我又唔同意演藝本業要站穩腳才可做生意呢個講法。好多叫唔出名嘅奀星、半紅不黑嘅都有副業，睇下那一邊經營得好啫，演藝個邊始終靠運氣嘅多，有機會做生意穩陣有收入都係好事（當然好多藝人唔識做生意、同partner 不和、被partner 呃，失敗收場都好多）
1個讚
預咗俾人鬧，不過都想講吓
我唔明點解鏡粉咁鍾意放大量個人感覺、情緒落偶像身上，然後就覺得係事實，可能係當局者迷啦。呢個亦係其他人對鏡/鏡粉反感嘅原因
15個讚
同埋一有少少對鏡嘅負面意見，就會標簽人哋係haters… 其實有不少都真係客觀嘅事實黎，呢度都見有不少鏡粉會衝哂出嚟為偶像護航，曲都拗返直… 人邊有完美架，少少批評都唔容許，咁偶像點成長點進步？
8個讚
同意, 佢哋個個去搞咗好多自己嘢… 反而本業就開始停滯…坦白講, 不進則退…加上全世界開始正常番, 香港人會多咗去街, 出外旅行, 相對時間金錢都唔係單一放係班鏡到… 希望12個仔會keep住, 繼續做好啦…
軒公都有自己生意, 餐廳, 酒吧… 但你好少聽到佢大肆及高調宣傳自己生意, 佢每次出嚟都係分享音樂, 每次演出都係專業水準…
2個讚
現在我學懂一笑置之。反而被d 唯粉搞到心累，佢哋互相攻擊，仲要去鬧另一鏡仔，點解要咁？例如最近兒登事件……
另外我在某群組，贊其他鏡仔就會被禁。反而有啲仔既群就開明好多。明明係一 team 人，佢哋本身都好朋友。
最弊連公司都搞分化，Co star 同 star 事件想點？
3個讚
願聞詳情
睇少D隔離登啦, 果邊有班haters日日開POST反鏡架
2個讚
就係比我有呢個感覺，佢地個人品牌嘅衫價錢貴到拍得住名牌，餐廳開完一間又一間，好多次記者冇問，佢地都互相帶起講個人生意
最大問題係而家mirror歌曲表演都退步緊，每況愈下。我唔係hater，係真係覺得佢地不進則退中⋯
7個讚
我認同你既講法, 點解追星追到咁肉緊? 好似變左家長咁, 咩都要管.
睇到佢地做緊自己鍾意既野, 不是已經好好?
12位並不是白痴, 如果公司真係衰到貼地, 你估佢地唔會講?! 唔會反映? 點解局外人, 仲多意見, 好似知道好多野咁…
依家只是唱歌/拍片, 真係好難搵食…時代唔同左.
平常心做FANS, 咁樣大家都開心D.
8個讚
上星期官方網頁英文介紹12位，KT 被稱為 Co star of mirror ，AL 係 star of mirror. 姜糖鬧到飛起啦，炸爆官方 ig
反而中文版就人氣及男神，這個就冇問題啦
Exactly! 前輩們都不忘本業，無忘記自己真正身份係咩，無忘記要帶比fans d 咩。偶像要回饋fans ，你話要用好表演來回饋，定係用衫or餐廳來回饋？仲要唔係免費送件衫比你wo, mirror d 衫同餐廳仲收你貴一貴ga wo.
