我覺得你呢種收收埋埋既性格會令你易有情緒問題。再加上其實你講好多都係小事，但你會覺得唔開心但唔敢出聲，其實已經係一個問題。
俾著我，唔開心我會炒佢，但我覺得更應該留意既係你情緒問題，可能我感覺錯，但係文字中我感受到你有小小心理/情緒問題。
同除非個姐姐有心俾下馬威你，如果唔係，佢無必要令所有人讚不絕口，唯獨唔叫你mam/黑面之類。如果佢係態度唔好，人人都黑面啦。
同埋點會妹仔大過主人婆，wfh都唔想留屋企。最多你咪叫佢去遠啲買餸或者俾佢出去hea耐啲，點會係自己唔返屋企避姐姐。
7個讚
都係，返轉頭要好大力氣，現在叫老公講…其實都只會再續多一兩年，十幾年過到，多少少應該可以，自己調教情緒….
其實每次都有講，老公話我唔夠惡
你講得好啱，文化差異，佢應該從來都冇做錯，只係我麻煩
1個讚
全中，係我近年發覺想攞返主導權，但失敗
你冇估錯，我都覺得我情緒受到影響，因為屋企現在情況唔係好適合換工人，而阿女過多兩年都大或者我可以唔工作，所以叫自己再等等
咁我覺得你應該諗啲方法改善情況。例如好似唔想見到姐姐個陣叫佢去遠啲買餸，同俾佢出街（俾佢蛇王無理由拒絕），面皮薄講唔出可以message / 寫memo癡雪櫃講你既rules, 例如你想佢小用漂白水之類。諗個方法可以溝通到同唔好諗埋一邊。
同本身你就係女主人，點會可以做到工人有主導權同你要忍十幾年，唔係一時三刻喎。大家咁高咁大就話忍姐。
1個讚
我太明白佢，佢一定問why… 因為我叫佢做嘢，等一反應永遠唔會yes mam, 會challenge 先，（就算係放假，因為唔鍾意使錢））當然我可以唔理佢反應，因為佢嘅態度同反應我唔可以控制，不過多謝你嘅建議，
咁你咪答佢因為我wfh要有靜既環境或者邊個街市啲嘢新鮮啲。你係僱主唔可以俾人大到至得，宜家又唔係叫佢蝕底。有佢著數喎。
同佢問why又唔一定係challenge你，佢想知咪話佢知。講得衰啲你係僱主，你話宜家我想靜下，唔想見到任何人佢都吹你唔脹。
2個讚
都係
一邊睇，發現我姐姐都有呢啲特性。
當中，有時是大家要求不同，有時是姐姐陋習…
疑人不用，用人不疑
如果心中唔舒服，又接受到有機會一蟹不如一蟹
換姐姐啦，放生大家
4個讚
應該唔再續約，完約之後換工人姐姐，無謂令自己唔舒服。
2個讚
我第一個工人，我都面對咁嘅問題，因為我會解釋原因，搞到後尾我直頭好似咩都一定要解釋咁。一唔啱佢心意，佢就黑面。
第二個工人我學識咗，除非突發，否則所有嘢都唔再解釋。反而咁仲容易咗管理。
你好善良，個性好難即時改變。慢慢嚟，每次俾指令或要求時，態度同語氣一定要firm但友善，佢會感覺到你係不容許挑戰，從而改善佢自己嘅態度。
仲有，如果屋企主要係你管理工人，唔好一有難題/你唔想解決，就交俾你老公。你咁做，工人會覺得你軟弱，容易蝦你。
2個讚
多謝大家嘅意見，雖然未必即刻解決到或者睇開度，但聽完大家嘅意見係舒服咗，見到有一句：「你係善良…」感覺好感動，因為我身邊嘅人俾我嘅感覺係：「你好小氣，好麻煩（雖然冇直接講）」⋯⋯ 
1個讚
不過近排有件趣事，我姐姐剛剛熨爛咗件泳衣，未穿洞，雖然唔係第一次熨爛衫，不過唔知佢唔知泳衣係唔使熨… （佢有二十多年做工人經驗）
我用過4個工人，各自有各自既問題，去到後期只要唔係太離譜我全部隻眼開隻眼閉算，因為同住生活習慣唔同，同自己親人都會有磨擦，更何況係工人？
呃呃氹氹下，間唔中送下小禮物，如果最後真係改善唔到又好影響自己心情，咁就唯有送佢走。要記住請工人原意就係想令自己開心舒服。
2個讚
你講得啱，人同人相處唔容易….所以我每次旅行都有買手信俾佢，佢做滿十年都有買手機送俾佢，我問心也盡力對佢好…. 也期待有日好好結束僱傭關係⋯⋯ 好似之前有位分享者話放過大家….
1個讚
點解一定要做多一兩年？日日對住唔開心嘅人或事係好辛苦，點解要忍？何必呢？放手啦，屈到有病咩都補唔返。
佢煮嘢幾叻都冇用，寧食開眉粥，不吃愁眉飯。
1個讚
照咁睇，你工人只係一般表現，似old seafood。你對佢嘅呢啲不滿好正常，最慘佢唔係屋企人或老公，爆佢一wok又怕月經血加餸…或者攞你支牙刷刷地….
咁佢除咗煮野食叻，仲有咩優點？好錫阿女？阿女好痴佢？
兩邊秤下，如果真係對你嘅生活做成壓力，就完約啦
我通常幫工人嘅，因為港媽係真係好麻煩，要求多多自己又唔檢討下
但，你講嘅要求好正常，我唔覺得你係小氣或麻煩