就算係家人都講緣份，唔好勉強自己
2個讚
咁佢又唔係重男輕女，至少係我屋企女仔係唔使做嘢嘅，不過我係覺得佢蠢，唔計數囉
反而重男輕女我就唔鍾意，特別係個仔娶咗老婆就以為買斷咗人哋個女個D，仲要係香港住左好多年都係咁，我就好憎（離咗題）
1個讚
冇啊，我兄弟姊妹（唔可以準確講因為怕被識破身份）成日叫我對媽好啲，我坦白話做唔到
我媽每年我哋生日都發癲，冇慶祝都算，仲要腰一句：你應該同我慶祝先啱，下刪一百字。見親我出去食生日飯都發脾四，覺得我要請佢食，有次我發佢爛渣先叫做收下
我話：我生日你比我自己慶祝啦，你講你好慘講咗廿幾年，你放過我啦，我只係生日，我冇做錯
3個讚
我有個女仔朋友，對上有一個家姐、對落有個細佬。由細到大都覺得自己係多餘，父母為咗追仔先生佢，佢無家姐咁乖，又無細佬咁得寵，細個唔聽話淨係打佢一個。一路成長同父母都唔係太親近，慶幸幾姐弟感情唔錯，直到結完婚移民外地先開始釋懷，但始終都唔會好深感情。
唔係個個人屋企都咁溫暖，家累除咗係經濟上，對個人性格都好大影響。
6個讚
如果你見到呢個題目覺得家用啫，關向上流咩事？你應該係太幸福，比緊幾千幾百或者間唔中請下父母飲茶就得
好似我朋友咁，屋企做生意，每年攞錢成家人去幾次旅行，長途嗰隻，個孫係問：今年我哋去邊幾度旅行呀？
個朋友不識民間疾苦啦
2個讚
一律建議啲女唔將父母孭上身，推返比個寶貝仔
我奶奶都係擺明唔錫我老公，我老公逐漸發現到好處，走得都好安心，唔似初初移民咁唔忍心
因果自理
3個讚
家累除咗經濟上，仲有老來從子嗰啲，咁講好似好賤，但係到你遇過兩老輪住入院，個種壓力，係大到你唔會照顧到其他屋企人同小朋友，其他人一病，就會話自己冇能力再去照顧其他人，亦會令你個人樣樣都好擔心
2個讚
仲有情緒勒索個D
3個讚
生意失敗，欠債累累，將1 4歲兒子簽俾鷹黃十年。
5個讚
但係連登樓主出post 講緊既就係幾千家用都影響佢向上流。我本身以為係連登呢d post實係大部分支持附和佢，但有d 出乎意料外既係都唔少連登仔反駁佢，呢幾千其實都係慳黎買新電話食豪d去多次旅行。甚至有連登仔問究竟個幾千蚊係同住俾緊佢自己既生活費，定係俾緊父母零用。
我覺得幾千係會影響生活質素，會令向上流時辛苦左，但唔會淨係因為呢幾千蚊由向上流到變流唔到。
1個讚