是的， bb都註定要搵你，就接受佢。.
1個讚
其實呢，應該仲有第三個option
就係生出來俾人領養
我生BB時，隔離床果位媽媽就係BB一出世，有社工俾D文件佢簽。。。不過詳情你要自己問吓社工了解一下
既然你唔想做佢媽媽，希望其他人會想
我諗樓主都係上網揾唔識嘅人呻兩句
佢只係講接受唔到
驚自己做唔到好似錫阿大咁錫細b
呻下自己嘅憂慮
如果佢不負責任嘅就唔會有呢啲唔開心
佢冇話唔要bb
5個讚
係呀、我細個一路同等個仔訓一路滴睇淚
佢訓咗仲要死出廳繼續做公司野
你真係善良，係人都睇得出佢直頭想XXXX，如果唔係佢有左，我X左佢好耐。
就算佢有咩決定都係佢自己嘅事
比一個意外出現嘅生命改變人生同呢世承擔落過仔嘅陰影當事人都要自己面對
意外懷孕、仲要係同自己老公、真係有需要咁去指責咩？
5個讚
我睇唔出喎….係人都會係呻個時講到好負面架啦
我陀細女時直頭覺得佢係第三者阻住我同大仔架
而家？我真係兩個都咁愛
1個讚
同路人, 我都係意外有第2胎, 仲令我本身想走的plan 推遲唔知幾多年… 疫情下要用mask 去產房真係好恐懼, 唔知點陣痛呼吸唔到, 一步一步行下去, 最後開刀, 唔駛陣痛,因為腳先露,
其實自己骨肉真係唔可能唔要,第一胎仲要好難有,
放下豉油, 生佢出黎, 見佢而家都好可愛,醒過大果個,
仲以為我只愛大果個, 細果個我都係咁愛, 見到個bb 就唔會絕望
食d lemon , 飲soda water 止嘔 辛苦日子好快就過, 我冇工人, 又要番工都過到, 你都可以. 俾心機
4個讚
這通常過一段時間就無事，
現在你最需要係放鬆心情，
多啲回憶開心嘅事、美好嘅回憶。
1個讚
明白呀
身心都負荷唔到第二胎
就算話想唔要個b都情有可原
不過一切難關都係暫時性
好多問題都可以解決 例如作嘔食唔落嘢可能睇吓中醫調理下身體
等身體回復得好啲嘅時候 心理又會好啲
曬下太陽
要喊就喊出嚟 唔使忍
一切難關都會過去
到bb出嚟 搵陪月幫手湊
無財政壓力嘅話就請陪月湊耐少少
到一切上咗軌道先開始慢慢接手湊大仔同bb
作為仔女 都想要個開開心心身體健康嘅媽媽
為咗大仔同bb要先好好照顧自己
然之後先係照顧佢哋
我反而擔心大仔太生性，如果小b一有咩唔好唔乖唔著，樓主就會比較大仔乖幾多幾多，繼而唔鍾意小b
我本身同兄弟姊妹關係好，自己有2個女，好開心見到2個女一齊成長，望住佢地就諗起我童年的成長
而家係幾多世紀呀？
女性身體自主，唔好咁多情緒勒索啦
係，如果套都唔戴下下有咗就落，係不負責任
但亦有好多情況真係意外
咁考慮過認為唔適合唔要有乜問題？
要定唔要，開心唔開心，女人都要自己受返
冇咩話應唔應該，可唔可能
2個讚
我都覺得係咁，其實佢都係唔開心想呻下
我諗佢搵朋友講都係聽返個一堆，真係好難搵到人講
我個時唔開心左勁耐到中後期先真正釋懷，我都有同老公講真係好驚大肚，接受唔到自己呢個時間大肚，我生個時係疫情嚴重個時，我真係好驚自己一個去生仔，佢冇出聲，不過好似都感受到我嘅壓力，佢之後睇得出好落力去照顧我哋，我都有同肚入面嘅細b道歉有咁嘅想法，我心底係愛佢，因為去產檢見到佢好活躍跳哂舞咁我就好開心暫時唔記得啲唔舒服
樓主唔享受bb期，上面有人講得好岩，第二胎令我真正享受做媽媽，發現其實比第一次個時得心應手左，所以唔駛太驚太擔心住，我都冇好懷念bb期成日想佢快啲大，不過到真正去返個一刻都會諗起之前同大b好多嘅時光，更開心大b原來已經咁叻，佢哋兩個又幾咁不同，總之兩個都好愛好愛，我唔擔心你唔愛佢哋，你未想像到姐，我最初都想像唔到
見你話會考慮請陪月，我都好想講可以嘅真係要請，經濟ok就請夠三個月，好嘅陪月而你唔太想自己咁快一打二真係非常值得
好多謝各位回覆，我一一都有睇
其實現實中我冇咩朋友，身邊嘅朋友都係好鍾意BB，個個都係好恭喜我，唔明白點解我唔開心，所以我冇得講落去…甚至有朋友求子求咗11年都未中獎，我更加唔好意思喺佢面前講唔開心
所以我選擇上黎坦白我嘅感受
老公好想要個BB，會係經濟上100% support，所以決定左，如果個BB冇自然流產，會要埋佢
16個讚
呢種心情我好明白，
我第二胎都係咁。
我仲有記得我啱啱有第二胎嘅時候，大女嗰時兩歲，我當刻係好唔開心，好多嘢擔心，擔心係冇人幫手湊，我老公成日要出trip，我娘家幫唔到手，同99關係一般，淨係可以靠工人幫手，但係嗰時又請唔到好工人，陀住佢嗰時請幾個工人都係有問題的，嫌辛苦駁炒，幾極品嘅工人都見過，佢哋好揀工，好多都唔肯做有兩個小朋友或以上嘅家庭，知有FTM又唔肯做，最後係換工人換到被領事館blacklist左我
呢十年日子，病都唔敢去睇醫生，唔放心將小朋友交俾工人湊，呢十年入面有幾年係冇工人自己頂硬上，個幾年係勞累到耳仔長期有耳鳴，因為要留喺屋企，冇出去社交，朋友亦越來越少，捱到而家兩個小朋友大個咗，失去嘅就係自己可以建立經濟能力嘅機會，得到嘅就係兩個小朋友對我無條件嘅愛，而家甚至覺得自己比佢哋寵壞了，我老公亦因為見到我嘅付出而對我愛錫咗好多，所以，如果比我再揀，我都會生第二個
2個讚
乜呢度都咁多道德魔人
3個讚
其實大家都係女人，呢個心情好明白，雖然我同你調返轉係第二胎係surprise係好開心，但我都好明白你感受
尤其是大肚嘅荷爾蒙影響，一定會諗得好多，你都係因為負責任先至會擔心
我覺得你可以做嘅，係多啲同你老公傾，同埋一定要令佢明白到你真正心入邊嘅感受，有佢嘅支持同體諒係真係會好唔同，比起我哋路人嘅鼓勵說話爭好遠。
加油，可能10年之後，你大仔會好開心咁攬住你話多謝媽媽送咗個細佬妹俾佢，到時你就會覺得咩都值得
2個讚