幾好丫，有個地方可以講真心說話
其實好多都係得把口，現實世界咪又係俾緊家用
6個讚
係 
我覺得真話係難聽
1個讚
係，其實都係呻下，做得出唔理屋企嘅都唔需要上網呻
3個讚
我覺得係
唔洗俾家用多數冇咩金錢負擔，父母經濟冇問題
咁樣小壓力同自由好多
家用都係心意，無經濟問題既父母收多收小都會好開心
2個讚
至少工作唔理想，想轉工，想休息下都唔洗儲夠幾多個月家用既錢先辭職。
自己搞掂自己，想辭就辭
6個讚
認同
依個時代學歷氾濫唔再係讀書一定會發達，努力肯捱就一定有前途
4個讚
係…所以我好羨慕身邊這些朋友
上代識計劃真係會幫輕下代
3個讚
你睇果個討論區有呢個答案唔意外
2個讚
有前途係講天時地利
死捱都唔ok
2個讚
但好現實，有d 論點我都認同。
如果佢係普通畢業生，佢出嚟做嘢仲要俾錢屋企，某程度係累緊佢
3個讚
可能佢哋呢代仲有好多父母要求家用。
睇過唔少佢哋都怨父母無做好人生規劃，佢哋覺得出生係捱苦㗎，所以我哋呢代諗生仔真係要三思。
6個讚
佢父母有做人生規劃，就唔會生佢出嚟。
1個讚
睇下俾幾錢家用喇，俾好多咁係會影響向上流既，但有d 俾得個少少又食屋企住屋企既，就算佢唔俾家用都唔會向上流到。好多時都係為自己揾既籍口。公屋靠俾心機讀書最易脫貧，band 1津校入面都唔少公屋生。
3個讚
講緊三幾千 又或者爸媽有盡力教養的話比多d 就緊係無所謂啦
我有朋友由細到大都無資源 要咩無咩
兩老日日都話無錢又盛 日日家嘈屋閉
到朋友出黎做野啦 靠自己搵到份好工
佢媽就同佢講要比一半人工做家用 搵兩萬要比一萬
日日都比說話我朋友聽 係我養大你乜乜七七
會拆佢d信睇佢搵幾多錢 有幾多錢儲
最後我fd就轉晒所有野做e statement 最後搬走左
比返幾千佢媽 你要就要 唔要就算 最後大家感情都唔係太好
8個讚
認同！
本身都唔係叻嘅，俾唔俾家用，都無咩機會可以向上流，「俾家用」只係發牢騷。
住公屋嘅，本身起跑線低，只要向上跳一級，都已經係成功向上流，這一級仲要比較易跳上。
3個讚
而家個個都想有父幹，有d甚至係會睇唔起自己父母冇錢住公屋。但係怨既同時，其實佢地自己有冇俾心機讀書進修番工？有冇諗下點解大家都公屋人地脫到貧但自己脫唔到？我識人怨父母窮冇規劃，但自己又莫明其妙好窮咁生左2個又繼續窮落去。
冇父幹我覺得冇嘢好呻，先諗下靠自己唔好諗靠人。有負慮既家庭例如屋企人有病/爛賭呢d 複雜嘢就真係慘。
2個讚
有啲父母嘅態度係大耳窿咁
拎埋銀行卡要自己拎錢嘅
一係好大反彈，一係就好裙腳嘅
2個讚
跨代貧窮掛
人生規劃同理財，好似真係無得讀
乜嘢叫大駛，乜嘢叫應駛得駛
當然呢係一條rule, 但點樣選擇自己嘅生活方式，有啲人真係唔知
點解佢地會再生，就可能人有佢有／長輩叫／我細個咁窮都係咁, 自己個仔都一樣啦
就這樣
4個讚
係呀…我朋友都有講 其實比錢真係無問題
但係佢媽兜野拎一半 我個friend自己想進修都有排儲錢
仲要每個月一號就追債咁 問點解打簿仲未有錢 係咪未過 幾時比 快d比
睇返我自己 屋企由細到大都好supportive 外國讀書 結婚 買樓 之類
出黎做野咁耐 佢都係叫我比幾千蚊佢地食野飲茶就OK
我自己都唔好意思 會主動買野呀 請佢地食飯咁
只可以講 未經他人苦 莫勸他人善 子女關係呢d都係一分耕耘一分收獲
11個讚
呢啲就係複製貧窮。但係無辦法，可能真係基因令佢好鍾意有下一代？
我覺得另外一樣都係風氣問題，其實你有比較一定會有怨言，你見到咁多新聞有父母幹買樓俾個仔女，又話每幾多個人又一個百萬富翁，再睇下自己，有幾多人真係成日好正面覺得我要靠自己努力，有但再正面既人都有負面一刻，呢啲就一定會上哂forum講。
仲未講越窮越無知識個啲就越覺得自己食鹽多過你食米，睇連登真係睇唔小。自己唔係讀書材料但又想個仔女讀書叻，但屋企環境嘈。姐係有人可以話山區兒童咁辛苦都想讀書啦，但我覺得問題就係太多比較，大家起跑線真係太唔同，啲人先會咁多怨言，可能佢都怨自己唔讀好啲書，但都會怨父母。
同埋父母有得揀生唔生，仔女無得揀出唔出世。所以真係駁唔到。
4個讚