唔係負面，其實我覺得女人無論如何都要有份工，就算係part time都好要keep住工作
如果個男人對小朋友好，就算有第3者我都唔會離婚，最多當佢room mate. 只要決定左當佢room mate就會對佢無期望無失望。如果佢要吵架就自己唔出聲由佢嘈，最緊要對小朋友好。
如果對小朋友唔好就早走早著。
1個讚
呢啲咁兩難情況好難比到意見，我唔熟
但我係偏向兩個比佢好過每人keep一個嘅
既然佢態度好咗就攤下先啦，你有心理準備未嘗不是好事
離婚後撫養權個官判會睇：
一）邊個係主要照顧者
二）小朋友年紀
三）小朋友意願
四）經濟，居住環境等
通常媽媽唔係背景複雜都會跟媽媽
你需要嘅係一個律師
明白 FTM 冇自由係辛苦
但可以自己嘅方式用心湊最好
前提係你要搵到個俾你管數嘅老公
係自動上繳唔使你開聲問
唔係現實，事實有錢有安全感
1個讚
臨臨案就係咁，有後媽就有後父，如果係我點都會要哂2個小朋友，又唔係粵語殘片，邊有養唔到要送個細俾人養咁，最多生活質素冇咁高。
不過都係自己因應環境決定啦，人人都唔同情況。
4個讚
係咪真係無彎轉? 可以先見下輔導嗎? 婚姻生活成世人咁長, 總有高低起跌既時候…我估去到咁上下, 大家都像"roommate"
FTM成日困係間屋度, 諗野好易會鑽左牛角尖…
3個讚
你本身係FTM, 係就係一直湊開兩個小朋友, 官大多數都會考慮小朋友依賴媽媽多而判畀媽媽, 但係聽你講, 你老公想一人湊一個, 咁唔知佢真正原因係咩啦! 但咁樣睇, 我覺得佢唔會輕易放手, 佢應該都唔會接受到佢自己畀贍養費, 小朋友生活費你, 但係佢就撫養權都無份, 我覺得佢點都會拎啲證據出黎畀個官睇, 佢係適合撫養, 所以你真係諗住行到呢步既話, 一定要搵律師問意見, 唔好盲中中, 自己都做足準備。
其實既然無感情, 而你又想出黎做返嘢, 會唔會請個工人姐姐先? 等姐姐照顧兩個小朋友, 你自己做嘢, 建立返自己生活圈子先, 再過一兩年, 有能力既話再同佢flight 過, 我係會咁諗, 如果大家都無第3 者, 只係純粹無咩愛,又無咩argue 既話, 可唔可以當同屋住一齊住吓先?? 我覺得兩個小朋友一齊生活係最好, 當然, 你自己既感受都好重要, 好好諗清楚…
2個讚
希望你盡快揾到份好工，慢慢企返起身
小朋友我唔會想分開佢哋，我寧願比晒對方都唔想分開佢哋，分開長大始終無咁親厚，將來大咗你哋百年歸老佢哋就得返自己
你估你d小朋友會寧願跟住你捱窮，還是想跟爸爸？我唔想將來你比你老公喺小朋友面前打毒針話你唔要佢哋
啱啱都有呢個想法。好唔開心，所以入咗嚟呢個page。睇完大家分享個案，感覺好有共鳴，再唔覺得孤單。多謝大家。
2個讚