阿仔中一，九月有買過新校服，宜家換返夏季，竟然佢話著唔落! 肥得太快去買新校服，要買大2個碼，去到36吋! 但係佢而家成日自己去買零食我都唔知點算
晚上有冇時間、食完飯一齊落街做運動？或者散步都好。
晚餐盡量自己煮，少外賣少出街食…
佢咁大個、你冇可能24小時睇實佢，尤其佢鍾意食野，把口好難管。
一齊去跑步，咁細個36寸腰真係唔管唔得
制佢食得唔得？
三餐定時定量，晚餐個餐最緊要，最好特別用一隻碟放佢嘅餸菜，限量
零食完全cut晒反而會更想食，cut到一份啦
飯後幫手做下傢務，或者係屋內行10分鐘
1個讚
家中唔放零食，飲品全部無糖
晚餐用碟裝開，食一碗飯，多多菜，肉就食手掌
心咁大份量（瘦肉，雞扒去皮）
夜晚肚餓就飲杯脫脂奶(或者脫脂奶加涼粉），蒸下芋絲，呢啲低卡食物。
後生肯做運動，會瘦得好快。
不過睇佢有冇決心，過幾年要追女仔的時候，你唔叫佢都會減肥。
2個讚
比姜濤張中學相佢睇，話減咗就靚仔過佢
3個讚
唔好話佢已經中一
我個女5年班都成日自己買零食
抱抱一個
見過四年班就成日買，兩星期可以用左成over $500。
咁誇張、四年級嚟講係咪算太多零用錢
中一好難迫，仔仔有無鍾意嘅運動？
可以照食零食，但要教佢選擇，亦要佢揀1-2項運動做，先可以食零食。
親人原意比佢黎搭車。
嘩～～半個月＄500蚊。
不過呢家啲零食真係好鬼貴尤其薯片，一陣風食食食咁就無咗一包。
見營養師啦，及早控制一定係最輕鬆。專業人士講好過自己講，媽媽可以做嘅係陪佢一齊食健康餐、做運動。
2個讚
（比著我）咁大個仔唔會想同個阿媽一齊做運動。
仔仔的話，爸爸比較好。
其實肥肥地，打藍球有著數。
中一只係12-13歲係發育期，男仔仲要未開始長高發育期喎，除非驗血有問題，我覺得可以留意唔洗故意減，中二男仔先開始長高，到時先算。
依家無罩返學，有體育堂，break time，放學同同學仔打下籃球好快就瘦。
1個讚
2個讚
只係縮小咗、但量都係咁多
如果肥得太多、就算減返、大個都會變成「飲啖水就肥」嘅體質？
中學生、不如喺屋企玩ring fit , just dance?
1個讚
Yes
1個讚
拉高身度好好多