我未離婚，最近好似走到盡頭
大嗰個小朋友話想一家人，細嗰個未識講野，我先生話離婚嘅話要我放棄其中一個小朋友嘅撫養權，一人一個，我心都寒埋
我係家庭主婦，其實我一直冇計較地付出，發夢冇諗過黎到呢步，亦當頭棒喝發現原來我一早已經冇能力去爭取，心裡好難受，打算無論最後離唔離婚都好我都要出返黎做野，希望唔會太遲…
唔知大家點走過呢個過程，不論係堅持繼續一齊生活定已經離婚展開新生活
1個讚
先處理好心情, 後處理事情… 好好調整好心態, 然後, Prepare for the worst and hope for the best… 同先生坐低傾點佢, 我估你兩個都係為小朋友好… 總有一個令大家都比較接受嘅解決方案…
父母離婚一定最影響小朋友
盡量心平氣和同老公傾小朋友去向，請以小朋友福祉為首
或者考慮暫時分開生活，俾D空間大家思考清楚係咪要行到離婚依步
係咪離婚已經最後決定？我諗你都要好好諗下小朋友嘅照顧，洗費自己可以負擔得到？就算一人一個，我覺得都冇問題，現實問題還現實，分開生活都可以每個星期日約出嚟見一次，你自己想去做返野，甘你都要有時間或者搵人幫手湊小朋友，所以要好好想清楚，自己想點樣，唔好淨係遷就佢哋，希望你可以好好解決問題
女人從來都唔應該做全職家庭主婦，因為最終蝕底係自己
6個讚
可以講下原因嗎? 係不能接受既原因, 如有人出軌? 還是同先生已經無感情, 因全職湊小朋友?
3個讚
有冇搵婚姻輔導或者專業人士傾下
我前排都遇到類似情況，但我有返工，另一半唔知我有li個想法，但我唔想因一時衝動而衝口講離婚，所以我主動搵輔導傾，傾完覺得唔係冇彎轉
所以我之後都會安排另一半一齊見
1個讚
請保姆出黎湊，自己出嚟做野.
識好多夫妻結婚初期會嗌交，仔女細既時候。
去到啲仔女升左中學，
就唔會再有野嗌.
成日話佢唔聽你講，你咪唔好彩佢囉.
成日都有人咁勸我.
首先點解會行到呢一步？介意講多少少嗎？
我仍然整理緊自己，我都希望佢會傾，不過佢個態度好似係只要我放手俾個小朋友佢嘅話就傾完，我諗我自己係冇辦法同佢「傾」…
好希望就算離婚都唔好惡交
我諗點都要出返黎做野先…
如果而家分開生活，我諗佢會即刻拎走其中一個小朋友，我諗左呢個情況好多次，而家冇經濟能力嘅我應該要放手交小朋友俾佢，但真係好難受
佢應該唔會接受分開生活一排
可以都唔想，但好似冇辦法一齊落去
大家都係為左小朋友先撐住咁，咁感覺上佢係咁，又有啲似迫我，等我自己頂唔住
現實就係你所講嘅咁，一個小朋友我應該頂到，我冇做野好幾年，不過唔算大年紀，要搵牛工應該都會搵到掛，但要準備好自己先
我都明白拎哂兩個細路仔嘅話，我係俾唔到同樣生活質素佢哋，出返黎做野好，分開好，某程度上都要放手
不過我從來冇想過會變成咁，本身都計劃左頂多一年就會返出嚟做嘢，而家咁好迫切地要做返野
我諗係呢個，我諗自己都已經冇咁愛佢，挽救過，點知越來越好辛苦，覺得自己仲慘左，消耗得快左，覺得被榨壓同忽視
大家唔再欣賞大家，我試過努力改變呢個情況，每日讚佢三件事，最後好氣餒
試過想約佢同佢拍返拖，我提議去99屋企/娘家食飯個時，放低細路仔半個鐘/一個鐘兩個人落街行下，但唔知佢係唔想放俾其他人湊定根本唔想同我出去，最後都不了了之
1個讚
原來可以自己一個見？
我越來越同佢講唔到野，我提議嘅佢通常都ban，唔知佢肯唔肯去…
1個讚
想俾個抱抱你先，我同你差不多都係唔知離唔離婚，為咗小朋友我只可以默默地等，但其實唔知等乜，我都有一個小朋友，小朋友爸爸乜都唔同我傾，我都唔知佢想點
。我覺得你首先要搵份工先，自己有經濟能力先有say，之後再諗下點做先對小朋友最好，離唔離婚都好，先疏理一下情緒，搵社工傾吓可以發洩一下情緒或者大喊一場，之後再慢慢諗點樣對小朋友先係最好，加油
2個讚
你揾咗工先，有經濟能力後再打算
不過可能係之前我同另一半有一齊見
但我都有要求個別見
因為婚姻有問題，大多數唔係單方面嘅問題
有可能係自身原生家庭或者一d成長經驗影響個人處事手法同對事件嘅反應，而間接做咗啲令對方唔好受嘅行為，至會令大家愈行愈遠
其實部分嘅婚姻喺專業人士協助下未必要去到離婚li步，所以試吓搵第三方幫手，傾完都唔得至考慮li步 （有第三者另計）
2個讚
一人一個撫養權，為何會令你心寒？爸爸對小朋友好差？
只要肯一齊行就好，唔肯拖落去都係辛苦大家
唔係應該媽媽湊哂2個，爸爸俾贍養費？
我唔會接受一人一個，最多上庭等官判。
3個讚
除左唔愛對方，有無第三者？
我都唔鐘意我老公，覺得佢好廢，可有可無，分開生活我會一樣咁開心，但同住又無乜野嘅佢唔會同我嘈，而且佢係個唔錯嘅爸爸/同屋主及唔想分開（雖然我對佢好mean)，所以為左仔女我都繼續下去。或者大部分婚姻去到中間都係如此…
所以主導權係咪係你老公到？佢想離婚嘅原因係咩？無第三者嘅能否為左仔女再諗下相處方式？
2個讚
我就係覺得咁，好難接受要佢地分開
不過都有sis話如果我養唔掂兩個都應該要接受…
贍養費好似就算判左要俾但佢唔俾都奈佢唔何，我自己覺得分開佢未必會理我地