易請難送演變鵲巢鳩佔
3個讚
所以我嫲生前一早將層樓只轉名比一個孫。其他仔女孫有咩不滿，生前四四六六同佢講。
1個讚
唔好留條尾，俾大家日後面阻阻
樓有好多維修同支出要夾，一定有排煩
而且其中一個姊妹成家搬入去，其實其他姊妹都可以為慳租搬回去…
賣樓財散人安樂
2個讚
即係未來姐夫會無條件搬入嚟住幾年先
然後結婚後如果有埋小朋友想儲錢買樓仲難，幾年後一句冇錢買樓你哋都奈佢唔何
最好就係而家賣樓分錢，如果佢哋驚買賣樓呢段時間冇屋住，你哋幾姊妹會唔會有能力夾錢比家姐買樓先，等佢搬走左之後先賣樓，到賣樓之後有錢就攞翻夾比佢舊錢
4個讚
呢啲冇得婉轉，係一家人更加要三口六面講，數還數，均真先冇心病
佢個講法唔ok，對你同其他姐妹唔公平，感情好/有錢都唔應該，佢提出住幾年儲錢，不如即刻賣樓套現
一係叫佢哋結婚自己搵地方，你哋層樓放租
一係賣樓分錢
5個讚
你家姐起左貪念, 姐夫又想食free lunch, 將來得寸進尺.
唔好收自己人租, 佢冇錢交租你點算? 你點樣加租? 佢要求減租你點算? 你想賣樓佢唔肯搬你點算? 一有利益衝突就關係破裂.
你話自己要換大間樓等錢洗, 有急事想借錢, 炒期貨輸左錢, 急需賣樓分錢.
5個讚
Share一個case. 有層樓係屬於爸爸，本身放租，兄弟姊妹當中其中一個因為結婚話要搬入去住，儲吓錢先搬走，爸爸知佢無能力，所以完租約就收返俾佢住，其他人唔願意但無出聲。然後嗰家人咁多年嚟由兩個人變做一家五口加工人姐姐，當時人因為買唔到三房所以唔肯搬走，又話要儲錢所以咁多年都無俾家用。而家到個爸爸想賣樓，當時人發爛渣問係咪要攪到佢一家五口瞓街，個個都唔夠佢惡所以件事無進展，到今時今日當時人最大個小朋友已經中學喇
人哋話講錢傷感情，我自己就覺得如果可以避免之後鬧翻，寧願一開始就解決咗個問題先
13個讚
兄弟姐妹有各自家庭, 一定諗左自己先, 唔會同你講親情, 勸樓主唔好咁天真信佢, 樓上講得o岩架, 賣樓都夠佢首期啦!
5個讚
口講都四五年、真係無眼睇
4個讚
我有個差唔多嘅case, 個個結晒婚搬走晒，剩低最後嗰個結咗婚，就當然叫個老公搬埋入去，但係無俾租。跟住話儲到錢就會買樓。
點知一路都話儲唔夠錢，樓價一路升。
但係呢2公婆一路有升職，又唔洗俾租，又年年去旅行。
跟住生咗2個，2個小朋友仲可以有錢讀私校。
佢話一路賴死唔會搬，因為話無錢買樓喎。
兄弟姊妹幾好感情都好，一講到錢總有人貪得無厭
11個讚
著數攞盡
但又唔付出
如果唔一早數還數，只會嘈交…
1個讚
咁其他兄弟姊妹點處理？
人無恥就無敵
其他兄弟姊妹都無得點格，叫過佢地搬但死都唔搬。
一樣呀。其他佢口中好好環境嘅兄弟姊妹，幾家人都係租緊樓咋，去旅行都無佢哋去得咁多。感情好又點，好易被人利用㗎咋
學樓上話齋，人無恥便無敵。
呢D人根本就係利用兄弟姊妹感情攞盡著數，以為人地唔會趕佢走。
俾著我就會搵執達利趕走佢，出埋律師信
2個讚
所以最好止蝕、未反面前賣左分錢大家開心
1個讚
如果真係要鬥無恥，好簡單，我會話等錢洗要賣樓叫佢搬走，如果佢唔肯搬，我就話咁我會攞層樓去財仔加按，只要層樓有自己名財仔就會借錢，到時睇佢仲有冇得咁安心霸住層樓嚟住
3個讚
同意，與其勸佢走，不如自己做醜人話等錢洗好過，利益角度睇佢真係無誘因要走
1個讚
儲幾年$先買樓，如果樓市好d買唔起咁繼續住成世？
橫掂都會傷感情，早d講起碼唔會乜$都收唔返
2個讚
其他姊妹點睇？
出聲前大家最好有共識，否則你只係吃力不討好嗰個
到最後人人有錢分但你永遠都係俾人怪責傷感情嗰個
3個讚