樓主有提到細個都有問題, 只係冇詳細咁講
以我自己為例, 如果要講, 我可能打字都要打兩三日 
1個讚
成日歌頌母愛、但呢種只係當子女係附屬品既佔有慾、其實係恐怖的愛。
有朋友提過移民、回應都係話等佢死左先好諗、又係老人家有三高果種、再講會激到佢爆血管…
我哋呢代比較尷尬、上一代仲係養兒防老要斷開真係做唔出….
3個讚
你講得好啱
同輩朋友同自己媽都有啲通病、怨天怨地怨老公無用怨仔女無成就、唔放心仔女但冇能力幫、只係一味阻攔同放負
個女結婚都自殺
咩料
應該覺得無左長期飯票。
如果係我，我會話當我乞兒啦，每月俾二三千蚊我。對住癲既人真係要更狠至得。
1個讚
最憎呢d
講明份糧一半要上繳, 真係好共產
咩叫唔好俾二三千蚊當佢係乞兒?
777 俾乞兒都係五百蚊咋
況且乞兒都有d 誠意求人先啦, 佢呢d 口吻直情乞兒都不如
1個讚
記住：家用本身唔係必需，亦唔係一個條款
1個讚
失業同移民都要照俾吖
如果有D父母成日話佢地攞老綜係因為要養你地
所以就話自己一直 “供書教學” （但其實用緊政府錢）
仲有無能力但係咁生只為要生到 仔
見兄弟有一個仔唔甘心,又生多個 —咁老綜未攞多D lor
但到D仔女大,就 expect 佢地養番佢係咩玩法？
無本生利投資法、咁多個只要有一個成才同夠聽話就翻身
我呢句係要加埋我下一句睇
，不過算啦，大家都唔明，即係我表達能力有問題
我有睇埋你下一句，
我認我係嫌棄佢地。
你問有冇睇醫生，有，
試過判埋入院住一兩個月，
之後出返嚟，
唔夠兩星期又變返唔正常，無限loop。
我認我係好有問題，
細個佢地唔點理，平時晚上飯都冇乜點坐埋一齊食（老豆未返屋企，呀媽一係訓一係出咗去打牌），
我反而覺得冇乜野，
（因為一直都係咁）。
到我大個咗，
佢哋突然醒覺要一家人坐埋一齊食飯，
一坐低我個人係好唔舒服，
佢哋夾舊餸比我，
我係覺得果舊嘢好嘔心，
想即刻夾返出嚟，
佢地講啲好關心嘅說話，
我聽到只係想打冷震，
甚至頂唔順入馬桶扣喉。
為咗避佢地，我細個出嚟做嘢，
會揾多份PT返埋晚上，
半夜先返屋企，等自己唔駛見到佢哋，
到結婚，搬出嚟住，
娘家係新界北，
我特登搬到港島東，
大條道理少返去少見。
佢地淨係要錢都好啲，
我比返能力範圍就得，
但呢傢佢地想要關心，想要父慈子孝，
我比唔到。
有時同佢去覆診（問幾次先陪一次），
個幾個鐘我係好唔自在，
過馬路，我媽想拖我隻手，
我係心入面「妖」咗聲，好想縮反隻手。
當然咁做對佢好殘忍，我唔會次次都縮。
但比冇縮果幾次，我係之後會瘋狂洗手，
係難頂到想切隻手落嚟。
總之唔見佢地我個人先舒舒服服。
好似我隔一兩星期會去探我阿婆，
（因為真係掛住佢），
佢次次見到我都話你呢排有冇上你媽度，
我笑笑口話我掛住你多啲，我都唔掛住佢，
阿婆都好無奈咁講兩母女點解會冇計傾，
早知當日唔幫手湊我（佢湊到我小學）
每次聽完佢呢句都好有壓力，
好似我唔對自己父母好，
就唔可以對呀婆好咁。
我同我表哥表姐出嚟食飯，
佢地有時又會話：「你同你細路妹來往多啲啦，話晒同一個呀爸呀媽，點解咁疏離傢。」
我女係會問點解我同公公婆婆舅父姨姨咁唔熟咁，我會照答「係呀，我地由細到大都冇點傾計，大家鍾意嘅嘢唔一樣。」
