呀仔而加2歲半，1歲多啲開始老公就成日少少事打佢，係好大力果隻，有時又用藤條，而我完全唔認同咁樣教。
我覺得如果係打，只有做危險野可以打。其他野最多細細力用手打當警告。但我老公打完都唔會話返俾個仔知點解打佢，有時少少事(例如拍電器，唔專心食飯)，連我都唔知點解個仔俾人打。有時又搣佢塊面當做懲罰。我完全唔同意可以攻擊小朋友塊面。同佢講左好多次佢都唔聽。佢話我唔教好個仔係我問題。
個仔兩歲幾，佢要求教到好似6歲小朋友咁定先叫做教好，根本無可能。其實我覺得呀仔唔算特別曳，出到去直頭算係好乖添。
不過如果因為咁而離婚，個仔就會覺得係自己唔啱搞到父母離婚，佢俾人打完轉頭都會話鍾意爸爸。而且就算離婚我都無娘家可以返，個仔要住劏房，過艱辛既生活，唉…
你老公虐兒，其實你可以報警
有無同佢傾過？
好大機會係老公都係咁樣長大
你最好平心靜氣同你老公傾，達到育兒既共識。
有危險要識得避。你老公唔係好識教仔，個仔童年陰影面積會好大，有機會變到好暴捩，或者好自卑。你係媽咪，要識得保護佢。
報得警就預左離婚… 我未有本事離婚。
佢又唔算打得好勁，通常打幾下2個鐘都散，不過我唔認同佢少少事就打，而且打完又唔教。
我ftm,有時啲野我一向俾呀仔做，例如跪在椅上食飯，但老公在家時就唔俾，如果話唔聽又打。呢啲都講過好多次，佢話我俾呀仔跪係我唔啱。不過我覺得跪無問題，佢腳掂唔到地都坐得唔舒服。
今時今日仲有人打仔？佢係uneducated定係本身有暴力傾向？
即係你唔會離婚啦。咁你眼白白睇住個仔比人打？你有冇阻止？對家暴沉默仲衰過施暴者。
唔係啲事嘅性質，根本打就唔要得
講得出兩個鐘都散就唔算打得好勁，你都好有問題！
好恐怖，連阿媽都唔保護自己
佢住劏房好過日日俾人打啦下話？
搵社工，排公屋啦
打人有得第一次，只會有無限次，仲會愈打愈勁，而家無能力，都要開始計劃，同埋點解個仔會覺得因為佢先離婚，係因為大人同佢解釋因為爸爸打佢先離婚，其實你可以用其他原因，咁小朋友自然唔會內疚
你老公有無攪錯呀，用藤條打歲幾既BB，你老公擺明虐兒，你係媽媽，你都唔保護個仔，邊個可以保護佢，你老公再打仔要警告佢，再打就報警，你都唔想你個仔將來係你老公翻版，只識用暴力解決問題，今日打得亞仔，好快就會打埋你，話你唔識教仔，無人幫，無錢，試下搵啲機構幫你喇!
咁佢又唔會打我，佢只係用上一輩既教仔方式。警告過佢再打就報警啦，咁又點？我無一個地方可以帶個仔走開一兩日，報完警又日日對住佢咪仲衰。
可能連劏房都無得住要瞓街，個仔咁細我都返唔到全職，交租都無錢。報警和離婚真係講就易
佢唔教就你教 當係示範都要
唔好諗離婚住
咁其實你想點？
標題話想離婚，講兩講又話唔易
樓主，見你回覆其實你都覺得老公有問題
事實就係，2歲都打咁利害的話，越大只會越打得更勁！會麻木，會覺得咁打冇問題！
對小朋友做成心理陰影！
為左小朋友著想，希望你解決問題！
你老公完全將個仔做發洩對象！
佢打仔既時候你做緊咩？有冇出手保護？
唔好忍！越忍越變本加厲！
我試過抱走過仔，但呀仔發我脾氣，佢想打返老豆
或者想固意做啲野激老豆。佢唔怕俾人打，最多就搞到佢愈來愈返叛
如果你真係覺得老公行為唔係嚴重，但想有改變，希望你為咗個仔尋求其他人幫助
查 詢
保 護 家 庭 及 兒 童 服 務 課 ( 中 西 南 及 離 島 )
地 址 : 香 港 灣 仔 軒 尼 詩 道130 號 修 頓 中 心 23 樓 2313 室
電 話 : 2835 2733
傳 真 : 3107 0051
保 護 家 庭 及 兒 童 服 務 課 (東 區 及 灣 仔)
地 址 : 香 港 北 角 渣 華 道 333 號 北 角 政 府 合 署 2 樓 229 室
電 話 : 2231 5859
傳 真 : 2164 1771
