我都係，愈來愈對佢冇耐性，覺得佢乜都幫唔到手，只係同屋主加小朋友爸爸關係，盡量避免同佢兩人一齊，我一定會眼火爆。極其厭惡同佢有親密關係，想嘔。
2個讚
個官唔會建議咁做,小朋友會一齊判俾一邊,好大機會係跟媽媽
你唔好咁天真啦,個男人講得出口要一個小朋友,已經睇得出佢唔會咁順攤好黎好去,你要有心理準備
3個讚
曾有朋友的老死離婚，是有養家及愛鍚子女的爸爸，他離婚時唔明自己付出那麼多，為何一定要將所有子女從自己身邊搶走，子女都是父母的心頭愛。結果佢哋一人一個，聽說跟爸爸的細路都好生性，跟媽媽的細路則好反叛，好細個俾人搞大左個肚的年輕單親
另一個，是父母離婚多年跟媽咪的細佬，家姐就跟爸爸，細佬自細就靠娘家生活優渥，家姐就家境普通。佢大個後覺得明明係兩姊弟，但成長環境差太遠，所以成年後，對家姐好好，兩姊弟感情唔錯
所以每個家庭不一樣，心寒係為左其他目的而搶子女。
的確有小朋友後兩公婆會產生好多拗撬，我諗如果唔係太過份嘅原因都可以互相忍下，到小朋友大個咗少d嘢顧就可能好啲
如果返工，請工人湊2個可行嗎？
為小朋友好，我寧願放手俾哂兩個佢，盡量約多d 出嚟見面。父母已經分開，唔想拆散埋佢哋嘅手足。佢哋大個唔親係佢哋嘅事。
1個讚
以為自己打出黎，好相似
我因為小朋友好猶疑， 分開會好影響佢哋，大嗰個好似感受到我地感情一般，又可能會影響佢，佢出街成日叫我老公拖我
我諗過當初決定全職主婦就係想好好付出俾屋企同小朋友，既然佢只需要我教好小朋友，不如好似你咁堅持多陣
雖然我覺得冇咁愛佢，但一日仲一齊生活好難同佢切割，好難唔俾佢啲反應同行為影響我，就算我唔搵佢佢都會無端端挑機，而家無傷大雅嘅我都順住佢意思去就算，但心理覺得自己好似委曲求存，心理唔平衡
你哋日常完全冇交流？當朋友相處？我好想自己當佢普通朋友咁，都回應埋應該冇第三者
我都係咁…所以我知同佢應該緣盡
但有小朋友，而我冇經濟能力，進退兩難
同埋我覺得我最難係完全唔交流，有時小朋友嘅野，或者某啲日常支出嘅野我都要問佢，有時問左幾個唔同嘅問題，等足全日然後覆得一句ok，我都唔知佢ok邊一樣，真係好辛苦
1個讚
我都搵到話小朋友有兄弟姊妹嘅會盡量俾佢哋喺埋一齊生活
但我先生好似點都會同我爭
而我驚我連搵律師嘅錢都唔夠，搵律師仲要搵屋搬走搵工人，我睇到呢度啲舊po話要和平處理會易啲快啲所以諗盡量和平處理
不過你都岩
佢都本住同我爭嘅心…
離唔離婚都好，小朋友無可以一人一個分開養
由我決定離婚果一下，我已經決定要晒2個，幾辛苦都要
就算無能力最壞情況2個比晒佢 唔好拆散2個細路
如果佢俾贍養費係可行
但我覺得佢睇錢都睇得緊…
你不妨提出，睇你講佢都唔似好爸爸，你肯和平分手湊哂2個，我覺得佢會嘍飯應。
當然日後佢唔俾亦有可能，但似乎同以家都冇乜分別，都係時俾時唔俾。
其實你呢個方案我都有諗
我知道跟住佢小朋友至少讀書學野都會可以繼續
但細嗰個又真係太細，仲未戒奶，我衝破唔到自己，我都有幫自己做心理建設可能有一日自己離開，而家好好咁陪佢哋，另一方面又想趁仲要餵奶小朋友大機會啲可以跟我，我真係有呢個想法
佢其實對小朋友好好
係對我唔好，我無意中知道佢同佢媽媽講我係外人所以好心淡
就有啲覺得佢會時俾時唔俾
你好堅強
我想問如果真係俾哂佢，但可唔可以話一星期見多幾日/係我道留宿幾晚咁
係咪同佢傾好其實就可以
你而家搵工equip自己先
1個讚
我有呀
有上網睇下而家出面咩環境再執cv
佢而家態度好似冇咁硬都冇再提
我都唔想再咁負面成日諗自己冇能力，而家發現都未遲
諗住過多排同佢講要做返野
好多謝大家俾意見我
3個讚
咁唔好理咁多住，快手出黎做返嘢，睇個世界會唔同，祝你事事順利。
現實嚟講，如果個男人對小朋友好，而佢又比較可以保障小朋友嘅生活，咁我個人嚟講就2個都比晒佢算數。
始終無做嘢幾年，唔知自己個市場價值係點。
個男人一開波已經講明要拆開一人一個
呢啲自私男無論最後攞到晒兩個定一個
都隨時會同啲細路打毒針
話個媽點樣衰點樣跟佬走唔要你地
如果再加埋公婆關係唔好仲死
有案例真係話個媽約極都見唔到啲細路
男人講得好聽俾你見，但小朋友堅唔想
覺得媽媽唔愛自己做乜仲要見
失去撫養權的一方永遠都係好被動
3個讚