我都覺得係,因為而家做緊既野唔係自己真係中意
而我又無諗到除左做呢行,仲可以做啲咩
可能因為咁樣就有反感左
我都有同老公講過,佢同我講最緊要我做得開心,祼辭都唔緊要
結左婚都可以hea一陣嘅
主要睇下自己有冇信心再搵
1個讚
又唔洗咁擔心既 見你岩都會問下你可唔可以早d 到時你咪賠兩個禮拜提早走人 通常al都夠cover既
如果連2個禮拜都唔願等 我自己經驗係份工多數都西 唔做唔會有損失
睇下幾少，又睇下屋企係只靠老公份量定背後仲有唔錯嘅passive income (收租，dividend 等等）
因為單靠老公，唔知佢會唔會中年失業
而且生養小朋友其實需要更多錢，有能力嘅當然想國際學校+送外國
但如果你係對教育無所謂，而自己又承受唔要太大工作壓力，咁係嘅，寧願人工少啲
贊成樓上所講，要搵下自己目標係咩。
1個讚
追哂樓上d回應。
如果會生小朋友，返hea工，又唔洗OT係好嘅。
如果唔生，同會想喺事業上更上一層樓，咁就轉過份好d。
如果結咗婚就同另一半傾下，如果佢冇問題嘅話，行開一頭半個月，離開咗工作耐D，可以清楚D自己嘅需要。
你有冇打算要小朋友？
有冇心願？
或者想擁有一個怎樣的人生？
同意。
不過結咗婚，就要同另一半商量，冇得話走就走。
1個讚
其實我個人都真係無咩目標,會覺得平平淡淡開心就可以
我同老公有想要小朋友,所以先都有諗係咪需要轉工,揾份高人工啲既,賺多啲錢
但同時就覺得如果太忙,第時又會唔夠時間照顧小朋友
另外想問下,我而家17K一個月,係ACCOUNTING OFFICER人工係咪都真係幾低 
你讀到咩level？仲有冇得升？
你可以上網睇下而家請緊咩價位。
我以前都係做呢個位，但好忙好忙，因為公司規模唔係細，所以每個月有一半日子係超級忙，我係試過零辰2，3點先收工，如果要生小朋友，呢d時間同工作量就唔得喇。
1個讚
算低呀
但見番你話hea 工
你太後生
唔甘心做死一份
會建議你裸辭 / 轉工
都有覺得唔想做死一份工,
17K計埋DOUBLE PAY加BONUS先19K
以前係多野做既,但升左上而家個位就開始無野做
係咪應該揾返高人工啲多啲野做(最好唔洗OT)既工,
到有小朋友果陣先再揾份HEA工
hea工之下，我覺得ok
當然如果有牌，都有啲3/4萬都唔太忙，但可遇不可求。會計個工種本身就係忙
呢個人工應該唔難揾，account想無咁忙就去有兩個 account 嘅細公司
timing 問題，對的時間遇上對的工 / 人都好重要
睇呢個post好似睇緊自己
我同樓主有d似
又係結左婚 會生小朋友 但份工有d hea 諗緊轉唔轉工好
樓上都有人講 自己覺得份工既缺點 可能人地覺得係優點 都幾值得思考
不過都同意 可能我之前無乜目標 不過今年都開始俾返小小目標自己 就係多d做運動
1個讚
我都有諗如果想做多啲自己想做既事,係咪HEA工會合適啲
但當然,人都係會想賺多啲 
最好唔會太HEA,人工又高啲(發夢 
)
我想當年都係咁，我自己本來做小生意，因為太辛苦想唔做，我同老公講我會抖一段時間先會搵嘢做有冇問題，佢話唔等我份糧開飯，叫我自己決定
冇做嘢之後就搵嘢進修，又多咗時間做運動，多咗時間陪老公，經常去旅行，偶然都會返吓part time，日日都好忙，直到而家生咗小朋友都冇再返full time job嚕
你好幸福啊 
開心最緊要,而你老公又支持!
我情況同你差唔多，但我辭左，因為真係好無聊，仲要無咩人講野其實係好悶，日日如是…
1個讚
嘩, 我超想返呢啲工…當你之後有咗小朋友之後, 就會覺得返呢啲工好開心…XDD
返工可以上網幫仔女shopping, 學校有活動又可以隨時請假去join…
最重要係, 唔駛OT, 準時收工返屋企陪仔女…我都好想有人工收, 又可以輕鬆返工
不過都睇返, 而家你係一時迷失定係一直都會有呢啲感覺?? 自己好好諗清楚, 如果真係怕好耐都搵唔到工做, 只可以邊做邊搵, 下間公司肯等你就無問題! 再唔係, 就放吓大假, 自己開心吓再返工