我小朋友同樣8歲，同樓主小朋友一樣由細培養看書，6歲一樣睇到Harry porter wings of fire warrior之類。
我地6歲起有俾睇YouTube及打機，之前2-6歲就睇Netflix多。因為我地有限時，所以其實無影響佢睇書嘅興趣。
又另一個題外話，我其實幾討厭個仔只會睇書（仲要8成英文書，睇好少中文書）。如果重新黎過，我寧願佢好似細女咁，睇書進度慢啲，花少啲時間睇書，發展更多其他興趣（如畫畫，音樂）我覺得會更平均。
我地有培養佢踢足球/長笛/日日叫佢落公園，可惜的是，佢寧願睇書…….甚至小息都寧願睇書唔去玩，我有一排驚佢無朋友，幸好最近識左另一個書蟲朋友，日日小息午息去圖書館….
或者你老公唔想個仔同佢一樣太書蟲，所以先俾仔接觸多啲其他野
爸爸就係無限時，搞到我收機時好似做衰人咁，個仔唔鐘意我。我負責帶書去餐廳讀，佢就借出手機！
我老公係咪無得救了，我仔未至於係文盲（因我會利誘佢睇書換禮物），但一定係無興趣睇。
呢啲你要趁個仔瞓左後，同老公傾下取一個共識
睇書嘅野，唔少人中學先遇到喜歡嘅書，從此書不離手。我唔認為幼稚園小學唔愛睇書就會係咩大事
我老公最大興趣係睇電視劇同電影，我仔都跟佢睇好多的，（我仔聽英文，老公睇中文字幕）所以我仔英文理解力都ok。
老公話唔想逼，想個仔自然愛上閱讀。
佢出親街一定去書店，因為佢成日想知有咩新書啱佢，但佢次次淨係去睇自己嗰啲哲學／歷史書，仲要係中文，喺書店成個鐘就pat個仔比我湊。
我會帶佢去兒童圖書部，但佢永遠只睇玩具。
當學校無功課，只鼓勵閱讀嘅時候，我覺得連呢樣都做唔到，係不達標。唔駛佢做書蟲，但唔好淨係睇youtube同玩玩具啦…
謝謝樓主分享。 請問Roald Dahl和David Walliams適合幾多年級睇？阿仔都鐘意睇書，但David嘅書好似唔多有興趣，係唔係因為啲字深呢(未深究)？有無啲啱二年級睇推介？謝謝你
我為咗個仔而重拾讀書習慣，同時亦因為要外出為汽車充電，等嘅時候我情願在車廂睇書
我睇佢又睇，結果我睇得多過個仔 
我小朋友都鍾意睇書，但只睇彩色文字＋圖嘅chapter books。
暫時都仲未接肯睇黑字白紙嘅兒童書。
我地一直都0 tv 0 youtube. 屋企伸手可及既係書，功課，玩具。5歲起會比佢上網課，就係僅餘既screen time.
你地爸爸係咪唔想湊仔就搵youtube 湊？同老公傾傾育兒方式會好d。youtube 打機咁好玩，沉醉過後好難返去本書度的。
我都努力培養緊個仔的閱讀習慣，宜家兩歲，每次圖書館借書返黎都急不及待要我講。雖則只認到少量英文字母，但語言能力幾好。希望維持落去，雖則放工返黎講故仔幾攰。
我相信就算天資普通，早教係有好大的幫助。
same
我已放開了，至少佢有睇，等緊佢click 一聲進入黑白書既時候。
好明顯係
佢想食飯同我傾計，叫個仔睇youtube
佢唔係唔錫個仔，但就係唔想改變生活模式
同佢講減screen time, 佢就做一陣然後故態復萌
我最主要想知係咪要有screen limit才可培養到讀書習慣，係我就大條道理同佢講啦
諗下自己，如果細個電視無限咁播卡通片，父母唔限，你會唔會任睇？
每個struggle位，回憶下代入下，就會有答案
你仔有你一半基因，大膽去諗去做決定
我都會咁，會解釋意思。但我小朋友叫我唔洗解釋，只要跟主段文字讀俾佢聽就得。
我仔細時，我睇過Glenn doman, Montesorri 嘅書，仲有卡爾威特
以上早教方案，係對學習能力低嘅小朋友而做，但效果出奇嘅好
可能我放响細仔嘅時間少d? 但我同另一位孩子IQ >145嘅媽媽傾過，佢兩個仔係用唔同方法"處理"，一個鍾意睇英文書，另一個鍾意睇中文書，佢個case係細仔醒過大仔
佢嘅結論都係：個個細路嘅性格唔同，處理方法都唔同
我覺得早教係提升本身係中間位置嘅小朋友，睇書興趣唔係太大，但有人陪又會睇下，咁樣大人花時間效果就會好好。
但對於天生聰明/鍾意睇書嘅小朋友，你唔陪唔教佢一樣會主動學，而完全無書緣嘅小朋友，迫佢睇反而好反感。
我朋友係超花時間陪讀，但佢二個小朋友一個書不離手，一個係寧願周圍望，發夢都唔睇。
我細個時，係悶到飛起而做書蟲，我就係呢埋一邊睇書睇到親戚覺得我自閉既個種人。如果想當日家境富裕，有無限game boy 同任天堂打（出賣年紀系列），我唔覺得自己會變書蟲。
要明白睇書其實係件苦悶既事。首先你要揀書，拎起本書，打開佢，對眼逐行掃，而且要識字先睇得明，即係對眼一邊掃，個腦要一邊做野，match d字with 字面意思，先明個故事講咩。睇童書都還好，大個d睇小說，頭3，4個chapter 都未入局唔知佢講咩，無耐性就會棄書。
嘩，閱讀好煩呀。打機同睇youtube 直接好多，比晒畫面劇情，spoon feed 個小朋友之麻，唔使經過個腦思考，就咁對住個mon呆望，d野就係晒度啦。
你話慣左比人餵既小朋友，仲點會識自己食飯？
我好同意小朋友係要管下，但另一半唔係咁諗
所以我有時都好羨慕兩公婆都嚴格控制screen time既家庭，雖然佢哋嘅仔女唔一定聽，但起碼實行到先
我同我老公講呢啲，佢一係黑面（覺得下下管會有反效果），一係做一陣然後又返返以前咁（佢本人都係咁性格）
我已經即打電話同老公講咗，佢今次會唔會聽我講，睇天啦…
我自問教仔唔算好嚴，亦唔係完全唔俾玩，只係要求睇完書先relax（打機或youtube），咁佢relax時大人咪自由囉。我唔明點解大人唔可以就下細路…
想當年我開始睇報紙都係咁，屋企有gameboy但鎖起，做完功課無嘢做唯有睇報紙
你老公咁鍾意睇書，做咩唔睇下育兒書
唔係想串咀，而係見佢對育兒有d誤解，你又講唔過佢，咁佢不如都係書中搵答案先。否則佢事事都我覺得我認為，唔學下育兒唔update 下自己，同路邊呀毛無分別，仲阻住你做野tim!
我就先報紙後功課，唉，好明顯唔想做功課