已經做好避孕，咁都中，完全唔係計劃內
初孕反應好強，又照顧唔到大仔，我好絕望
日日食唔到野，聞到食物味嘔，諗起食物嘔，唔食野又嘔，訓極都頭痛
我日日喊，好無助，冇屋企人係身邊，老公返工又忙，工人又幫唔到太多
仔仔就黎返學，我滿心期待點同佢一齊面對返學，而家乜都冇
旅行要cancel，所有plan都要改
我接受唔到，想死
3個讚
冷靜啲
我都明白突如其來嘅改變係好難接受 
工人一定幫到手嘅
至少可以幫你湊小朋友、應付日常野！
至於去旅行幾多月出發呀
睇你到時幾多個月，陀得穩定應該都可以照去？
1個讚
我陀第一胎都好辛苦，而家仲辛苦過第一胎
我同你好似呀
又接受唔到唔要細b
大b又細，又痴身，因為太細日日尖叫大喊
陀住個時日日都好痛苦
不過我而家好開心有細b，感恩自己捱過左，當時我都有問大b鍾唔鍾意細佬妹，佢話鍾意，會接受佢，雖然佢未必想到，有弟妹係咁，我就下決心要好好教導佢地
唔係嚇你，細b岩岩出世個時仲崩潰，因為大家都唔適應有個細bb，特別係大b，已經盡量幫佢做心理建設，但係都會有痛苦嘅時候，我自己有兩邊不是人嘅感覺，不過最後我覺得係個好重要嘅回憶同經歷，最開心係大b成長得好快，遠超想像
你一定好難受，要同老公講，就算佢唔識安慰都要同佢講下，叫佢唔駛安慰唔好出聲，淨係聽你講，難受我都會會照喊，唔知細b係咪都感受到慢慢我都有穩定期，不過最後階段都係好金
你嘅難受我好明白，唔係人人想像到個種崩潰，破壞左原本計劃，擔心大b又為自己嘅處境唔開心，最緊要你要照顧好自己，有危就有機，希望你捱過後會同我一樣，感恩同開心自己所擁有
14個讚
我都覺得陀二胎辛苦好多
至少第一胎可以請假訓覺，第二胎根本冇得咁
1個讚
我真係好錫大B，真係好錫好錫佢，而家我冇得同佢出街，我已經好難受，仲要一入廚房就作嘔，煮唔到飯俾佢食
我諗過唔要細B，但又做唔到傷害小生命，大B又成日主動錫錫個肚，又攬攬個肚
真係好難受
我老公唔識做d乜，淨係識抱住我喊
我想像到細B出世時既情況，每次諗起就會停唔到喊，好絕望
2個讚
完全明呢種感受
早三個月遲咗成個禮拜 M 我就係咁唸
我女又係差唔多大就返學
我好愛呢個女，唔想再生又返轉頭
叫老公切咗去又話怕痛
我話痛得過生仔
佢真係好sweet呀
我個時冇乜同個肚傾偈，都係靠大b
而家佢哋會攬頭攬頸，細b好多時淨係拖住大b行，唔拖我
我都好錫大寶，我想像唔到有個細要分啲愛出去，覺得對唔住大寶，最後其實唔係我所想咁差
睇到佢哋嘅互動好有愛，我就好開心，睇到佢哋打鬧，我都好不知所措，都諗起自己細個時同兄弟姊妹打交鬧交，呢啲對我嚟講係珍貴回憶，因為我長大後好開心佢哋陪伴我成長，希望慢慢感化佢哋
我係諗現階段只要佢哋唔好討厭大家就好，暫時都ok
去街我個時都會照去，最多唔去咁耐同咁遠，適時休息下，我仲抱大b抱到9個月都仲抱緊，我覺得唔可以因為有二胎就唔抱佢，人人都叫我唔好抱又話我大b，我覺得咁樣唔係佢問題，我唔舒服會自己休息都唔可以唔抱
個時真係日日都喊咁滯，不過一諗到佢哋都好需要我，我要睇佢哋長大，成為佢哋嘅後盾，老公同大b都接受左我大肚呢個事實，我就開始慢慢對大肚呢件事咁崩潰
