呢啲情況對小朋友黎講好confuse！
媽媽話比，但係點解跟住做又會比爸爸打？
Why?咁我聽邊個指令？一時一樣既？！
你要衡量下你叫小朋友做野既時候，你老公會唔會唔鍾意！係既唔該你唔好教小朋友做！
你必須要諗！如果唔係就會「累」你個仔比人打！唔係話打人岩，但係你未諗到解決方法前就要咁做！
問下自己，咩行為你老公唔鍾意，做啲咩會比人打！
7個讚
樓主回覆唔係想無左老公，試下以下方法
1.你一見到/預視到勢色唔對就叫住老公話你唔使教，等我教，之後抱仔入房/出廳(總之得你同仔的一個空間)，先慢慢講俾仔聽。
2.日常平心靜氣同佢講你打左咁多次都無作用，即使你打死佢都唔會聽話，咁就要轉用軟功，叫佢慳返啖氣，睇唔過眼就行入房/落樓買下野飲。
-
同佢講個仔大左，返學會講俾老師知，到時會報警，一定唔可以打。
-
幫仔報n班，兩歲入學，其一小朋友返學後乖d，其二希望佢怕老師見到就唔打，其三就可以話佢知老師話要點樣教小朋友先聽。
-
其實佢係火遮眼，以快的方式stop仔仔行為，但stop得快，重覆做更快，仔仔都唔知自己錯乜，亦要了解仔仔會唔會係copy緊大人行為，如果係就大人都要改。以上都係等佢心平氣和時潛移默化同佢講。
另外，你老公會唔會有產後抑鬱，經濟壓力大令佢發洩喺小朋友到。關心下佢做爸爸後的狀況，最後如果乜都做左一段時間又無效果，我會認真地同佢吵一次，要佢明白打俾無用，小朋友唔知自己錯乜，大家又傷感情。
16個讚
不如你同你老公講，由你教啦？
當佢想鬧／打仔時，推佢入房
我老公幾歲人仔開始時，已經被佢父母經常無理虐打，發洩情緒用。打到越來越奀皮，後來仲專登做d嘢激父母。
直到有次大概6年班，佢媽郁手想打，佢一手捉住媽隻手啤住佢，佢媽先識驚，以後唔敢再打
佢好憎父母，記到今日。係出來做嘢後會好少少，有番少少少少傾講，但都係答單字或hea答
小朋友係會記得㗎
9個讚
其實你個仔得二歲半，咁樣反抗已經係好有問題，分分鐘大過左真係拎刀斬你地，就算無咁嚴重。你預左大少少佢有能力反抗，你會無左個仔
10個讚
其實你繼續享受你所謂安穩既生活，唔同你老公拆掂佢，佢嚟緊會越打越勁，個仔又越嚟越麻木，不過唔緊要，反正有命到返學到時一定大大鑊！因為琳琳單case,而家既學校無論咩崗位對於體罰都好緊張，一有咩唔妥會上報由學校同社工直接報警，你不如諗清楚到底你想個仔繼續係恐懼中生活然後有日個老豆比人拉，定有個正常生活啦！
5個讚
男家都係同意打仔果套，我同娘家幾年無聯絡了。
走又好似無可能，最多佢每次打我每次阻止，如果大個真係愈打愈勁我應該會走，小朋友太細好難走。有時我都驚佢打傷
，不過嘈完都無用，我老公永遠不會同人有共識，永遠自己想點就點。
其實有小朋友後成日都想離婚，佢未打仔果時已經成日想離，不過無人無物可以點。請工人自己返full time係併可能，因為間屋我無權話事，佢唔想請工人。
頭先有個post話:老公對自己差但對小朋友好都想離婚(離婚會一人分一個小朋友),睇完好無奈。我剛剛相反，老公對我ok但對個仔差。佢供樓，屋企所以資出佢俾，俾我既錢我估係佢扣除資出既一半。不過對個仔唔好搞到我成日想走 其實呢個post都係呻下，可以做既我都做晒，都係見步行步
您個仔都幾慘，唔單止因為有個暴力老豆，仲因為您係佢啊媽
19個讚
我講過由我教，但都無用，我老公覺得呀仔曳會麻煩到佢。我只可以佢想打果時阻止。呢個人同佢講乜都無用，佢永遠唔會讓步
