有冇識人做公司秘書？前景如何？
做左PA 3年覺得自己唔岩做貼身侍衛……
公司秘書 company secretary 係要讀吓課程, 要識公司股份果d, 同斟茶arrange 老細私人嘢果個職業係兩回事
4個讚
做Co Sec 要周身刀, 樣樣都要識, 唔精都要識少少, 又要口密, 又要轉數快, 再要係銅皮鐵骨, 最好識多國語言, 話頭醒尾… 真正上市co sec 人工係超高…
我入過一間frim做, 結果因為無料, 成身跌到散晒
上市公司named com sec 一般係cpa/solicitor/本身其他牌兼任，好少會純粹com sec.
2個讚
考試合格率平均40%, 如果讀Master應該至少10皮, 呢度唔得到的話, 好現實, 前景只會暗淡
1個讚
呢行冇話一定要考牌，但升職就點都要有牌。
唔講考唔考牌，本身呢幾年多左移民，好多多年經驗嘅com sec走人，青黃不接。
而且外國客的確係睇淡香港，你睇下公司註冊處少左幾多新公司成立就知，唔排除入上市公司com sec team做會好啲（講緊前景）
識人做中資嘢，不過我估隨時有嘢上身
1個讚
無呀, 佢問前景嘛, 做ac, legal都唔一定要考牌，但講前景, 有牌generally點都好景過無,無能力(財或才, 識人讀完poly master, com sec基本知識完全唔掂, 連general meeting係咩都唔識)攞牌, 就真係自己再諗諗,
部分中資上市嘅named com sec係大陸人/本身已係高層，唔會比香港人做named, 最多係條team係香港人跟返com sec野
係, 樓主好似搞錯左, com sec 算係一個profession, 唔係做阿四
樓主講佢自己做PA3年，應該唔係講緊com sec，不過計我話兩個都唔算好做。
Com sec 工時長，基本上你一定要入professional firm浸過先熟例加有大公司請，仲有lawyer 同cpa同你爭。不過事業型既就當我無講過，事業型女性做com sec搵到錢。
Personal assistant服侍老闆，老闆對你好咪好，唔好要服侍老細真係好煩。95%老細真係當你妹仔。
我知道com sec係唔同PA, 我睇過啲公司起薪點都唔高呀，如果捱幾年就有唔錯前景，我會考慮捱下
係呀而家就係咁 
即係點呀？
我唔會做到最勁既人啦，但一般com sec人工係咪都ok?
咁你宜家究竟係想問com sec定PA？如果想做com sec咁你考cpa會著數啲，難度差唔多，但考cpa你有兩條路。com sec既例好多好難，本身要有小小讀書料。
一係你就搵com sec pro firm入去做下先。如果佢請你，你就一路再考，一般會有study leave。
Com sec 唔係一定要讀law？
我公司 big boss Sec 好 fit，口密效率高又樣樣得，甚至做埋老細個智囊團，老細好尊重佢。之前新仔搣柴，老細遲遲都冇消息，咁啱搭同秘書一架車返工 “訴苦”，第二日老細即刻出通知搣柴。我地成日笑真正老細先係秘書。
PA 就真係啊四一個，冇地位咁濟。佢做左好耐，但做唔到秘書嗰個 “權力”。
cpa係唔識做com sec野的, 如真係做com sec野考hkicpa係多餘，hkicpa qp費用唔少，上堂又麻煩