仲想向上流動請立即停止比家用
https://lih.kg/3370258
- 分享自 LIHKG 討論區
佢哋所謂嘅向上流係咪指多啲錢做自己喜歡嘅嘢/事？
或者要家累掛
有啲仲話成份糧比阿媽分配
點學理財呀
4個讚
我諗係講緊社會分層嘅向上流動
咁同比家用真係冇直接關係
其實我好唔鍾意呢啲人嘅諗法
因為A，所以就B
因為要比家用，所以自己就無得向上流
唔知係咪讀社會科學讀上腦，從來科學就好難prove因果關係，只可能prove相關性
即係你比家用，有可能因為咁而冇得向上流，但就算你冇比家用，都未必可以向上流
只可以話「比家用會係其中一個因素可能會影響向上流動」，呢個係「比家用」同「向上流動」嘅相關性
但絕對唔係因果關係，「因為比咗家用，而令到冇得向上流動」係唔成立
12個讚
我識朋友要比一半家用屋企，另外有個朋友因為屋企人欠債，佢當年大學畢業後$16000要比$12000屋企，自己得$4000洗，可以帶飯但交通費自己比
咁一定影響向上流動，拍拖機會都受影響
14個讚
啱啱上網搵到啲資料，除咗收入外，原來仲有教育同職業的變動都會影響社會流動，個人反而覺得後兩者比較重要。
點解佢哋淨係集中講俾家用
1個讚
題外話：咁唔使比家用齋使自己份糧嘅人本身都好幸福，羨慕
2個讚
我嗰行學歷好重要，
我公司唔理咩年紀，我未見過中學學歷嘅同事升到職，
我公司做緊junior post而又年紀大而又同我吹到兩嘴嘅同事，以我所知，佢哋唔算有家累，唔係話唔駛養家，而係唔會大半份糧比晒屋企（純粹睇佢平時消費模式估），佢地特點都係中學學歷，冇再進修，工作能力普通，兼社交麻麻
2個讚
我都有學歷，但係點都唔及第一層樓已經由屋企比幾十個甚至一百萬嘅同事咁幸福，佢層樓過千萬，我層樓平四五成
我學位數量係佢三倍
命已認
3個讚
我覺得係有多重原因，如果真係要靠仔女家用屋企開支先平衡到既，即係某程度上，父母都拖累緊仔女，自己負擔唔到自己生活。以前大部分人都窮既時候，大家會覺得無咩問題。但宜家已經貧富懸殊勁左。如果仔女要俾家用，對比個啲屋企俾到資源既，咁佢一定係儲小左錢，一定有比較，咁對佢將來買樓/買車/讀master/結婚，都一定有影響。
我覺得俾小小家用，兩三千，或者得閒請屋企人去食嘢係心意，情有可原，但如果要俾好多家用屋企負責開支就講唔通。有啲話家用幫你儲起，遲啲真係俾返你個啲都ok。
19個讚
咁好多創業/做生意有錢都無學位添。又唔係讀書多就有錢。
我唔會羨慕人屋企樓價好貴，但我會覺得宜家呢個時勢，真係要俾到資源個細路先好生，太多比較，太多起跑線。
8個讚
冇學歷靠自己創業做生意而向上流動嘅人一定有，但唔可以話好多，睇堅尼系數、收入中位數呢啲數字，就知道香港貧富懸殊仲係好嚴重，有錢人少、基層人多，當中仲要只靠創業就可以向上流嘅人係仲少、所以香港現時「主流」都係靠學歷向上流
3個讚
如果要比資產就無得好討論，基本上全世界都係靠父幹。
我之前係另一post都講過，公司會賣人情比高層，佢地會安排暑假時比班世侄做intern（雖然而家已冇後生想做），
你1st hon+名u 爭餐死先做到嘅野，人地輕輕鬆鬆就做到
5個讚
正如以前亡國好興講band 3都出到醫生，係無錯，但講比例囉
2個讚
我無資料又唔肯定，但宜家讀書俾你搵得多錢極都係做醫生，律師？二十幾萬一個月？有啲做地盤幫人裝修或者賣兩餸飯都差唔多搵呢個數？
咁係香港讀到書一定係讀書好啲，只不過我係話唔係有學歷就一定有錢，都要睇你讀咩，個科需唔需要。
5個讚
唉，家家有本難唸的經，好難一概而論㗎。但係佢哋講到俾家用必然影響社會上流就⋯⋯
好老實如果屋企經濟許可，當然俾家用可能對長輩/雙親嚟講係一點心意或者係一個責任。試問有邊個（無論幾多歲）唔想財富自主？
有邊個唔想可以唔使靠仔女嘅家用都可以過正常生活？
向我生活圈子（好多親戚）裡面有好多唔同例子，有啲結咗婚/嫁咗都俾家用（仲事事上心）；有啲個個月像徵式咁俾；有啲好想俾但係能力有限（但係經常照顧/慰問長輩）；
亦有富裕自己（冇俾家用），但係對自己長輩不聞不問，窮到就算有疫情都飛去日本避疫都唔理長輩，甚至疫情/開關後第一件就飛去外國滑雪添。
只可以講人一出世就好多野都安排好，就算最後真係「人定勝天」都係一早上天安排好個劇本。
我認我信「際遇」
5個讚
個啲想唔俾家用嘅留言者啲說話好難聽
2個讚
我反而覺得係70-90頭同宜家呢代90尾-00代既唔同諗法。
正如你講個啲親戚，個代個思想係人人跟劇本結婚生仔，一生生幾個，大家出身都差唔多既，然後經濟起飛，咁佢哋對家用睇法會唔同。
宜家啲人點解唔生或者對家用諗法咁強烈，係因為佢已經見過上一代人既種種情況，好似你既親戚，有啲有能力有啲無，再加上宜家社會變左咁多（就算只係講讀書，以前可能真係咪書死讀就得，宜家醫科啲書幾貴？要入國際學校要買debenture，其他人遊學去歐美，去埋北極都有)，見到啲韮菜，如果仲好似以前咁係又生唔係又生，又想仔女俾家用佢，跟本就係無進步過，複製貧窮。所以要代入佢哋先會明佢講咩。
3個讚
係呀，所以話「主流」係靠讀書，但唔一定係有學歷就可以向上流，「學歷」只係其中一個元素
2個讚
我覺得佢地講既其實中間少左好多個從而
要俾家用 從而 要份工收入穩定 從而 少左想轉工加人工既動力 從而 每月儲少左錢 從而 遲左買樓/買車/進修…etc
6個讚
一命二運….五讀書，既然頭四個item控唔到，唯一控制到嘅只有讀書，但頭四個item又好影響讀唔讀得成。不過而家香港入大學易左，理論上要有張沙紙都易左
2個讚