我仔返學有八達通，因飯堂只接受八達通付款，但每次增值最少＄50，變相不能控制佢用少於＄50嘅錢。
佢話佢有啲同學會每日用＄70買飯（set lunch $30，外買飲品＄10，＄30買零食），我話點可能食得晒！
我仔都係為食肥仔，為咗避免佢用多出的$10買零食，我鼓勵佢每日只用＄40，有剩的錢留在八達通，每星期剩下的錢會兌現做cash入錢罌，佢可買自己喜歡的遊戲或玩具。
雖然錢無用少到，但我覺得買遊戲或玩具好過喺canteen買又貴又無益的零食～
如果八達通可以增值少於＄50就好，咁我先可以經濟封鎖阿仔
我有俾我仔帶籃球返學同同學打，另外上網球同功夫班，但都仲係好肥～
不如諗下一次過入5日(返學日)，又唔洗日日諗又可以學習理財。
1個讚
咁一次過入$200，用多左下一日就無野飲甚至無飯食
本來咪就係入5日囉，但佢試過一日買$60-70嘢，肉痛死我～
佢初初有請人食嘢，人哋又有請佢食，係講緊$10一個嘅小食呀！
佢啲同學都係洗幾十蚊一日食lunch，食set lunch，飲品加小食甜品，點解宜家啲家長咁闊佬？
我有叫佢每日記低消費，每晚同佢回顧，佢洗咗超過$40係要同我解釋的。其實我都唔想當佢犯咁審，但無辦法啦！
無飯食老師會搵我，虐兒呀～
我一星期會整一次lunch box，咁就可慳一日lunch錢。不過lunch box要早上拎返學校，不太新鮮～
其實係成長既過程，家長遲早都要教佢量力而為，佢闊佬星期一二，星期三四五唔夠錢開飯就係教訓。
朋輩之間互相請客去到自己搵錢先做啦，依家叫做慷他人之慨，應該要教導佢未搵錢唔應該咁做。
傾下點樣用錢唔算審犯，始終依個家長遲早都要面對既野，不過你係咩態度咁同佢傾就唔知喇。
咁比小朋友吸收下教訓又未嘗不可，但要睇下小朋友本身係咩性格…
銀包有幾多自己分配點用、用多左之後要諗計慳，呢啲經驗愈早吸收愈好…
但如果佢尾果幾日冇錢用、走去痴飲飲食又借人錢、未必個個家長接受到。
去郊遊踩下單車親子樂
導佢溝女就肯減啦
1個讚
我覺得首先要叫佢均衡飲食先，呢樣好重要
然後可以試吓搵一樣佢有興趣嘅運動，唔一定要係傳統嘅籃球足球，攀石溜冰甚至跳舞都幾好玩