細路要問，點都有得問
你自己大人過得愉快，細路會知嘅
行左就唔好諗太多啦
3個讚
澳洲好吖，小朋友唔會唔開心嘅
正常㗎，每個人臨走之前都係咁，自自然然好多嘢諗，但上咗飛機就會放低香港嘅嘢，總之唔好吓吓同香港比較，放眼於明天吧
3個讚
重點，向前看，唔好諗返轉頭。
將來一定有困難，千祈唔好覺得喺香港就咁咁咁、嗰時唔走就咁咁咁⋯⋯無意思。
7個讚
講真，度度都有辣有唔辣
純粹搵錢就梗係香港好架，但走得嘅九成五都唔係因為想搵錢架啦
5個讚
呢個世界錢唔係最重要嘅嘢
留得青山在，哪怕冇柴燒
4個讚
人人standard 唔同，總有啲人想乜嘢都著數曬，不過邊有可能
我哋嘅經歷好似，
同樣去澳洲，同樣前後腳，timeline差唔多。
我係先頭部隊，
目前正式到埗兩星期。
工作心態當working holiday，俾少少時間自己settle。
剛搵到份本行temp job，星期一開工。
fresh grad人工，直到兩三年正式攞番牌先可以計埋年資。
有文化衝擊，一半似香港（都係城巿），一半oz style(chill同personalisation)、好多人番part time（香港係冇可能同公司request轉 part time）等。
啲人普遍都nice，知我係新移民都盡量會幫忙，有嘢唔明佢哋會解釋同寫紙仔。我都想做好啲，等佢哋肯請香港人。
（香港醫護太勁，早嚟個批已經省靚咗個招牌，某啲醫院係好樂意請香港人，有勁多香港護士）
好多嘢發生得好快好順利，
宜家要操番手車（雪藏牌）、準備番工、執屋、申請唔同嘢等，
由執嘢船運、搬屋、辭職等，呢一年係冇停過。完全明白有幾癲！you’re not alone!!
一定會思鄉，因為得我一個女人仔，會怯。
我算住得近city，只要肯洗錢，衣食住行可以同香港一樣。
（希望之後出糧感覺良好少少，冇宜家不停倒水，但冇收入個種感覺好不安）
同埋今個禮拜真係有少少思鄉，所以入左啲香港人group，傾下計，可能遲吓約飲咖啡，感覺又良好番。
至於後悔，我估我唔會後悔。
又或者咁講，嚟到生活，體會到豉油嘅重要，
提醒番原來呢幾年不知不覺失去左咁多，
（最驚訝係自己遺忘咗/亦習慣左冇豉油嘅生活）
生活再困難都會堅持行落去。
最多，拎到passport再去新加坡發展。
加油呀，you’re never alone!
26個讚
我都明既 我離開香港前一星期都好不安 都會喊 但來左英國後又好開心了 到步半年已好適應 日日訓得好好 無香港咁多野諗 我身邊既朋友來左英國後都生活得好開心 你去澳洲應該天氣更加正 所以唔洗太擔心
2個讚
5月尾走喇我同老公
外國咩人都唔識 心口得個勇字
唔知搵工要搵幾耐 亦唔知做咩好 又怕溝通唔到
每隔一陣都會對呢度唔捨得 屋企人朋友
但其實係唔捨得以前
一走出街 就見到面目全非
人多到恐怖 空氣奇差 人態度惡劣 夏天又濕又熱到癲
就好想盡快走
4個讚
淨係呢到都有好幾個family走，我朋友圈中都有至少5個family 黎緊幾個月就走，移民潮今年依然，係白痴正苦係到自己呃自己，冇得救
3個讚
啱定錯無一定，將來係點無人會知，好定唔好都係睇你自己點面對，最重要唔好俾舊有嘅想法影響，香港好多做法唔一定係外地用到，唔好下下諗香港點做都照搬過去，放開心態走適應外地生活，咁就無咁多擔心
我2年前阿仔升year 7 嚟澳洲，佢嚟到好開心，好快適應，會主動溫書做功課，完全唔洗我理。
我嚟到初時都有hard time，冇做嘢冇收入，環境唔熟悉又冇朋友，我仲要怕昆蟲…真係會諗點解要咁呢…不過慢慢就好啲
祝你順順利利
1個讚
我上年三月去咗袋鼠國。係有辛苦嘅時候，經濟上冇以前咁豐足，小朋友遇到bully ，有懷疑過自己決定。不過，人生要看長遠一點，我見到香港遊行要帶名牌，內地醫生來港，我覺得未來的香港…
3個讚
另外，我找到full time 工作，做返本行，人工比香港少一半，但已經好感恩。
孩子而家有朋友，開心咗
放假去成就/三一（亞超），煮下飯，日子平淡過
2個讚
準備出發前係咁，不過我到咗步就算幾辛苦都無後悔，小朋友就係最開心個個，只要諗大家一家人其實去邊都一齊已經好夠，永遠記住自己點解離開嘅原因
3個讚
大家去澳洲嘅人工同工作都少咗好多，呢點係我最擔心嘅位，好怕坐食山崩。。。早幾個月已到澳洲感受物價，平淡生活嘅，起居飲食不算貴。。。希望到步盡快搵到工做就好。
2個讚
我識都好多人/家庭今年走，有人終於賣到樓、有人因為政府之前迫細路打針，申請得嚟差唔多。始終唔係話行就行。
1個讚
我都係因為上年迫5歲打針先加快咗1年個計劃，賣樓都玩咗一年半先做得成。今年我識走個啲都係各大公司當打當紥個批，好埋好多高司啲高層都話而家請返個似樣嘅員工好難，佢地都好頭痛。見到香港有一排會青黃不接。
你先預咗搵到工交埋稅會少香港一大截
你小朋友仲細，呢邊都興返part time，方便照顧小朋友
到埗settle down咗先搵工
的確係，人工低咗出街食好貴，如果買亞洲食物，我成日同香港價格比然後唔捨得。
但呢邊唔使太打扮，因為大家也好casual ，我冇乜買過衫，冇再做facial body massage etc 又慳返唔少
1個讚