我記得軒仔有d side projects 仲同保育有關，你更加想佢做多d. 而且佢地好多都低調，唔講唔知。
1個讚
VIU大細超就唔係第一日
3個讚
或者咁講，當一個聲稱偶像既人事業剛起步，開口埋口都話自己表演未夠好，仲學習緊，努力中既時候，大家就會期待你會花時間練習唱歌跳舞，下次舞台上帶比觀眾驚喜。
點知原來你take 左呢d時間去整衫開餐廳… 仲要唔止一間。咁你d表演做成點呀…? fans 等緊你進步，咁你去左邊？
其他奀星做既野就唔care la, 造星100強都出來賣野架啦，香港地麻。人又賣你又賣，個個都折現人氣。
2個讚
係廣告公司寫，亦有英文比較好些嘅粉分析其實co-star 無貶意
one of two actors who are given equal status as stars
1個讚
睇你點解讀啦
1個讚
最近訪問佢地都話宜家會keep住每個月12個仔出黎開會，聚下，檢討下工作，呢半年佢地不斷畀人惡意攻擊，佢地退步左就抵鬧，但有啲擺明想佢地死，佢地應該心知再唔努力，就散㗎喇，大家都知香港人個心話散就散，任何事都唔團結。
最近睇佢地馬來西亞為團歌訪問條片，我覺得佢地仍然有初心，仲好好笑，大家仲玩得，香港難得有隊男團，我好欣賞佢地。
5個讚
我講得出名嗰啲，已經叫做上咗神枱，
仲有好多未上神枱，連名都講唔出嘅都一樣有好多副業㗎，
呢個行業不嬲都係最現實，當紅嘅就全世界要人，當「揼」就算免費都嫌你阻埞。
最記得卅年前 搵 咸校長都要， 4萬， 唱四十五分鐘，4支歌，
只係可以夾日子，當晚幾點到場冇得選擇，連影相都有限際。
結果最後都係唔接我哋，射我哋搵「你克人」條件相同 收2萬。
你哋只係對這（職業）認識唔深，
唱歌和跳舞都係差唔多，無唱返十年以上．舞跳返五、六以上，都難有起色，
但從來都唔係唱得好先係最紅，
大把唱得好，都係半紅不黑，甚至寂寂無名，
梅姐未參加「新秀歌唱比賽」之前，都唱咗十六年，
以前香港有好多 歌廳、夜總會、走廊，利舞臺、荔園 養活唔少表演者。
現在仲有幾多？
海洋公園、迪士尼、新光戲院，
定係 各區文娛中心（攞政府資助派票比街坊嘅表演節目）
7個讚
曾經睇到個有趣推論，最想鏡仔收檔會係邊班人呢？最近發覺多番一班原本係某國長駐又唱歌又上綜藝d人出現番，響香港出番歌仔，而家娛樂圈算係有少少起色，唔敢話鏡仔有份推動，但少少都算有。咁既然某國揾唔到食，梗係番黎揾啦，如果唔剷走班仔，又點可以番黎做番大哥大姐。
至於鏡入面又出衫又開餐廳，印象好似得兩三個，如果可以揾到片証明佢哋hea住表演，唔該post link 。佢哋十二個大部份都好認真對待自己演藝事業，因為佢哋知一切得來不易。
呢間公司長期分工不勻，十二個入面有幾多個日日有工開，最多廣告從來都係得四個，咁另外八個係咪要不食人間煙火先得？開餐廳出衫係揾食，藝人要食飯，只要唔影響本業，粉絲應該支持下。
最後，有兩類鏡粉真係拜託唔好再追星，一類係唯粉，一類係過度幻想CP粉，只要自己粒仔無成為焦點，例如歌唱少兩句，演技未獲讚賞，訪問無咩講嘢，但凡以上種種，咁陪佢出席嘅其他鏡仔一定成矛頭，受盡責罵。呢種行為唔係愛，係操控，唔該脫粉。
鏡仔出左幾首歌加埋調教mirror，都係想鏡粉團結，唔駛鍾意晒十二個，但係請唔好傷害任何一個，佢哋十二個齊心，邊班人想收佢哋檔都難過登天，佢哋公司玩分化，鏡粉就要更團結，要呢間公司唔好再做無謂嘢。
我好欣賞呢十二個鏡仔，佢哋成名之路好神奇，我會繼續追，因為我唔想再見到食粉絲個d，以前話青黃不接，而家有感青出於藍，感恩感恩。
唔好意思太長篇 
18個讚
佢開業時，－樣都有宣傳，都有記者採訪，只係有幾多人留意佢哋嘅報道，有幾多人去幫襯。
2個讚
我記得你，
上次演唱會意外發生後出現嘅「黑粉」，
帶風向，將電視機跌落嚟責任推晒比mirrror、花姐 及 經理人公司，
現在政府拘捕工程公司嘅人，
今次出現，你又想點，又推mirror去死⋯⋯