心聲！
2個讚
覺得停左前夫page 後，聲勢弱左。只知道佢地攪個人品牌，攪餐廳，拍戲，唱歌既本業就。。。
1個讚
Solo 多咗，個人覺得質素都高咗，新嗰首團歌就一般
1個讚
關於分化、haters，演唱會之後係好嚴重。
以前就算唔係鏡粉，都有人認同佢哋帶起香港樂壇，
依家嘅娛樂新聞，關唔關佢哋事都好，都有人拉佢哋嚟鬧。
有機會睇佢哋嘅團訪，我覺得佢哋嘅初心仲喺到，爭在班鏡粉睇唔睇到。
7個讚
呢一年好多佢地嘅報道都係關於佢地嘅自家生意，其實個感覺真係唔係咁好，好似mirror組隊係副業咁
1個讚
做得耐就係咁，我又唔太覺得累，慢慢來吧
5個讚
唔係淨係佢哋嘅，以前啲明星都係咁做，
哥哥＇咸校長、梅姐⋯⋯
有啲係香港唔係出名嘅⋯⋯蘇有朋 都曾經喺香港開餐廳
3個讚
分別係佢哋會做好自己本業（唱歌/演藝）先… 所以唔係話唔可以有副業，而係Mirror可能真係要落啲苦功練下歌先，要有專業精神咁先會長久
1個讚
希望你匿名放負後，身心舒暢，精神抖擻
負面情緒需處理，找同路人分享好重要
不過，建議有啲事情如果影響情緒就不要太上心，放下一下
在香港攪藝術，基本一個字窮；
在香港攪娛樂，基本由大機構主導。
素人轉藝人，需實力，也需時勢，彩數和運氣。跳唱藝人很多時有日夜癲倒，熬到五勞七傷。
演藝事業的人，其實都明白花無百日紅的道理。況且一般人有投資都正常。
就似你和我，返照九晚五，放工或lunch break 買股票，好好平常。
佢地公司管理不善，公關唔好就大家有眼睇。
但由佢地作品睇，呢班仔有努力付出同嘗試。
至於傳媒喜歡報藝人花邊嘢定工作嘢，其實只有讀者可控制到。
邊單料爆，做多啲嗰類。
希望樓主開心返，迎接長假期的四月。
11個讚
呢句啱，同埋有時傳媒都係搵嘢報導啫，個個藝人都有私生活嘅
鏡粉要睇開少少
都威咗兩年，算係咁，今年最受歡迎組合唔應該係佢哋。
個個年代做fans都累㗎啦，只係以前冇上網冇得呻
1個讚
唔明點解做fans會做到煩惱，成班鏡仲有錢搵，姜仲食到fat fat。
為賦新詞強說愁。
4個讚
mirror 搵快錢／後路既意圖強好多。本業未做好未站穩，立即憑個人小小名氣開品牌開餐廳，食相係有d狼吞虎嚥，驚今次唔食下次無得食咁款。
不過佢地有既係fans base, 而生意係睇數字，想速食都無可厚非。但唔好拎佢地做sides business 既方式同梅姐哥哥比，起碼前輩上晒神枱，舞台上交足功課先，而且係長期有專業演出而非一次半次，咁先真係做到品牌效應。否則，都不過係借個平台出名然後搵快錢速食，咁樣2邊都做唔好，好難長久。
事實上，我見有fans 以前不問價掃衫既，呢家話一件都掃唔落。順便退坑既亦有。如果話一通關，去得旅行就攪到d人清醒返，咁反映之前mirror打既底真係未夠穩，亦係fans 忠誠度測試既時候。
9個讚
正常係煩惱架wo, 煩點買飛點應援，幫偶像煩埋佢既煩惱。但呢篇野，可能煩點脫粉而唔比人話
人氣回落還回落，但暫時睇唔到香港有邊隊多FANS過佢地
4個讚
我無咩偶像，最多係欣賞黃子華但未到鐵粉。我覺得煩埋偶像既煩惱is too much。佢做偶像suppose係帶娛樂同歡樂俾人。
2個讚
係，個個年代fans都會有呢啲問題
我覺得呢方面要睇開啲
外國紅到Lady Gaga, Rihanna, Dr Dre… 都一樣攪自己品牌生意
而且香港做娛樂事業又唔係真係咁賺錢，攪自己生意總好過見到佢哋返上去撈
2個讚
我支持鏡仔，其他討論區都好多人鬧佢地，人哋反對我就更加支持，我見到佢哋好努力咁排舞、生存。日子耐左，實有啲倦，我倦既原因係要去其他討論區反駁針對佢哋嘅人，尤其而家更多人去針對佢地。其實鏡粉要做嘅野就係團結，唔好因為倦而放棄佢地。
6個讚