而家間公司有14個月糧, 人工係業內應該唔高, 返5日又無OT
返工好HEA, 好多時都上網, HEA到個人好懶
同事們好少交流, 平時OFFICE靜過圖書館, 連開個櫃桶都覺得大聲
日日同人講埋都無十句野
好想唔做,但又怕揾幾個月都揾唔到工
但邊做邊揾,新公司見到要等一個月又未必想請
唔知點算好, 而家日日返工都係度等放工, 諗究竟辭唔辭職好…
唔知你年紀同埋結咗婚未。
如果未結婚嘅，我會趁呢個機會去旅行， 離開香港幾個月，去睇下世界。 去旅行之中，畀你自己有時間，有機會諗清楚， 自自己想要咩嘢，返嚟之後，再努力向住自己嘅目標前進。
三十歲結左婚未有細路 
我都唔知自己想要啲咩 
淨係怕揾唔返份工
1個讚
你自己心態點？我朋友戶口夠駛幾年，但一唔做野得耐就會好擔心，跟住又會去搵野做。
我自己就覺得無小朋友，計好份錢就可以辭，當俾自己休息下，或者有時間搵過份適合嘅工
我都係呢啲人, 一唔做就會好擔心, 但又好想休息下
不如買左機票先？say 1/8, 你1/7照遞信，
Cv而家可照send, 寫1/9 available,
可能都有見工機會，即使唔請，當係rehearsal
1個讚
其實如果你in表現好，資歷乎合人哋要求，係會有公司願意等你一個月
所以我覺得如果唔岩就趁早離開，唔好浪費時間，你話你都30歲有家庭未有小朋友，想搏趁而家
想裸辭冇經濟壓力我覺得ok，最好同另一半講下，睇吓佢點睇參考下，佢支持嘅話可能你會大信心啲
3個讚
份工都應該叫舒服嘅，玩下手機有錢，唔明點解想裸辭？
搵工或者旅行應該都有Annual？
其實我都有咁諗過, 呢份工其實唔怕悶真係唔錯, 月中無咩做果陣好多時都坐住等收工, 同事個個各自係位唔講野,唔需要SOCIAL
只係做得唔係太開心, 自己MANNAGER唔幫返自己部門既人,就哂其他部門要求
揾工有ANNUAL啊, 要請假我都會就返無咩野忙既時間去見工
你口中公司的缺點，點解我覺得全部都係優點黎嘅
6個讚
所以係睇你點睇,我都有諗唔洗SOCIAL係唔錯
題外話:
如果將來有小朋友, 係咪會寧願少啲人工返份HEA工, 多過多啲人工忙啲既工?
1個讚
去半年旅行
那裏生？
如果老公份人工ok, 我會寧願返hea工，因為有一個小朋友真係好忙，尤其啲野想自己親手做
1個讚
但係你如果一樣都無嘢做，其實都無所謂？
公司好多野可能好唔公平，不過你計落份工相對人工OK就算啦
我覺得問題唔係份工
而係你無乜目標
不如諗下長遠想發展乜嘢
趁份工得閒進修下？
2個讚
唔洗social，返公司hea住夠鐘就收工 
好羨慕呀…份工可唔可以做一世唔執唔炒先?如果你冇乜野心我覺得唔錯播
當然我無野做梗係無問題啦
問題係當好忙趕緊DEADLINE既時候仲要有好多要求
我明白如果轉其他公司都有可能會係咁
所以我都諗,如果我打份HEA工對將來如果有小朋友來講會輕鬆啲既話都有可能唔轉工
俾著係以前做女果陣應該晨早轉左工 
同老公商量下，你覺得無壓力但佢可能有呢