私家最跟到足係收費，
老土啲講 一條綿花都同你計足收錢，
雖然現在流行生仔套餐，
但都唔係平，
私家有人理，生仔時最緊要有人理下啫，生命好寶貴。政府係平，睇人命都好平。
好慘 
會咁架咩我唔熟佢哋嘅做法
因為冇記錯佢地啲單張同講座話陣痛，見紅，穿水是但有一樣都可以直接上產科，同埋佢都足月
我試過38w少少唔舒服都要留院觀察，反而係我會想自己睇定啲唔想留院
同埋我自己幾次都係得陣痛入院，可能好好彩，我覺得幫我嘅醫護係專業，整體冇咩特別差
頭一胎係冇乜人理，佢哋話我見紅再搵佢哋，我去到6度勁痛搵人檢查先知6度，我諗住係第一胎要痛勁耐，十個鐘鬆啲，所以非必要都唔想搞到姑娘，之後再順產過程都好快
我諗個媽媽真係發夢都冇諗到咁，真係會好大打擊好難接受，正常唔係第一胎順產應該好快出到黎，我覺得好奇怪點解佢第三胎醫院由佢痛咁耐都唔做野，係咪啲指引太過時定有人做漏野唔檢查清楚
有錢同冇錢係冇分別嘅話，大家就唔係咁努力揾錢
我係私家生. 見紅入私家醫院, call 醫生黎. 因為已足月, 醫生幫我人手穿水, 落催生藥. 跟住5個鐘左右就生左.
穿水, 接生, 剪會陰, 縫會陰都係醫生做, 好快手.
當然私家醫院ge護士會多d時間可以黎睇產婦, 睇住bb心跳, 教我幾耐吸一次笑氣etc. 但我覺得我咁順利,主要係因為搵左私家醫生. (雖然係俾左唔平ge醫生費, 但佢真係俾倒我想要ge服務.)
公立私家各有各好啦, 醫療事故係邊度都有機會發生.
我個人對hk公立醫療好無信心. 如果生前已知唔順利 e.g. 胎盤前置, 臍帶有問題, etc. 我都可能只會揀私家開刀.
3個讚
我個陣又係好肚痛，又唔夠手長撳鐘
好彩個陣我對面床個媽媽幫我搵護士（疫情成個產前房得我同個媽媽2個人，仲要唔近護士站叫都冇人聽到）
第一個護士嚟，我同佢講好肚痛好想屙，佢只係望咗一眼檢查都冇就走咗
唔夠15分鐘我請對面床個媽媽叫多次，第二個護士嚟一檢查，又係即時換衫入產房
好彩個陣有對面床嘅媽媽，如果唔係我都唔知點算，完全好似俾人遺忘咗咁，好無助
我果陣都係俾人遺忘咗…
產前房係細房, 果朝得我一個… 好痛好痛但搵唔到鐘撳
第一個姐姐黎換水, 我請佢幫我叫護士, 佢唔理我 
第二個姐姐黎, 我又請佢幫我叫護士, 好彩呢個肯, 但佢話出面交緊更, 無護士得閒 
個姐姐都好好, 問我係咪好痛, 幫我換定衫執定野先…
之後有護士黎 check 就入產房了
第一胎, 完全唔知點算, 搵唔到護士果陣真係好驚 
1個讚
政府生仔，唔好諗有事可以揾護士，佢地企係出面傾計都唔會入去。
日日咁多大肚婆，每秒都有人話肚痛同生得，個個都當真米好唔得閒？反正佢地份糧係納稅人出，唔係產婦比
3個讚
我都見到呢句有d嬲 
1個讚
我就係有錢冇錢都冇分別…一早諗住去私家, 到三十幾週私家先話唔收我 
啲護士喺護士房講是非.
匿埋喺啲房仔度食下午茶
得閒出嚟鬧吓你哋啲大肚婆唔好叫
冇個好人
啱呀啱呀
去私家生啦
唔好去公院生呀
無個好人㗎
咁偏激都講得出，依家唔知，可能好多醫護都走咗。當年我喺HA 做嘢、生b，好多醫護都好有心。私家人工高，成盤business 咁去run，環境、服務當然好。但用佢哋嘅心嚟同公立比，好唔公平。
講到返工無嘢做咁，就唔會係shit job啦
6個讚
點解呀？
大量瘤, BB細粒, 又唔轉頭, 私家覺得我high risk, 結果冇得揀, 公立
我東區, 開刀, 預約唔洗食全餐 (公院都唔take risk, 應該真係有D high risk 
), 老實, staff 10個裡面總有1-2個衰, overall 其實唔太差
衰既一定有, 但你會spot到佢, 要投訴都唔難
2個讚
私家就係low risk先肯接，所以冇乜醫療意外
私家 low risk 先肯接嘅原因一來係設備，二來係錢。
好多人生仔預十萬內，廿萬內，萬一有事要即時急救醫治，個費用可以好驚人，唔係人人比得起。
除非真係有錢人，高危或者預有意外嘅，都係返政府好
好似好耐前有單真係個 bb出世要即刻急救定乜，等唔到送去公院，埋單好似一百幾十萬，對夫妻比唔到。最後唔知點了
做護士的人工，其實都係納稅人嘅錢
但係佢哋就覺得啲人睇公立
係俾唔起錢 睇低人
其實護士都唔係專業
中六都可以去讀
如果係
叻就做咗醫生
佢哋做護士都係貪份人工
你自己咁諗人
就以為其他人都係咁諗
3個讚