曾經喺連登見過一個例子，一家住公屋無房、大學做paper 都係食飯張摺枱，阿媽一句話要開飯就要將所有嘢閂哂，度火本來好紅都俾佢蓋熄，唔好再話讀書時背後有老豆睇馬聲、阿媽講電話嘅聲。其實有人成功脫貧係勵志，但唔成功未必無原因。
7個讚
我覺得有堆人係天生鐘意怨同賴人，失敗係從來唔覺得自己問題，只會怨冇運。讀書唔叻就怨父母冇培養，但其實都好多公屋友冇補習自己讀上去。番工又從來唔肯ot但又怨冇得升職，唔諗下人地為升職付出幾多。又怨老公冇本事，講真吸引力法則，自己都唔優秀，優秀既男人又點解會揾佢？
最後講到生仔，佢成日怨父母住公屋，但佢自己連公屋都冇仲生，搞到幾代人住同一間公屋，仲衰過佢父母當初。
4個讚
我諗嗰班好多都同父母感情唔好，雪上加霜。
不過睇得後生嗰班講嘢多，又了解多d，唔可以再話以前我哋咁咁咁依家你哋都可以嘅廢老mode 去講。
2個讚
所以我真係覺得諗清楚先好生，其實唔淨止係講窮既，有時見到d人夫妻關係又唔好，生2件又呻老公唔幫手變偽單親，其實結得婚都知係咩人，冇家庭愛既都要諗清楚。
BTW,我係連登見過有人講仔女控制唔到出世既回覆，有人覆係佢自己遊得咁快，其實父母都想生個有"仔女幹"既小朋友，呢個思路有d 新奇。
7個讚
咁都真，所以呢啲咪人性，個個都想中六合彩，想有人幫自己，not the other way round。所以宜家啲人先唔想生，生仔真係要好大愛同諗好多。
2個讚
人出世係有起跑線，俾我個個都想做富二代喇，奈何已經生係公屋之家，咁咪努力囉。向上流唔到，好多人只會怨係原生家庭問題，冇錯係會有呢個因素，但唔係只得呢一個因素，人自己本身有幾努力都係其中一個原因。但好多時佢地只會淨係提原生，唔諗下自身，我覺得呢個先係最大既問題。
2個讚
我21歲出黎做嘅時候,搵份工扣埋MPF得8000唔夠,屋企要我俾4000,我真係O撚哂咀
仲要半工讀俾學費,呢樣果樣,好彩我都算慳,捱到果幾年
而家加到40000我都係俾5000
當然我負擔到俾更多,不過見佢地又無要求,生活又無問題,我唔會俾多
只能講,未感受過家用負擔嘅人唔會明果個連登仔講乜 
11個讚
我自己父母都係唔叻，不過算囉佢冇俾父幹我時，我亦冇本事俾佢地享福。咪當打和，大家都冇立場怨。
有d 情況就真係要怨喇，一畢業要好多家用，又重男輕女，屋企又賭錢，呢d 真係有得搬即刻搬。
3個讚
我覺得好多連登仔諗法就係佢根本就唔想出世，宜家你生左我，佢唔想努力但迫住要努力，但努力左都係韮菜。同埋性格/智商呢啲基因遺傳都會影響。
3個讚
你呢d 就係原生家庭唔好但係靠自己都向上流到既例子
1個讚
唔神奇，好多年前八卦嘅，
當年「謝言」搵高人擇日生 「停瘋」，高人比咗兩個八字佢選擇，
其中一個係：搵到錢，仲可以養埋父親，但孩子一生都唔會開心。
另一個係：四平八穩，－生無咩缺失，平安。
唔使講，都估到「謝言」揀咗邊個八字。
老來有兒孫養都係一個美夢。
7個讚
或者咁講啦
當年我咁情況
會怨下父母都好正常
過咗幾年情況改善,咁就少D怨氣
而家D年青人都有佢地嘅壓力,佢地上網發洩下啫,我又唔會對佢地指指點點
反正佢地話唔俾唔俾最後都係俾架啦,情形同D人話結婚唔擺酒一樣,到最後咪又係九成都擺
5個讚
呢個真係雞先定蛋先既問題，因為而家生活唔好所以唔想出世，咁係咪改善左生活就又想出世呢？定其實好哲學地出世就要面對生老病死都係唔開心呢。
我覺得而家既連登會員年紀跨距好大，早排見到好多連登父母講湊b圍爐，連登仔變成連登佬/婆，仲有人提議要開番親子台
1個讚
咁都正常，生活得唔開心咪唔想出世。所以佢哋先會話窮人生仔正XX。
都會有老連登仔既，但講真宜家三十歲咁上下會生個啲都真係生活比較好先會想生，無人想生活質素降低，意外另計。(帶頭盔: 我覺得)
3個讚
所以早排話香港生育率低我覺得好正常，我妹而家都係適育年紀但佢唔想生，我非常支持佢，係我媽係咁煩住哂，我都叫佢唔好隔離講3講4影響個妹判斷。
1個讚
我有睇家庭台，但入面啲post大部分係點解要結婚，點解要生仔 
有時我都幾明個種諗法，但出到街其實都見到幾多細路，同埋只睇外表都唔係窮養個啲。所以連登都只係一部分人意見，同再老啲個陣心態又可能變。
2個讚
我都識好多同適婚適育唔想結婚，唔想生。我都好明白佢哋，同我覺得世代變左，唔係所有人都要跟同一種方式生活（一定要坐office，做好工，搵個人嫁/娶，生仔)
但如果成個社會經濟咁講，一定係有人生最好，但個人開心黎講就未必。
1個讚
係，有時身教真係重要，我覺得好多嘢，幼稚園已經睇得好清楚父母點做
有啲父母成日話阿姨姑姐點差點衰，又想自己仔女兄弟好close, 好難架喎
4個讚
罐頭人生
1個讚
一個討論區，有唔同人唔同想法好正常
2個讚