大仔完全在計劃內，我好錫我個仔，但唔鍾意湊BB，佢愈大，我愈愛佢，反而唔明人地講trouble 2 terrible 3，根本愈大愈可愛
我只係唔鍾意BB時期
我明你諗乜
我錫個仔、享受同佢成長
但我完全唔懷念陀B同BB時期
但享受呢刻一家三口生活
同你一樣，bb時期人地啲媽媽會肯公司睇cam睇相，放工又趕返去，但我一啲都唔想。我只覺得壓力好大。但同你一樣，我係好愛自己小朋友嘅，只係壓力大到我抖唔到氣，又要擔心呢樣個樣，發展正唔正常 etc
我細B都係意外，個時覺得細B阻住我同大B嘅愉快時光咁。但大大下，我好感恩細B嘅出現，佢比起大B更識為人設想，又自動自覺，係我鬧大仔時識得拉我入房開解我。
有時緣份嘅野就係咁，順其自然，見步行步吧
1個讚
係，好鍾意一家三口既感覺，每次都覺得好開心
大仔好有同情心，而且好生性
但一有左2胎，日嘔夜嘔，我情緒真係失左控，仔仔成日入房睇下我，摸摸我臉、掃掃背脊，我更加覺得對佢唔住
晚餐老公煮，佢煮飯都幾難食，一向好奄尖既仔仔口講媽媽煮好食D，但都會食哂爸爸既飯，我好難受，咁細個人仔點解要忍咁多野
好多謝你地安慰我
我真係咬緊牙關先過到BB階段，有好幾次差d崩潰，好驚湊BB
大仔係我眼中已經超級無敵生性，細B唔搞搞震已經執到
好難兩個都乖
1個讚
能力許可就請陪月、半日都好
感謝，會積極考慮
我無小朋友，比唔到育兒心得你
不過我屋企計埋我係三個兄弟姊妹，爸爸媽媽其實無乜點理我哋，亦唔係好錫我，又重男輕女，當我搖錢樹。但我好感激佢比咗兄弟姊妹我，有佢哋我覺得人生豐富好多，有事都有商有量。所以即使我家庭唔算和睦我哋幾個關係都幾好
你咁錫大B, 你而家係比一個一世嘅朋友佢，真的，唔係氹你
8個讚
我女bb時都係極難湊，每晚訓覺都係精神緊張，唔想面對，因為湊佢訓覺係惡夢，但隨住佢大個，又覺得bb時嘅問題都係好小事
其實唔好咁諗，我d兄弟姊妹帶俾我一家好多麻煩，我老公嘅兄弟都係類似情況，唔好expect咁多，但求好好照顧小朋友盡咗父母責任就ok
3個讚
仔女都一樣有機會搞到你雞毛鴨血，凡事無絕對㗎。
以家樓主唔想有都有左，講下美好將來你就唔好搞亂檔啦，你係咪想佢落左佢？
11個讚
我只係唔認同樓上話生咗一個一世嘅朋友俾佢，我同身邊人嘅經歷係兄弟姊妹未必係朋友，咁都有人係例外嘅，生小朋友唔需要期望d乜，有咗就盡最大能力湊就夠
5個讚
我明你唔認同，但唔好係呢個Po講。
4個讚
咁我都係回應樓上，唔係無端端自己提出。同埋樓主係成年人又已經係媽媽，製造咗生命出嚟就唔好輕易放棄
接受唔到個人會癲，所以一定要諗辦法去接受， 既然係個天賜你就安然接受
呢個真，
細個多左個廿四小時玩伴，
大個父母有事，另一半只會支持而唔會落決定。
兄弟姊妹反而真係有商有量。
另外，樓主教到大仔好生性，相信細b就算冇大個個咁好都唔會差太遠。
一嚟父母識教，二嚟睇阿哥頭。
3個讚
真呀，有時感情好嘅兄弟姊妹，會比另一半更加親。
好現實，老公老婆呢d隨時都可以換。
既然都有左，就珍惜啦，怨氣太重傷身又傷心。其實個BB係無辜㗎，佢都唔想破壞你心情同家庭，但佢真係無得揀，因為佢媽媽始終仲有懷孕嘅可能，佢先無可奈何咁出現，你體諒下佢好嗎？
你要落阻唔到，因為𠄘受結果嗰個係你，但生左岀來忽略佢、唔錫佢、虐待佢當佢仇人佢仲慘，直頭係人間煉獄。如果生，可以考慮開刀順便結紮，如果要再有效d，叫老公都結埋紥，儘量唔好再有第三胎啦，大人細路都承受唔到。
10個讚
身體唔舒服，加上荷爾蒙影響
不免影響心情
先照顧好身體先
事情會轉好的
加油
1個讚
有BB係好事，唔好成日喊，BB接收曬負能量都唔好