老公好啲，會幫我加多句以前公公婆婆忙揾食唔得閒湊。
我係過時過節會一家返去食飯。
8個讚
多謝你呢句，睇完舒服好多。
1個讚
我撐你，冇人會想自己咁對父母，你咁樣只有一個原因：佢哋對你好大傷害
我阿媽都試過傷害我，我冇辦法忘記，但你話唔原諒又未至於，總之我同佢冇辦法親近。所以我明白你
4個讚
多謝呢度有人聽我講
有個地方我可以舒發下感受
對住佢地、我係覺得自己連「憎」嘅感覺都冇
只係冇乜感情，但責任上或者因為血緣關係冇得割得清清楚楚。
好似拍拖感，當同對方冇晒感覺。
唔想比佢掂，唔想見到佢，
可以好決絕去部署分手，
就算對方可能會鬧你咩冇感覺丫，
如果我係李嘉誠個仔你仲會唔會冇感覺？
ok， 係我嫌你窮嫌你呢樣果樣，總之你鬧啦，你點鬧都得，我淨係想走。
但血緣關係冇得話完全割捨。
1個讚
同佢講你一個月得5千 
唔係你表達能力有問題
有時未必係嫌佢窮/犯過事etc
係由細到大有冇溫暖, 有冇愛
我自己就係:
阿媽長期每日不停嫌三嫌四, 我出街, 佢鬧, 我唔出街, 睇電視, 佢鬧, 唔睇電視, 佢鬧, 睇書 (名著o個類, 唔係漫畫), 佢鬧, 訓教, 佢鬧, 唔訓教, 佢鬧
有段時間冇工人, 我洗衫, 拖地, “點解你唔洗埋個廁所?”
阿哥應承左洗碗又拖住唔洗, 阿媽鬧埋我
家姐同男朋友嘈交, 發我脾氣, 阿媽鬧我
正常地用焗爐, 想整野食同阿哥一齊食, 阿哥發癲, 阿媽要我say sorry
阿哥家姐畢業有返工冇俾家用, 阿媽又鬧埋我 (讀緊書未畢業)
呢D只係一小部分
呢班X街影響我好多, 諗返自己讀完書搵工點解咁難, 原來自己好冇自信, 點解會咁, 就係由細到大做乜講乜, 一係冇人理我, 一係鬧我, 我錯俾人鬧, OK, 冇錯又俾人鬧
o係屋企, 我講野, 一有人發表意見, 我就唔可以再講, 再出聲佢地只會大聲過我就當佢自己o岩
大個左脫離左佢地, 先明白原來我一feel到人地想challenge我, 我已經唔敢再出聲, 結果搵工interview, 人地就覺得我唔識俾反應
8個讚
same here
試過有一份工, 可以做到幾點都得, 我晚晚都做到1點 (尾班車時間)
之後轉左工, 7, 8點就返到屋企樓下, 我晚晚o係公園坐到12點1點…
先唔講對錯，你似唔似嗰啲想分手但又分唔到，好痛苦，想個老婆快啲死嗰啲人？呢啲殺人case外國都唔少。
就算你唔會咁做，但長年咁樣痛苦有咩謂？
你有樓有錢移民有老公仔女，人生已經好高分，何必令自己去到呢個位？
諗方法解決佢啦。
唔係淨係養, 仲要照顧
我阿媽試過整親手, 做手術後, 第二日出院, 佢兩個仔女聽到, 唔夠一秒, 即刻話唔得閒, OK我接佢出院 (大家都要返工)
之後成足足一個月都係我同佢沖涼, 本來我成日約FRD (因為唔想返屋企), 變左日日6點放工仆返屋企同佢沖涼
過左兩三年, 我轉左行, 成日OT (都係因為唔想返屋企), 佢又做手術, 鬧我唔理佢
之前佢整親手, 佢兩個仔女唔理佢佢又唔鬧, 總之淨係鬧我
後來我醒覺, 原來一日有佢地, 我點做都係錯, 只有斷絕來往, 我就唔會再錯 
1個讚