保 護 家 庭 及 兒 童 服 務 課 ( 觀 塘 )
地 址 : 九 龍 觀 塘 觀 塘 道 410 號 觀 點 中 心 21 樓 2101 室
電 話 : 3586 3741
傳 真 : 2717 7453
保 護 家 庭 及 兒 童 服 務 課 ( 黃 大 仙 及 西 貢 )
地 址 : 九 龍 黃 大 仙 正 德 街 104 號 黃 大 仙 社 區 中 心 三 樓
電 話 : 3188 3563
傳 真 : 3421 2535
保 護 家 庭 及 兒 童 服 務 課 ( 深 水 埗 )
地 址 : 九 龍 長 沙 灣 發 祥 街 55 號 長 沙 灣 社 區 中 心 地 下
電 話 : 2247 5373
傳 真 : 2729 6613
保 護 家 庭 及 兒 童 服 務 課 ( 九 龍 城 及 油 尖 旺 )
地 址 : 九 龍 彌 敦 道 405 號 九 龍 政 府 合 署 8 樓 803 室
電 話 : 3583 3254
傳 真 : 3583 3137
保 護 家 庭 及 兒 童 服 務 課 ( 沙 田 )
地 址 : 新 界 沙 田 上 禾 輋 路 一 號 沙 田 政 府 合 署 7 字 樓 716 室
電 話 : 2158 6680
傳 真 : 2681 2557
保 護 家 庭 及 兒 童 服 務 課 ( 大 埔 及 北 區 )
地 址 : 新 界 大 埔 墟 鄉 事 會 街 8 號 大 埔 綜 合 大 樓 4 樓
電 話 : 3183 9323
傳 真 : 3104 1357
保 護 家 庭 及 兒 童 服 務 課 ( 屯 門 )
地 址 : 新 界 屯 門 安 定 邨 安 定 / 友 愛 社 區 中 心 4 樓
電 話 : 2618 5710
傳 真 : 2618 7976
保 護 家 庭 及 兒 童 服 務 課 ( 荃 灣 及 葵 青 )
地 址 : 新 界 荃 灣 西 樓 角 路 38 號 荃 灣 政 府 合 署 21 樓
電 話 : 2940 7350
傳 真 : 2940 6421
保 護 家 庭 及 兒 童 服 務 課 ( 元 朗 )
地 址 : 新 界 元 朗 天 水 圍 天 華 邨 華 悅 樓 地 下
電 話 : 2445 4224
傳 真 : 2445 9077
社 會 福 利 署 熱 線 電 話 ﹕ 2343 2255
正常教咁細嘅小朋友都唔會打，再大啲真係曳唔通打勁啲就有用？仔仲會話鍾意爸爸係因為佢未知咁樣係有問題，你係成年人，如果只係好小事你點解又會聯想到離婚呢？希望你為咗個仔會踏出第一步
+1, 小朋友仲要係仔, 大個左打得仲勁
棒下出孝子, 樓主係咪無聽過??
2歲咋? 忍心出到手打咩?
真係打死左咁點算??
佢覺得好細力, 但對小朋友黎講就已經係好大力
佢地又未識表達, 唔到等到有外意黎後悔
為個仔好, 先同你老公傾, 再出手, 真係請報警
萬一真係打傷左, 一世架
你都唔想個仔大左個, 問返你, 點解阿媽當時你唔保護我??
我都覺得係
跪係道食飯有咩問題，如果櫈唔岩坐就叫老公買過張，錢問題都仲有好多渠道可以收到二手平靚正嘅物資，嫌阻訂就搵可摺嘅bb櫈，日本牌子有出…點解會變左係小朋友嘅問題
仲要有時你都唔明點解老公會郁手打，咁真係好大問題
打完唔教，仲要你跟返佢個套，話你唔教好小朋友，但佢自己真係錯誤示範，郁啲事就郁手控制唔到自己
你同佢家人o唔ok? 我見過有老婆會打電話同99講佢打孫，再唔改就報警處理，後來好似好左…
你有冇認真同你老公傾過？了解下佢點解會嬲到郁手打人咁嚴重？
或者你同佢講分工，教仔你黎教，屋企其他大事先佢搞。
佢打人係發洩自己情緒，定以為打係可教好個仔？後者仲可以傾，如果係前者，你真係要諗定辦法搬開下，好多家庭倫常慘案就係咁發生。