你自己有事，私家醫院，隨時好貴找數㗎
我只係想強調大家諗私家醫院安全啲呢個講法，係要多一層考慮：因為佢哋揀症嚟接，所以low risk
當然照顧就一定好啲啦
護士係好辛苦嘅行業，有時佢哋面對啲難頂嘅病人，幾蠻不講理，爆粗都有。唔通下下南丁格爾咩？講是非少不免啦
護士都要不斷進修嘅，好專業㗎
我體諒及尊重
8個讚
香港嘅醫生，見你攤係到就死，私家都唔會做得出冇錢唔救，但之後都係要找數。
識人cancer 去私院醫，使左百幾萬後都係經濟問題，聽私家醫生講去返公院醫
香港好在重有公立醫院
3個讚
香港嘅縮影：係下下講錢，但又未至於零感情
我都係因為產後BB有咩事兒科配套嘅concern
兩胎都係公立生
我估我好彩掛
兩胎都係穿咗水之後就一直駁住機到生
就算成個產期幾順利都好
去到生嘅嗰刻都可以臍帶cool頸呀，唔夠力生出得慢之類
一去到要大鑊急救先搵公立，淨係等救護車加一落一上都要時間
而BB搶救就分分鐘都係時間
不過睇到新聞都真係好心up
係追仔定唔係都好
呢件事對媽媽，以至成家人都好大影響
多元社會嘅好處就係有選擇
唔去私院私校私人遊樂場，可以去公立醫院公立學校同公園玩
1個讚
唔應該係有錢人用clubhouse先至享受到快樂
每個人要求唔同，有人要去 club house 先快樂，有人去公園都好快樂
最緊要係有 club house 有公園可以揀，各有各去
2個讚
其實你知唔知去私家做護士人工高好多？
貪錢就唔會留喺公立
2個讚
仲有d 家人，幾唔合理嘅要求都聽過，郁手打人又有。
3個讚
買咗醫療保險嘅人都可以享受到私家醫院嘅服務。
1個讚
好多人都係買左 insur先去得起私家，都係做body check 同十零廿萬左右手術多
比起早 10年，而家保費同手術費都越來越貴
愈來愈貴嘅其中一個原因，就係「保險嘅上限」，佢哋睇住佢定價，食到盡。
而家好小手術都十幾廿幾萬，重要以前買落嘅保驗可能都未必 claim得足
佢哋就係計到事主大概比10%
護士都要係大學讀5年+實習喎，就算唔係大學學位，護士學校都要讀四年，咁都唔算專業？
仲有而家邊個唔係中六升上大學讀
不過唔緊要啦，中國醫護落嚟之後，應該會好很專業㗎啦。
4個讚
唔止啦，如果十幾廿年前買落嘅insur, 要加保先得
前幾年係養和做左個小手術，幾年前又係專科醫生個診所做左小手術，個費用真係嚇親。冇預幾分鍾，連麻醉都唔使嘅小手術會咁貴
所以如果生仔但 potentially high risk, budget 又tight 嘅話，返政府啦。
私家寫refer信，政府知有問題唔會唔理，可能性價比重高呢
我第1胎時足月，亞b出世前1日嘅下午真係0胎動，同醫生護士講，立即幫縛機去check。的確心跳弱咗好多。
醫生即刻推我去催生，但個時我1度都未開。佢話唔等啦，即刻幫開刀。bb出來冇呼吸心跳，好彩有兒科醫生standby救番佢
病房經理同我傾計，佢話真係好彩我有留意胎動，佢地都唔少case真係會冇咗
。
個胎就算足月，都唔一定能夠平安出世
聽到都好sad
嘩好驚險 
嚇Q死我。。出左世冇bb喊聲，我係咁問陪產老公 「bb呢bb呢？」，佢都慌曬都唔知點答我。我喺產房休息咗陣，落番病房。老公見完兒科醫生，佢話bb救番後直接入nicu 但唔敢同我講個人仔全身插曬喉
媽媽嘅留意+醫生護士嘅立即行動同決定真係缺一不可
4個讚