自己父母唔生性，其實冇得搞，
因為佢地都老，用咗自己果套過咗成世，
就話佢知佢地係錯其實唔會聽，
就算知自己唔好其實唔會改。
但問題係唔生性父親不單止令仔女無贏在起跑點，仲係一種拖累。
好似父母窮得嚟洗腳唔抺腳，
就算你比夠家用，自己儲錢買樓，
當自己屋企換樓，搞裝修或者去旅行，
或者出去食餐好啲，
你唔會想比屋企人知，
唔想聽到有人話你嘆世界點解唔帶父母去……
點解你得閒放閒周圍去都唔陪下父母……
點解你換樓唔幫下細佬妹上車。
我係完全唔想做佢哋嘅細路，
少返去食飯，我知佢哋會好唔開心，（其實佢地成世人都唔開心）
過時過節返去食飯，
迫自己問候下佢地，講啲門面關心說話，
係會覺得好難頂，果晚返到自己屋企係會嘔，
我覺得自己係陪老細坐枱嘅雞咁。
我唔憎佢地、但冇仔女對父母應該有嘅感情。
可能由細到大冇培養到。
或者喺我需要關愛果陣佢哋冇比到。
（但我又唔覺得有乜損失，由細到大都唔親近佢哋。）
由細到大家嘈屋閉，
老豆因為犯過事，揾唔到長工，長期做散工，
阿媽生完呀妹冇做野，炒股票燶咗，日日跑出公屋走㾿尖叫，
細個我同啲舅父舅母傾多兩句，
話我睇唔起自己父母，痴外人，
細個岸居居唔明比人鬧緊乜，
大個終於明，係自卑變到自大，
我冇BNO，老公有BNO，
計劃移民，返去食飯提左兩句，
母親過一星期𠝹手自殺。
12個讚
好鄧你難過
父母無計劃自己人生，仲無企喺你嗰面諗
拖住你後腳，令你的人生規劃都要為佢哋而變
但另一方面，父母關係又無得改變，好矛盾。
但你要堅持你認為岩的決定，佢哋接受唔到就寧願唔講俾佢哋知或者先斬後奏。
2個讚
你自己都答左自己啦
佢地知道好, 唔知道好,
佢地都唔會改
佢地已經慣左自己既模式
自己永遠都岩, 人地永遠都要遷就我
你唔就我就係你唔岩, 你不孝
佢地唔會企係你立場諗架啦
自己為先呀嘛, 自己先係世界既中心
所有人都要為佢地而轉
咁都講聲恭喜先, 起碼老公有BNO, 有條後路先
而家佢都知道左, 手都界埋, 都係想你留低o者
有小朋友既話, 話過去同小朋友讀書, 拎到pr就會返架啦
無小朋友既話, 我會執好晒行埋, 到左步先再講
反正你都少返屋企
你自己諗下, 佢拖累左你成世
下半世仲要比佢拖住你嗎?
佢唔開心, 你做幾多佢地都係唔開心
咁你又要為佢地既唔開心, 買幾次單, 連埋自己唔開心一齊同佢地唔開心???
8個讚
淨係呢句：比著係我佢未出院已經飛
我最憎比人情緒勒索，你愈勒索我愈走得快
樓主，信我，走，唔好理，你人生仲有將來，痴住佢哋玩完
19個讚
其實我都唔係一個好人
冇點關心佢地
冇對佢地好
會諗你地後生「享受」咗你要嘅自由自在
咁呢傢窮，關係唔好
係一個必然結果
我覺得做門面嘢，已經係做到最好
4個讚
我諗好多上一代父母都係咁，無乜讀過書，淨係覺得我揾到食養大啲仔女就得。
乜嘢興趣班，學琴咁晒錢。我細個畫畫好叻，身邊好多人都叫我父母應該比我正式學，但我父母覺得畫畫揾唔到食，識畫畫有鬼用咩。
講到bno，我父母都無幫我同啲細佬妹申請。我細個細屋真係窮架，2千幾蚊一本護照，3個細路仔成6千幾7千，我父母邊捨得比；何況我哋細個都無去過旅行。我第一次旅行都係20歲後嘅事。我好彩老公有bno，先叫有得走。
不過唯一慶幸係，我老豆要生性自己買居屋住，唔洗我哋煩佢哋住囉。
不過佢哋始終脫離唔到舊思想，佢哋好想我細佬結婚（細佬唔想），但我成日諗我哋屋企咁窮（雖然無我細個咁窮，但真係唔可以叫好境）邊有女仔肯嫁入嚟，同埋都唔好累人哋個女啦。
3個讚
呢個就係我心結
呢世無論點努力
所有嘅「開心」都會因為佢哋嘅存在扣咗分
仲會好衰咁諗
點解佢地仲生存緊
我同先生呻過呢個諗法
佢話嘅我只係用「平常心」保護自己
如果唔係只會一齊癲
我都明
我身邊都有啲朋友父母唔係好
但呢傢佢哋都仲錫父母，會關心佢地
但我係冇「關心」佢地嘅感覺
只係有「責任」嘅負擔
會成日諗、佢哋正常返小小得唔得
我覺得, 對人好, 其實係雙向, 當然都有單向既
佢地對你唔好, 你又點會對佢地好,
如果用緣份黎計, 父母緣薄, 子女緣薄, 呢D無得攪
可能就算你對佢地好, 佢地都唔會對你好
因為佢地為自己生存都已經用左大部份精力,
好既咪比D愛你囉, 唔好既, 咪好似你而家咁, 感覺唔到咩叫家庭溫暖
有邊個唔想成世都有人關心,有人愛呀
但自己都唔付出, 邊有人理, 情報勒索, 勒到一定時間, 對方都斷氣死心, 唔會再咁蠢咁默默付出啦
你過到去, 放過自己, 唔好再諗返轉頭啦
過去已定, 你回望, 開心既事, OK
唔開心, 唔通你想一直了D唔開心事, 等自己成世都活係過去咩?