所以好多家庭慘劇都係因為有人姑息而發生。
13個讚
事實上唔係小朋友錯，只要你話佢知事實，佢就唔會覺得係自己錯
佢話鍾意爸爸係因為佢仲好細對父母會依戀，亦係信任，但呢啲事情日積月累，對佢心理同認知都好有影響，仲有佢地嘅關係，只能講你地而家係培養緊一個小朋友，白紙一張，你畫乜佢就有乜
你可能都對前景好無助，但希望你諗清楚自己可以做乜去改變小朋友嘅處境，因為你老公好似都唔太接受你嘅講法
希望你搵一個可靠嘅人幫你手勸佢，小朋友都好快可以返學，你認真考慮下自己做返野可唔可行
你講個個po係我開，其實同你一樣希望離婚係最終手段，冇人backup，我明白你會覺得自己ftm冇能力，如果因為ftm所以冇經濟能力就改變佢啦
錢對女人黎講先係最可靠嘅後盾，離唔離婚都要有返經濟能力
12個讚
你個仔都俾你老公教到有暴力傾向啦
其實見到老公打仔，即刻抱開個仔有幾難？係咪要你老公打埋你一份先肯有反應
5個讚
講難聽d，我終於明白點解會有咁多家庭慘案發生，原來有啲阿媽未燒到自己身上，係可以大事化小，自欺欺人
我個仔又係接近2歲半，前日我老公唔小心拎咗把生果刀出廳，同時幫呀仔執玩具，佢把刀係呀仔魂精擦身而過2秒，只係2秒，我起勢鬧老公，嬲左佢半日
我知佢唔小心，忙中有錯，佢更加係絕頂好爸爸，一放工就湊仔，一放假就車呀仔周圍玩。但又點？佢差d傷害到呀仔，一個唔小心就會鑄成大錯！一定要強烈警告！
母親既天性就係不顧所有，保護孩子
我都係ftm，但大半年前開始，已經出去返part time，一黎經濟可以有返自主，二黎眼界唔會困係屋企，講嘢都有power啲。
問題係解決，唔係故步自封！
送個仔去n班，趁呀仔返學嘅時間搵part-time！用part-time嘅錢供呀仔上N班，理得個老公講乜，又唔係佢俾錢！
呀仔一上k，一定要繼續返工
4個讚
咁即係closed file, 你純粹想呻下
3個讚
你老公本身係咪狂燥人啊？
亞仔曳會麻煩到佢。。咁小朋友百厭就實會㗎啦
個仔咁細個，佢已經唔識收手，只會越打越勁㗎咋
1個讚
啱啱攤完牌 佢話跪响度食飯會跌親，唔打佢又唔聽，到時跌親仲傷
佢唔係躁狂，係用緊上一輩果套教
佢死都唔肯應承我唔打仔，無架啦，見步行步囉
你個仔好慘，其實你老公都唔見得對你好，佢都唔聽你講嘢，你揾社工啦。。。
2個讚
孤兒院會唔會安全啲？你有收入獨立到先去接返個仔
見過好多虐兒片好恐怖
一係有冇餐廳可以比人揹住個仔去洗碗？
我老公細個都成日比佢老豆打，但佢完全唔會打我地啲細路。
我試過打我女手板，我老公嬲爆我
2個讚
真心唔明點解要個2歲小朋友跪係到食飯，買咗加高椅或者餐椅連餐桌板都好平啫，你根本冇諗辦法幫小朋友…
另外，你老公咁打俾小朋友你都唔出手阻止？即係你都認同可以打小朋友，其實打係唔會改善任何壞習慣，你可以罰佢企罰佢唔食飯，要俾小朋友知道後果，唔係麻木地打完又打，你一句阻止唔到你老公就close file，咁不如你唔好開呢個post 啦⋯⋯
9個讚
其實樓主想點？話離婚唔容易我都明，其他人講咗咁多個方法都一句‘無㗎啦，見步行步‘，咁開post 做乜？
就算你唔理個仔身心健康，虐兒犯法㗎喎，係咪到有人發現報警，拉咗你老公，頭家散咗都’無㗎啦，見步行步‘？
3個讚
唔想離婚，明，
但點都要諗辦法阻止老公打落去掛，
同老公講完佢唔聽，所以見步行步、大個啲仲打先算？點解語調輕鬆到咁不可思議
7個讚