你地父母好好,呢D真係個個人唔同
要白手興家真係好難,天時地利人和少一樣都唔得,仲要做得長久真心難
當然有好多因素啦,但呢個因素日日都要面對,其實都係大問題。
無房溫書只係一個例子,當你經歷過阿媽日日打麻將到半夜,講緊你只係個小學生,正常9點就應該去瞓覺,依d 係咪去自修室解決到?問題唔係以日去計,係以年去計。由細已經無精神上堂,仲點會讀到書?所以我明佢哋怨乜。
其實唔使幫屋企供樓已經好好多,我畢業個時發現原來好多人要幫父母供樓,原來自己買樓唔係自己供,係仔女供
就係我個情況了,要供
但我同學仲慘,讀大學已經要將啲part time錢上繳好多供樓
係呀,一句話佢哋淨係識怨,有時上網呻下都要嘅我覺得
我八十年代讀小學,當時個個窮唔覺得,到九十年代讀中學已經好有比較,到而家個貧富懸殊差距咁大,公屋大仲要有家累實在好慘,分分鐘搵個女仔都被對方家人嫌棄
我自己都知道永遠追唔到其他有父幹同事,都係靠讀啲沙紙平衡自己心態,但上網咪呻下囉,都要大家體諒
但又話上一代啲樓好平?咁兩個人做嘢都供唔掂?定係生左仔女就唔做嘢?
係要仔女幫手供嘅平貴都會迫佢哋,有好多父母做得出㗎
X2, 唔係父母供唔供得起問題。
我同學好叻入到神科, 一畢業老豆就要佢供,
佢冇特別講感受,
但行動上係無幾耐之後就移左民
窮人堆都係窮人無咁多比較、以前唔知道咁多慈母父幹同北極遊學團
不過我都認同資產冇得比較,多謝Kipling咁一語道破
其實我真人冇呻嘅,我還父母債自問還突十倍,我喺佢哋面前冇怨過半句
自己命苦怨自己啫
我U要grant loan,自己還
有朋友連master都係屋企比,我覺得好肉酸
都係嘅,如果阿女第時搵個公屋仔又有家累,我會叫佢諗清楚先
我master都係自己俾(不過諗落可能舊錢要來買樓仲抵,個時讀master嘅學費等於首期咁滯),咁我父母都算好好嘅,大學仲有俾零用,不過出來做野就調轉俾返佢地,好彩佢地唔等我開飯
有家庭負擔既人點會有資金創業做生意。
見過讀書叻但家庭負擔重,當我地用低廉人工去大公司實習賺經驗考專業試,佢就唔理考牌做細公司揾真銀。當其時係揾多啲,但而家佢重未有專業牌,同時事業發展同其他人差好遠。
不過佢無辨法,返學時已經幾份part time, 畢業亦趕住養家,供個妹讀書。
住公屋先係人生贏家
“仔女出身,係時間有人幫手供啦”
識人響仔女出身就綠表轉居屋
仔女交多啲家用
自己嘅同老豆嘅唔一樣
Exact7ly