我個時直頭自己買部胎心機,得閑就聽下
姑娘對二胎媽咪好唔同,assume你咩都識,數胎動呢D咁小事,有咩異郁識叫人
唔一定生唔到 b, 係擔心生出來個bb健唔健康
可能媽媽痛到都感覺唔到胎動
真係好慘
幾年前屋企人都38週bb突然無咗心跳 真係無人夠膽安慰㗎,最緊要都係陪伴同抒發情緒
個重點咪就係私家夠人手發現你有狀況
我唔係好明白,乜唔係準備生就要駁胎心機睇住bb心跳嘅咩?我以為入得院就要即刻駁胎心機。
咁應該幾時先駁胎心機?
通常入院駁一段時間Ard 30分鐘,無問題就可以唔洗駁(如果未開始密密有規律肚痛)
又或者落藥催生,或者作動,或者其他特別情況例如出血/胎動少,呢啲通常都會駁機
你喺私家生過就會知完全唔同。
私家係每樣都幫你跟到足,就算真係返公立,都係因為佢地有人手同有心去 take care。
我無晌私院生,不過晌私院做過,私院明碼實價做生意,就係咁簡單。
負擔到就去私院。
但「神化」就不必。
唔講其他,淨係對產婦嘅態度已經差好遠,岩岩生完身心皆疲,仲要俾姑娘鬧真係瞬間崩潰
唔會呀,我入到產房開6度先穿水
咁無辦法,你工作同享受服務兩回事
我到而家都仲好感激我間醫院上上下下成個團隊
由茶水姐姐(佢連我叫杯水都會check我係咪飲得水),到麻醉師,姑娘,生完後幫我湊仔上奶嘅midwives etc,仲有我個醫生
佢地真係好有心,同好多嘢都做多過平時job duties
我到而家都好感恩。
當然你話係一盆生意,咁其實好正常,但係比左錢佢有提供到服務而鼓勵私家,我又唔覺得係咩神化,只係的確可靠過公立好多。
唔係神化私院,大家講緊係私院嘅醫生同護士服務
一分錢一分貨,如果話幾百蚊同十萬八萬,甚至十幾廿萬係冇分別,咁個個幾百蚊搞掂算
我諗係講緊產後,yumiko 個女係例子,touch wood 有咩緊急嘢,私家係無儀器。所以就算負擔到(當年老公公司有得claim) 我都揀咗公立。
唔係神化私院,大家講緊係私院嘅醫生同護士服務
一分錢一分貨
認同一分錢一分貨,我2胎都私家生,開刀第2日落床已經唔太痛。朋友係公家食全餐開刀,痛左成個月傷口發炎坐月期間要經常番去洗傷口。佢第2胎都即刻轉私家。
唔係話公家就一定冇好既體驗,但真係好撞彩數,成世人通常都係生1-2個,能力負擔到既情願慳其他嘢。
touch wood 有咩緊急嘢,私家係無儀器。所以就算負擔到(當年老公公司有得claim) 我都揀咗公立。
其實私家醫生喺好多公立醫院都有connection,有咩事,佢都會即刻幫你安排入公立,時間都會快啲
嗰陣我仔私家生完,之後有事要跟進,幫我接生stand by 個私家兒科都問我會唔會想幫手安排入公立然後佢喺公立度睇,定係照喺返私家都得
我見私家都可以就揀返私家
所以起碼私家可以揀返自己信得過嘅醫生
其實私家醫生喺好多公立醫院都有connection,有咩事,佢都會即刻幫你安排入公立,時間都會快啲
始終有車程,點都唔及產房上NICU 快。呢個只係我個人選擇,in case bb 有咩事,我會心痛佢即刻要上白車轉院。揀私家、公立,個個人嘅concern 唔同。
個個人嘅concern 唔同
Agree
真係好慘…我個次生其實都係咁岩轉另一個醫生睇多次我file先話要快d生,到生個時好彩有個助產士發現部機有問題先救返我一命,成件事其實好兒戲
如果冇分別私院執哂啦