我都想知開個Post做咩
1個讚
你都幾仆街，自己唔想離婚，驚過苦日子，個仔俾人咁打法都可以唔理，你生得佢出就有責任保護佢，你唔想離婚就唔該送佢去孤兒院，無父無母都好過日日俾人虐打。
不過你唔會聽㗎喇，你等有日俾人報警拉你哋啦。
19個讚
咁佢打仔果陣你都麻煩下佢囉～
唔食飯，打。
唔瞓覺，打。
唔沖涼，打。
坐唔定，打。
成績唔好，打。
唔聽話，打。
如果打係解決問題嘅真理，咁點解你唔打佢?
你無睇過用恆河猴做的鐵娘子實驗?
可以直接跳到3：45。
2個讚
虐兒。
爸爸打仔，媽媽龜縮。
生左小朋友係要保護佢，要錫佢。
先比話冇人湊，返唔到工嘅解決辦法。你可以比個2歲嘅返pn，或是9月已經可以讀k1？你可以揀長全日嘅學校，好少假期，就算有假期，都可以搵保母湊，唔一定搵私人嘅（相對比較貴），可以搵社區保母（平好多，低收入再有津貼，甚至可以免費湊），就算而家未有學返都可以搵社區保母湊，咁你可以返ft，我相信如果係為小朋友好，媽媽點捱都願意。
但睇哂d po，我唔覺得你想改變。
做你地2個嘅小朋友真係好慘。
唔該你醒下啦，你十月懷胎，十級痛生個仔（就算開刀生，個傷者都痛啦），係預比人打架咩？唔該你好好保護佢，唔好再比任何人打佢，亦做返個媽媽應該做嘅野。
11個讚
我寧願單親家庭長大，都唔要有童年陰影比人打！ 我亦會話比小朋友知，唔係因為佢嘅存在而離婚，而係因為你有個好恐怖嘅爸爸
5個讚
絕對可以
根據中醫講，跪係到係對骨骼發展唔好
不過我細個都成日跪係到食飯，父母冇打鬧過我，淨係問會唔會腳痺。以前冇咁多小童凳同兒童家具
一係你買張bb凳比你個仔。你都冇理由比老公成日用呢個理由打仔，淨係識講冇錢冇用
你唔想自己報警拉老公，怕佢唔養你，一係你拍低證據，比個電話地址其他人幫你報警
女人價值唔係淨係生仔冇尊嚴咁等人施捨，咁同乞兒冇分別，重要賣身同傷害下一代。
4個讚
你係意外懷孕定冇經佢同意下生仔？樓主好後生？
2個讚
個男人似控制狂
控制個仔要跟佢做法
控制老婆要跟佢教法
唔入耳溝通唔到
大佬人嚟㗎有獨立思想
越大只會越“唔聽教”
注定打到佢大相對無言
憎埋個“冇用”嘅媽
唔好唸住冇份打唔關事
維持現狀你絕對係幫兇
一隻手掌拍唔響
睇完好火滾
唔係因為個男人打仔
而係個仔有個咁嘅老母
明知有問題而唔做嘢先係最大問題
去庇護所暫住，搵工，安排後路
係會好徬徨
如果一個人真係湊唔掂，俾社署安排個仔暫時寄養去一個正常家庭度
都好過俾親人不停打啦下話？
人總係要到真係奶咗嘢先識後悔㗎
10個讚
唔好回應，兩公婆有問題
加上復活節假期當小說
1個讚
兩公婆都冇珍惜過個仔，比想要同有愛嘅人領養啦。
第一個小朋係會咁教，事事都以大人角度都預測後果先，再話佢知唔可以咁做。
但其實佢哋唔失敗左係唔會學習，下次最多舖塊軟墊喺枱/櫈附近，我就由你跪喺到食，如果唔跌就你贏，如果跌就證明爸爸講嘢係岩。當然就跌時父母反應都會扶住佢。
又或者出去食飯有意無意咁話俾仔知，你睇街上無人跪喺到食。
其他事都係，係你哋監察既安全範圍下，我俾你試，衰左就好過我講100次。
1個讚
遲早俾其他人發現,佢2公婆一齊俾人告虐兒 
報左警就有社工跟進，排蹤援公屋。。。。
你記5記得臨臨事件，就算5係出手果個，外母都被人告
5係冇出手，就冇責任
4個讚
諗多咗嘅我，覺得個標題已經透露咗玄機：
老公打我個仔
係咪個仔唔係樓主老公親生？
如果係我諗埋一邊，呢度向樓主講唔好意思。 同時請樓主改改標題，以免誤會。
8個讚
唔想自己身心受苦真係要下定決心
係wo, 你好似突破盲腸。否則理解唔到點解親生仔，得2歲幾都落到手打佢。
5個讚
絕對唔係囉
講到未生已想離婚，最後又生？唔通你老公強姦你，一隻手掌拍唔響呀
無能力帶住個仔住劏房，無娘家倚靠，無啦啦又講老公供樓，明曬啦，即係有瓦遮頭就乜都得，反正又唔係你忍，推個仔出嚟做沙包咋嗎
唔該你第日老公又發瘟時擋喺個仔前面，個仔無得揀唔好彩投錯胎喺你度出世，咁接受到家暴唔該你自己做返你老公私人出氣袋
舊時啲人無乜讀過書就話唔識教，你兩公婆樓都識買唔知咩叫家暴同虐兒嗎？
16個讚