原來呢度有咁多同路人…
大家都要加油
我已經好多年冇同屋企人聯絡
離開屋企頭幾年都仲會比d殘餘既負面情緒影響
之後開始整理到到底屋企人問題係點樣一回事，同埋對自己有邊d影響
慢慢就開始個人好左好多
不過都冇可能亦唔需要強求洗甩晒屋企人造成既傷害，可以掌握返自己人生已經好好
2個讚
先唔講樓主個case, 因為佢媽玩到介手道德綁架，我好唔認可。
但係我認同其實好多人都係有錢有孝心，窮人生仔係吃力不討好。
睇連登，好多人呻自己呀媽窮唔上進細個冇興趣班冇旅行唔培養佢地，但好少諗以前病左呀媽有冇照顧呀，有冇帶去公園玩呀etc，好似成日用物質去定義係咪好父母。
有d人話窮有窮養，其實只係辛苦左自己，然後仔女大左又好大機會埋怨，真係唔知為咩。
2個讚
勸你唔好同情緒有問題嘅人講呢句「風涼話」
Let go 唔係你眼中咁簡單
7個讚
如果係我畢業一搵到工就搬走
真心唔係風涼話，我自己都係咁過去，一定要Let go，唔係就自己鑽死。
不過多謝你意見，我下世會小心啲。
1個讚
其實喺家庭入面做開「下把」位真係好難搞，我細個阿媽一有唔開心就會發洩落我度，連其他兄弟姊妹都加把口話我，其實我知道俾阿媽打鬧唔係因為我做錯乜嘢，而係我做咗佢嘅情緒出氣袋，呢樣嘢對我人生有好大影響
不過當我同佢講，佢就話我其他兄弟姊妹都無咁嘅問題，所以問題一定喺我度，唔關佢事
3個讚
好明白樓主，抱抱
某一年我朋友同我講佢阿爸病死咗佢成身鬆晒，我以前唔明。直至我阿爸因病過身，我終於感受到解脫…
樓主，有得揀就走啦，係時候對自己好啲
3個讚
樓上有人大約提過、可能佢哋為生存已經用左好多力、仲邊有能力關愛、我認同既、搵食受氣返黎又可能發洩下、係近代先講親子、樓主都話係大左父母先突然想一家人食飯、但已經錯過左建立關係既時候了
哎啊，真架！所以我依家唔敢亂答應小朋友
就算去迪士尼，我都係早一晚or早上先講比佢地聽
怕有咩特發事件影響冇得去，變左我講大話
話說我家姐又係，有次睇牙醫我媽話買貼紙比佢，但冇買到，我家姐仲記住
3個讚
問題根本O係佢地度, 做父母更大責任, 因為父母應該要阻止, 但佢地係助長
我自己就係咁, 老豆從來冇出聲, 最後老母問我, 老豆乜都冇做過點解我連老豆都唔理
因為佢應該出聲GEI時候都冇出聲呀!!!
2個讚
如果關係好咪小事囉、但唔好就真係記恨一世了
1個讚
樓主快啲走, 走前唔好再同家人聯絡, 變相俾機會佢地情勒索你.
你冇欠佢地. stay away from the toxic people and live your own life.
2個讚
唔生性的老人係要管的。
其實家庭有問題唔應該生
睇完啲回應又令我諗起啲嘢
有啲人即使你同佢講 你呢啲說話行為傷害到人/影響到我情緒
對方都會覺得 我係為你好 我有自由 點解唔講/唔做得 係你唔明我嘅苦心
如果呢啲人係所謂父母更加冇得搞
好多都慈禧上身 以權威迫仔女屈服
我都過咗好多年呢啲生活
尤其係社會發生大事嘅事候更痛苦
只能夠自己學識對呢啲人閉上雙眼雙耳
有得遠走高飛係最大嘅資本
加油樓主
希望你喺呢度得到好多同路人嘅支持
1個讚
近排屋企發生咗啲事
令到我終於知道佢哋咩事
就係終於明白自己由細到大都咁孤獨 好多野都係自己一個人解決
知道左真相
我係好無奈 好傷心
唯一安慰到我係我老公係對我好好
1個讚
錯曬！
9 7年之前，B N 0護照 好似二百幾元 申請費，
成年人可以 免費 加 兩名1 1歲以下兒童 在護照內，
大前提係你父母有沒有香港出世紙，如果無，就要申請「歸化入籍」，
這個可能要用多啲錢，搞一張律師信，向入境事務處申請，全部大概要五千元，
仲要⋯⋯未必一定會批准入籍，有拒絕申請嘅風險。
1個讚
最幣真係玩大左個女就做罪人呢
該主題在最後一個回覆創建後180天后自動關閉。不再允許新的回覆。