雖然日日都又攰又辛苦，我次次一諗到自己要入院生仔我就喊，因為未試過離開大b咁耐，我幾乎日日都諗咩方案俾老公同大b，一來擔心，二來係想自己好過啲，做左好多準備工夫，我冇工人都冇長老，最後都行過來
我老公都唔識安慰，佢會抱住你已經好好，不過我同佢講希望即使我坐月都唔好影響到大b嘅生活，佢同大b本身唔fd，佢最初唔肯跟我老公而家好fd喇，我老公係好開心，佢付出好大努力，我都替佢哋開心
原本我係諗住移民，而家仍然未實行到，或者唔會實行到，旅行我都好想去，我都暫時冇辦法去到，不過唔放棄我深信將來會有機會，我而家係珍惜眼前嘅心態，船到橋頭自然直
3個讚
我真係好多謝你咁用心覆我
澄清下，有工人係因為我身體比較弱，會突然暈低，但又冇屋企人幫手，所以老公先會請個工人睇住我同大B，但工人姐姐都唔係好幫到手，大B同老公所有野都係我跟，一日三餐都係我煮，佢連買餸都好慢，寧願自己買，佢只係做家頭細務
我又怕再請個工人會仲衰，呢個起碼唔偷野
而家我一倒下，屋企已經七國咁亂
我連出街都出唔到，唔係唔想出
我身體係一個好大既問題，我真係應付唔到再多一個
因為太似，好似我地呢啲情況要同朋友講都唔易，因為佢哋唔會明，所以好想鼓勵下你，唔好諗到咁壞
希望你唔好誤會，我都準備要請工人架喇，有人幫好過冇，老公都幫唔到幾多始終要返工，你係好媽媽所以咁上心同唔開心，有時盡左力就好，唔駛同自己之前狀態好嘅時候去比較，我而家都學識調節自己，呢樣係有二胎後慢慢學識，小朋友未訓家務做最緊急，我都好鍾意整齊同乾淨，而家都係放緩有時間再做細微，做好基本衛生冇即時危險就算，唔舒服一定抖左再做
我都覺得工人唔醒慢都ok，最重要錫小朋友同手腳乾淨
去街就真係要睇返身體狀況，你慢慢走出崩潰心情再迎接挑戰，有好多開心時刻等住你
先恭喜你，不過都明白意外帶黎既震撼
你好愛大B,但可能你都好愛細b呢？
身體唔舒服唔需要內疚喎！
正常人都會病架，大B唔會因為媽媽一時唔舒服就怪你架
點解想像到細B出世會喊？你回想大B出世時候你係咩心情？興奮、震驚、不可思議！
到細B出世，你都係一樣咁既心情架
我認為你可以搵一啲機構傾下，可能你已經有產前抑鬱了！唔洗怕，去認清自己心情啊
1個讚
完全明，我都有落左佢嘅念頭，好驚分薄左對個大嘅照顧，覺得好難投入去錫個細嘅，但細b一出世就完全唔記得，可能係第二胎好多野好易上手，一出世就好錫，比起第一胎更快投入做媽咪
係你喊定你老公喊
如果係佢喊，佢真係要學下咁大個男人要堅強d啦
成家睇佢頭
其實我好憎湊BB，完全唔覺得佢地可愛，連自己生都係咁話！我出院先正式見個仔，之前見都唔想見，覺得BB好煩，係到仔仔大左少少，可以明白到我意思，有溝通意識，我先覺得生活好過少少
我係好錫個仔，但真係冇懷念過懷孕同BB時期
1個讚
好多謝你
日嘔夜嘔既日子，一日都好難受，仲要愈來愈多挑戰
我見到朋友生兩個，已經冇左條命咁，猛叫我唔好生多個，估唔到我都係咁
一下變大就好，BB時期好難搞，好纏身
佢真係做到一家之主就好，佢只係經濟主要收入來源，其他野成日冇主見
BB大得好快，好快你會掛住佢地BB個時
我到而家都冇掛住大仔既BB時期
咁生黎做乜？
又係意外嗎？
1個讚