其實你唔適合做hea工以外嘅工
你話怕裸辭搵唔返, 其實有心既一早可以search下而家個market有咩工啱自己, 甚至試吓去interview , 最多有offer唔take, 睇吓自己仲有冇market.
你似係想有份工可以lead住你, 間唔時有D新衝擊, 又要唔辛苦, 又要多D錢. 其實個個都想, 尼D機會冇乜幾可遇到. 特別對冇目標既人, 主動性低, 接觸新機會更低.
如果我係你我會keep住而家份工, 返工時間做自己野, 可以搵多D野學. 而家有部電腦已經大把野可以學同做.
樓主讀到咩學歷？有冇考試/攞牌？
Accounting officer 工作可以好忙又可以好得閒
將來想再搵番呢個人工，都應該唔難呀
其實我有見工, 只係無講出黎
我會諗下究竟應該揾多啲錢,定返份HEA工好
雖然知道第時有小朋友,做HEA工可以分心做自己野好好
但老實講因為而家暫時無小朋友,日日坐無人講野真係好悶,我會想轉下環境
我明白有電腦咩都做到,但公司電腦又BLOCK左好多網站,又唔好意思成日拎起電話撳
會清楚考慮下自己需要啲咩先
冇小朋友搵份忙工，搵多d錢
到有小朋友就揀hea工
你個價唔難搵工呀，心動不如行動
1個讚
同我公司情況簡直係一模一樣
睇下你仲想繼續闖定準備定退休生活
或者仲有無興趣讀書？利用上班時間溫書做功課
有人養又無小朋友，咁你想點都可以，一份又 hea 又無 OT 嘅工係可遇不可求，我覺得呢份工好啱你， hea 咗咁多年，如果入咗間忙到死嘅公司，我驚你一個星期都頂唔順。
2個讚
忙個啲公司真係要由後生做起
你只係三十歲，如果唔急於係一兩年內生仔，我係你就會出去轉工搏下，升多個grade 加多啲人工。
我以前有D 工原本都唔忙，但一轉dept head 甚至CEO就忙左好多，hea 慣既同事個個叫救命，但事實真係唔會一世都唔忙架麻
其實你老公有無睇法?
佢話無所謂,只要我做得開心就得,唔洗特登揾份賺多啲錢既工
你份工真係好悶，你先咁後生，唔通坐到退休？日日捱到放工好辛苦，轉工好d
該主題在最後一個回覆創建後180天后自動關閉。不再允許新的回覆。