開心就話o者, 唔開心既, 飛甩D舊回憶, 唔好回味啦, 唔好困住自己
前面仲有好多唔同既人同事, 等你去發掘, 咁你想笑住咁面對前路
定苦口苦面, 日日都唔開心咁面對前路?
咁樣同你父母有咩分別? 都係唔開心, 亦令身邊人擔心, 唔好咁啦 
對自己好D, 就係對身體人好架, 你都唔想你老公為你擔心架嘛 
6個讚
一句緣薄真係解釋曬所有嘢。
冇錯！！
佢哋連自己嘅人生都一鑊粥，
所以邊有能力關愛自己仔女…
到呢傢老公、會煲湯叫你返嚟飲，
覺得想補救想做返啲嘢。
而我就根本唔想同你地相處。
1個讚
樓主，身同感受，但唔係我父母，我父母好好，而係我d兄弟姊妹就係你父母角色，所以我都好明白，最後我都係要移民避開佢哋d蘇州屎
tobie
12
佢地自我感覺係非常良好, 你眼中一鑊粥o者,
佢會覺得已經盡晒力對你好, 所以你都要對我好
但, 自己感覺最真實, 唔開心就真係唔開心, 唔舒服就係唔舒服
打都可以係愛架, 不過我唔接受呢種愛o者
咁你老公係好仔, 想幫下你同父母既關系
但你同你父母咁多年, 大大小小既事, 佢又知幾多
人係向善行, 你老公都係善意
只係, 當時人, 即係你, 過唔到自己個關, 所以
你老公要做, 比佢做, 但都可以同佢講, 唔需要咁做
因為佢地唔會知足, 佢地亦覺得理所當然
大家個接駁位, 認知位都唔同
我都係個句, bno, 快走, 唔好活係過去, 要活在當下, 睇眼前睇到既人同事
2個讚
就算唔移民，為咗自己身心健康，都覺得你應該同佢哋保持距離
你媽有精神問題？
投資失敗後冇好過？
你哋有冇帶佢睇醫生？
其實現時佢哋做左咩令你想佢哋快啲死？
Sorry真係睇唔到除咗你嫌佢哋窮，同唔想負責之外，你父母做錯咗啲乜？要你俾好多家用？你唔理佢哋就要生要死精神折磨你？
數返以前細個啲嘢有咩意思，
咪又係嫌佢哋窮/犯過法/有精神病。
如果窮人生仔正仆街咁冇辦法啦。
之前連登睇到分享下，
我識一個女人嫁左住幾千呎屋，唔洗做資產唔太清楚，有樓收租咁上下。
女人老母親住公屋，撘個智障仔。
佢每月都好盡孝會俾2千家用，過時過節會返去食飯，成日同我呻話根本都唔L想返去，我冇問點解呀，呢啲梗係明啦，邊個想返去公屋見到個咁L窮嘅老母，同個智障兄弟呀！？
咁我同佢講，咪唔好返去囉！
佢話梗係唔得啦！我要身教俾個仔知，要孝順父母㗎嘛！！！
我有8成似，唯一無你咁強烈係返屋企食飯好似生枱咁。我知你辛苦，抱抱！
錯嘅唔係我哋，你做得好夠，唔使理其他人點講，路係你行，佢哋無權阿之阿左
3個讚
窮嘅父母冇罪，但窮又冇好好照顧仔女，到仔女大咗玩勒索就衰格到爆
要記住，世界上冇邊個欠咗邊個，自己人生自己負責，佢哋生你唔等如你要孭上身，佢哋hea養十幾年，到你大咗就勒索你三四十年，根本唔公平
唔使理，佢咁多精力煩你即係證明佢哋好有心力照顧到自己，入籍先算，到時再盡孝囉
4個讚
睇到你呢個po就諗起自己喇，細個冇人理，係3餐都冇得食架，大個左就被當提款機。而因為早2年某d事項，我同佢暫時冇再聯絡，而家開心好多。
3個讚