要移民準備嘅嘢進入白熱化階段，老公做前峰去咗目的地先打點一切，我就做偽單親，繼續返緊工未透露辭職，不過都就快出信，繼續照顧細路返學到今年學期完先走，攪交吉香港物業，大執屋寄船。。。就黎人都癲。。。
突然心情一抽，覺得要放棄呢到努力建立嘅一切，過去重新開始，未知將來工作機會如何，有一陣悲從中來又唔捨得呢到嘅人和事，都有怕自己將來會唔會後悔，小朋友會唔會大個咗問我點解要將佢地移民去到一個家庭資源冇咁好嘅地方。。。
有冇過來人可以大家交流一下，好等我舒緩一下呢種緊張情緒。。。謝謝
26個讚
我5月飛
一樣好不安
不知道是否好決定
我最親密的朋友都係香港
6個讚
過多一年你會覺得自己正確
17個讚
小朋友幾大？
資源無咁好係用咩定義？
我兩個小朋友好細個就離開香港，80%以上嘅「資源」都係由大自然提供，好天時就帶佢哋去公園、草地、沙灘。係呢幾年生活穩定d 我先去d 使錢嘅地方。
讀書就完全0資源付出，日日放學返嚟就係玩。
13個讚
你本身有香港物業賣出，資本帶去任何地方都可以從新置業，足夠生活穩定。既然已經決定咗又準備就緒，就勇敢向前望，不用回頭想太多。為咗下一代將來有選擇嘅自由，你會感恩今日嘅機會。
13個讚
鄧你地開心
2個讚
最慘我地係蝕住賣樓，窮住過
但叫做走得甩，執身彩，因為物業已舊就快排隊做大維修。
5個讚
我上年年中走，走前同屋企人同朋友瘋狂食飯同見面，嚟到無乜唔慣，每個星期都會同屋企人FaceTime, 嚟緊Easter同暑假四大長老同屋企人會過嚟探我哋
3個讚
？
同買入價比？同理想價比？
明白你心情
但有D嘢唔使擔心喎(係諗錯左添呀)
不知幾多人(千辛萬苦)就咁掉個小朋友去外地讀書 佢地唔會投訴啦
人地小朋友孤獨地一個人過去讀書 你地做埋跟得家長不知幾好
大人既前程就 … 唔會後悔啦 係賺小左啫 小朋友一樣肥肥白白咪得囉
3個讚
同你一樣，但我同自己講，試2年先，唔得咪最多返轉頭。唔試過又唔會知最後係點。無論結果如何，都會係一個豐富了大人小朋友人生經歷及視野嘅好機會
10個讚
初時會咁諗，到你適應了，開始享受新生活就會正面地諗係生命嘅新一章
唔好諗你失去嘅，諗你新嘅體驗新嘅得著，you only live once 
8個讚
正是，下下講錢就冇呢啲機會
3個讚
唔知你小朋友幾大
但絕大部分小學生或再細嘅小朋友都鍾意英國多過香港
剩係周圍環境、住屋、學校已經冇得輸
到佢哋大咗識諗就會更加明白多本passport嘅好處
6個讚
2個， 7 ＆ 4
我地去澳洲
我兩星期後走。之前一路返工一邊搞賣樓、搵落腳地、預備申請visa，到後來正式申請、批左再預備辭職、買機票、搵地方住、搵搬屋公司、pack 嘢、清稅、搞銀行同保險嘢…. 一直都係忙，直至而家去到真係尾聲，同唔同朋友食farewell 飯，先至有好唔捨得既感覺，真係好唔捨得呢個長大嘅地方同埋呢度嘅人及事，始終離開comfort zone係好不安，呢種感覺唔容易抹走，我都搵緊方法去減低呢啲不安感。共勉之
6個讚
澳洲天氣仲好啦
加上有另一半做先頭部隊打點好等你哋去，兩公婆一條心好多嘢都可以一齊解決
10個讚
我喊咗兩三個月後諗通咗，新生活照享受，香港我會返去，但遲啲，我假設有七八十歲命，一定有機會嘅
唔好諗到咁死咁長遠，唔好困死自己，有自由，有選擇，有多一個保障就係贏家
6個讚
同你情況好似好似。自從訂咗機票，定好日子，心情就好忐忑。。。
你去澳洲應該易適應過去英國，淨係天氣同食物都好d
5個讚