家有個做咗十幾年嘅家僱….
我告訴自己這10年我對她太好了。試著認為她是家庭成員。我越嚟越覺得她是管家不是家僱。為了保持家不爭吵，我忍耐了十多年。我盡我所能默默忍耐。
發生咩事？
忍左十多年？咁幾時完約，係時候講bye bye!
呢啲位好難拿捏
可以對佢好，但唔好真係拎個心出嚟當佢係屋企人
更加唔可以比佢覺得/知道你冇咗佢唔掂，比佢可以食返你轉頭
記住係你出糧比佢傢
係啦無頭無尾
好難俾意見
6個讚
怪就怪自己蠢，10年？ 無人叫你同佢續約
你係僱主，佢係僱員，你哋從來、永遠都唔係家人；你難道覺得公司上司會當你係家人？
幫唔到手，或令僱主煩惱嘅僱員，炒。
依家已經復常，請海外工人好易，根本唔需要默默忍受，唔好覺得自己好偉大，旁人只覺得你蠢。
2個讚
佢咁寸我實炒
佢揍大我女，好勤力，煮嘢食也拿手，所以大家都讚口不絕，當見到我家父母、奶奶老爺、朋友，態度亦好親切。所以當我對佢有什麼不滿，個個都話咁好嘅工人去邊度搵，出面嗰啲又做副業、又偷懶、又借錢…. 那時候，因為小朋友又細，屋企父母奶奶又幫唔到到手，我哋兩公婆又要返工，只好繼續，我份人又係好善良嗰隻，唔想對人悪，因為對人惡我之後成日好唔舒服。所以一路同自己講係小事…. 我每次都好聲好氣提佢… （1）有次佢中咗唔知甲型定乙型流感，我叫佢留喺房，如冇需要，唔好出嚟，我煮三餐佢，佢黑面話why why留喺房，我話怕佢傳染到個女（還細）…. （2）有次我哋搬屋，因為大屋搬細屋，只好係廳間間細房，阿女同我講，佢唔鍾意間房…… （3）其實咁多年來，佢整爛屋企啲嘢，如果可以冇人發現，佢係唔會話我知，等到我發現，都話唔知，如果只有佢經手，佢也唔會講聲sorry, 態度亦冇唔好意思，我從來一次都冇叫過佢賠，但十年來都係…. （4）從一開始，我都叫佢洗佢衣服要同我哋公開機，我冇特登去check 佢，但有兩次早咗返屋企，佢將佢啲衫mix咗我哋啲洗，好聲好氣提佢，之後再俾我見到…. 我現在同自己講，算啦，唔好再咁在意，又唔係死人冧樓…. 我現在叫自己唔好再留意…. （5）平時早上唔會叫你早晨或叫mam, 我叫佢，佢就應下你，面口－般冇笑容，黑黑的，但當佢想問我早啲出糧或借糧，就笑笑口叫mam…. (6) 每當星期六日我想自煮下嘢，未用完，佢一定入去廚房即刻收拾，我放好位置冇跟佢平時，即刻放返原位，好似我唔攪佢廚房咁，叫佢唔使幫手，就黑面，好似有強迫症…. (7) 就算係我房，攞放嘅位置都要跟佢，我想改一改，第二日又係改咗….（8）佢成咳，我關心下佢問冇唔舒服，有就帶佢去睇醫生，在家要帶口罩，佢話冇咳（明明日日都咳）唔帶口罩因為唔舒服，如果佢唔服唔帶口罩，只好我哋帶…. （9）有次我同老公中Covid, 未入營，只好留喺房，因為共用廁所，叫阿女同工人帶，佢堅持唔帶…. （10） 好鍾意用漂白水，我哋有啲衫變咗一達達，屋企唔買，佢都自己買去用，但又話冇用…. In general, 就係我行我素，唔係唔做嘢，但唔鍾意你instruct 佢（我其實唔多）….
1個讚
你係咪打錯字？
你的家僱=你的僱主，你是傭工
你講得好啱，可能開始得唔好，冇規矩，到現在講要求，真係好難….
我有同老公講，老公覺得佢冇問題，我成日反思，係我麻煩？但係真係冇無理取鬧（加上冇鬧，都只係提）
其實你講個啲真係唔係大問題
7個讚
都係，所以一路都續約，但係個心越來越唔舒服，有什麼都叫老公同工人講，就算公司可以WFH, 都唔想留係屋企….
問題出係你同佢溝通上，我識個朋友，佢姐姐直情話佢死肥婆，我朋友都一樣咁話返佢，但佢地就好好關係，只係間中互相串下咁
如果我係朋友嗰type, 做人就舒服好多，可能一向都太善良唔出聲嗰type, 我一有少少唔開心唔出聲，老公阿女就話我發脾氣，因為同平時反差大⋯⋯其實我眼見有好多親戚朋友係屋企都會話工人同鬧人，好似變得令人習慣了
其實係你出糧，你唔舒服，講極佢唔改，就炒啦。可能真係你之前管理不善，但縱慣咗就好難返轉頭
5個讚
我覺我首先你要表達自己個想法先，無人係你肚入面條蟲，無人會知你想法，而最大問因為過去你地一直無表示過問題，咁佢覺得無必要去改變啦，你都唔抄我
4個讚
同聲同氣要一齊住都難
何況背景完全唔同嘅文化差異
好多時唔能夠用自己成長嗰套去唸
有啲文化圈係唔打招呼冇問題
你太熱情佢地唔慣添呀
做一個好僱主係你有同理心有良知
但要俾對方知你有底線
由一開始就需要溝通唔好收埋
同埋文化差異真係一個好大嘅問題
太執著每一個細節會癲
好似你話用完個廚房佢會收拾返好
其實我對住我老公都會
但又冇話唔想佢入廚房
只係我喺屋企嘅時間多習慣要順手
冇理由下下要求對方咪自己執
4個讚
你家傭真係冇咩大問題, 自動自覺做野又做得好既人係唔太受管制, 你要取捨
問題只係你想拎返主導權但失敗
佢真係令你咁唔舒服, 你可以換新家傭重新再教同磨合
7個讚