政府醫院生仔係搵命搏，冇事係好彩咋，所以我幾時都建議有能力去私家
4個讚
係政府醫院生仔叫好過係荒山野嶺山窿生仔嘅
基本上去到政府醫院，除非你自費開刀，否則99.9%都要你順產，加上你要真係生得先推你入房，因為政府醫院每一樣嘢都係用政府錢，所以佢地盡可能都會壓住駛費，政府年年減醫療開支，邊有咁好服務呀，一個護士睇十幾廿人
只係得一入院果晚係駁住部機,我又係未到預產期見紅住左3日醫院,D醫生姑娘真係唔會理呢D等生既CASE,我係等到第3日話產房有位就推左我去催生,但其實我等生期間一直流緊好多血(唔痛既,好似M到咁)
1個讚
我有個朋友第一胎, 可能佢有好足夠運動, 佢去到醫院話
生得, 啲人都唔信後尾一檢查即刻推佢入產房就生左個囡出黎.
明白父母心情, 好痛真心好痛… 我只可以講一切皆是命… 係香港醫護嚴重缺乏下…唉…
咁真係要睇彩數，我兩個都係早產兩星期，穿水入院就催生，所以一直都係產房mon住，好多人入嚟檢查咁，所以都諗唔到公院都唔差。不過負擔到真係私家好好多，尤其而家雖然無雙非，但都仲有好多腥港人/南亞果d係咁生，仲要好多醫護都走哂。
雖然我生2胎都係喺私家生, 但我產檢喺政府同私家兩邊做. 陀第一胎時比較緊張, 28-9週時有大半日feel 唔到胎動, 走去政府醫院問, 佢地好緊張, 即刻叫我留院, 有駁機monitor 住 BB 心跳. 最後係虛驚一場, 但感覺政府醫院又唔算理得你死嗰隻…
我係公立醫院生，感覺產房姑娘／助產士先係最重要，佢哋嘅經驗決定BB嘅命運
生仔全程無乜見過醫生
夜晚病房少人手，呢個時候如果出事真係未必發現到
願BB安息，爸爸媽媽節哀順變～
2個讚
見紅又未到預產期係唔會理你住，要穿水先會催生
我係呢間醫院生過，當時有搏機睇bb心跳，姑娘都好熱心
點解會咁架，真係好慘，一生嘅痛苦，希望佢哋一家人慢慢走返出陰影
乜一定要穿水先有人理，因為我都試過係姑娘幫我穿水，佢地有定時幫我檢查宮頸話我已經8度生得即落產房，等左陣都未穿，有個姑娘話幫我
不過公院生真係通常都驚煩到姑娘，有啲姑娘好躁
我都係呢間醫院生過, 產房入面都無乜人理, 人手短缺, 開晒十度都要等 
幫你穿水係因為已經穿左少少流左少少羊水，但又未大穿，係佢地指引就要24小時內催生，所以幫你穿水，姑娘都係按指引，見紅未生得有d叫你返屋企等下先
係架。未生得又話未生得，生得又話冇人叫你忍住先
我晌伊利沙伯生，當時係醫生開紙叫我催生，可能我生嗰年無雙非呢個問題。姑娘好照顧我，姐姐都幾好，至少我無比任何醫護人員鬧過我。
我個人覺得孕婦無事無幹+負擔得起，咪去私家醫院生。
不過我又覺得無需要將私家醫院諗得咁美好，佢都係做生意嘅；基本上佢check到你有咩狀況，都係掟番你去公立。
同埋我記得上星期先有單新聞話法國醫院誤診一個裝修工人，搞到佢死咗。
7個讚
我都識人係咁，個分別係佢見個bb冇乜胎動，覺得怪怪地，食完野執好個袋去醫院，bb已經冇左心跳
事後睇返當然可以話早d去醫院就冇事blablabla。生小朋友就係咁，真係出左世先敢放鬆
5個讚
有時命呢啲嘢真係無得解釋。當然呢單，啲醫護係應該駁住部機監察BB狀況嘅。
我記得以前有個同事講，佢表妹懷孕其間又煙又酒又唔戒口，呢啲人竟然生到個B出嚟。另一啲人小心翼翼，反而無咗。
所以有時啲嘢真係唔公平。
6個讚
我都試過陀到37+又加上感冒，成日唔覺佢郁，收工去醫院，好彩只係日頭訓左夜晚生猛返
記胎動好重要，尤其去到後期
3個讚
我3x週去公立產檢，醫生問我有冇咩特別，其實冇乜特別，我夾硬諗d野講話好似胎動少左掛？跟住俾醫生的左上產前房聽胎心機
好似聽左45分鐘先放我走
其實照睇篇報道嘅敍述，又真係低風險無乜需要半夜駁胎心機
不過媽媽話佢全晚持續有陣痛，感覺上有啲奇怪，可能果啲唔係陣痛而係其他問題引致嘅肚痛，eg胎盤剝離，如果佢有出聲話有陣痛/胎動減少，第三胎嘅媽媽通常醫護都會特別留心因為真係可以好快就生得出。
呢件事我覺得醫護有必要密啲去問安，教產婦數胎動，同分辦有規律陣痛
1個讚